نزعل ونتكبر وحنا من الطين
والكل منا صد لـأقبل خويه
نفخر نقول إنا على الصد قاوين
وهي علينا في الحقيقه قويه
نشفق على الطيبه وكسب الكريمين
وهذي بنا لا شك فعله رديه
ننسى نهايتنا وعلى وين ماشين
وننسى الزمان إلي جمعنا سويه
إخوان حنا لو يجي بيننا شين
ما نفترق دام المحبه نديه
خلك قوي لا تحتكرك الشياطين
قبل الفوات وقبل وقت المنيه
كلم خويك بأطيب الهرج واللين
وأعرف جميل الهرج يمسح رديه
باكر تمر سنين وسنين وسنين
والكل يرحل في الدروب النديه