غاليتي عليكي بعصير الموز بالحليب من كاسه الى خمس كاسات في اليوم وهذي الوصفه من طبيب أطفال وطمنينا عليها

يعطيكم العافيه يارب ..

شكلي باجمع بين الحليب والتمر مع الموز وأشوف

بانتظار باقي الأخوات وتجاربهم

السلام عليكم

اختي شريفة عطيها عسل على الريق لأنه يفتح النفس .. و الحليب بالمووز و الحليب بالتمر وايد ممتازين ..

ممكن بعد تعطينها لبن و تحطين فيه حلبة .. وهالطريقة سريعة :)

الله يخليها لج حبيبتي و أهم شي انها تكون بصحة و عافية ولاحقة ان شاء الله على المتن ..

آمين الله يجزاك خير يا أم مازن ..

وطريقة اللبن هذي غريبه بصراحه طيب الحلبه تكون مطحونه صح ؟
كم مقدارها ؟؟

بس برضو الريحه مشكله بهالصيف

مشكوره ياقلبي

هلا اختي .. أنا أم مزنة :) مب أم مازن :)

والله انا ما اعرف المقدار بس الحلبة تكون مطحووونة .. و أنا سامعة ان الحلبة اذا كانت مقلية على النار ما تسوي ريحة .. بس بصراحة ما جازفت ..

هي الحين طفلة .. ويمكن هي طبيعتها مب اكووولة .. بس ان شاء الله بالتدريج معدتها بتكبر .. و في سن البلووغ بيتحدد جسمها و بتعرفين اذا بتكون ضعيييفة ولا بتمتن .. مثلا أنا .. ما أثر فيني شي .. طووول عمري ضعيفة .. لكن اختي في سن البلووغ متنت .. والحين هي مربربة ..

و مثل ما قلتلج أهم شي تكوون بصحة و عافية .. و نشيطة و عقلها يشتغل تماااااام ;)