بسم الله الرحمن الرحيم
السلام عليكم و رحمة الله و بركاته
بدخل طوالي بنوتات ما ابي اهذر وراي كرف بالمطبخ خخخ الله يعجل و تجي شغالتنا
كنت بقعدة حريم و قامو يشتكون من البنات الي يتعنفقن ( يتكبرن) و يردون الخطاب و يشكون من ضيم العنوسه و هم يجي لهم الخير و يردونه
فاذكرو امثله
واحده تدور لوليدها موظفه لان راتبه بسيط تحت ال3 الاف ريال فهذا من البديهي تدور له موظفه
المهم تقول لقينا بنت حلال له و شكلها اكبر من العمر الي قالوه بس قلنا المهم النسب و انهم خوش عايله
البنت تكمل ماجستير بعد بالبداية رحبو بالام و عقب ما درو ان راتبه 3 الاف ردوه طبعا ما قالو ليه بس واضحه
يعني استغرب عمرك عديتي ال30 و راتبك ماشاء الله ما عليه و تكملين ماجستير ليه تردين ولد الناس
اذا هو اخلاق ولا تدخين ولا سفرات ولا خرابيط و فروضه بالمسجد هذا و الله اذهبه
انا الحين ما اشتغل بس و الله لو كنت اشتغل و جاني واحد راتبه الف و نص و كان اخلاق اخذه
لاني بشتري اخلاقه و رجولته و المال بيزيد ان شاء الله
خذوهم فقراء يغنهم الله تعالى
يعني بعض البنات تبي مواصفات خياليه ولد لا مطلق ولا معدد ولا متزوج
اكبر منها راتبه عالي لازم فوق ال6
سكن خاص لها
طيب اذا كان ببداية حياته و بيسكنك بالدور العلوي بتردينه؟؟؟؟
واحده ثانيه تقول لقينا لولدي بنت فيها كل المواصفات الي تناسب ولدي بس اكبر منه بسنتين و ردته؟؟؟؟
بالله سنتين بتفرق؟ ترا كلها ارقام
و ياكم حريم و بنات اشكالهم اصغر من اعمارهم
بعض البنات تقول بكره بيعرني
ابشرك اي واحد تاخذينه بكره اذا تهاوشتو بتعايرون بعض خخخ يعني عادي اوكي
بعدين من قال انك بتشيبين قبله
مساكين الرجال الامراض تدكهم دك سكري ضغط روماتيزم قلب كلسترول
يعني ماراح تشيبين قبله اجل ليه هو يموتون قبلنا
و الله اعرف واحده من اقاربي اخذت واحد راتبه الفين و نص و مع الزيادات و الترسيم صار 5
النبي صلى الله عليه و سلم زوج واحد من الصحابه بما معه من القرآن
و اخر زوجاه بخاتم حديد
استغرب عقول بعض البنات الي يقولون الي ما عنده لايتزوج ليش ما يتزوج
و تساعده زوجته
و الله بعض الاهل ينحطون على الجرح يبرا يعينون زوج بنتهم
من اقاربنا واحد ابوه مليونير و مع ذلك ابو زوجته سكنه ببلاش باحد شقق عمارته
ما قال ابوه مليونير يدبر له شقه؟؟؟
هذي الناس الفاهمه
يا بنات لا تقيسون كل شي بالمال و السكن المستقل و السفريات و الحفله الي بالقصر الفلاني و الخ الخ
من المظاهر المادية تراها زايله
الواحده الذكية تشتري رجال
و الله قريت قصه طبيبه تاخر زواجها كثير راحت و اعرضت نفسها على واحد سكيروتي و تزوجها و الحمد لله عايشين بسعاده
ما قالت مستواي التعليمي و الاجتماعي و كلام الناس تصرفت بذكاء و لحقت على عمرها و صارت ام
اعرف من اقاربنا سكيروتي و الله انه الحين بعد 20 سنة يتاجر بالبيوت يعني يشتري و يبني و يبيع و صار مليونير
و ثاني سواق شوفو سواق و اخذ بنت عايله اذهبه ماشاء الله تبارك الرحمن
اسكنو بدار عند الحموله و شوي شوي فتحها الله عليهم و بعد 30 سنة
هذا هو اغنى اخوانه ما شاء الله
الدنيا يا بنات ما بناها الله تعالى بيوم ب6 ايام ليه
عشان يعلمنا الله تعالى ان الحكمه بالتدريج
بتسكنين سكن مستقل ان شاء الله و بيحط لك شغاله و بتسافرين و بتلبسين ان شاء الله بس مو كل شي مره واحده
اخر تعريف للذكاء العالمي هو نجاح الفرد بالتعايش مع بيئته
يعني زمانا مو مثل زمان ابائنا الواحد من يتخرج يتمنونه منوه
الحين التوظيف صار مره صعب فكيف بتكاليف الزواج الكثيره
ولد واحد من اقاربنا متخرج و يشتغل بشركه يقول الحين مستحيل الشاب يتزوج قبل ال30؟؟؟؟
شايفين الوضع الصعب الي احنا فيه
فاخذي واحد يا اختي راتبه قليل او على قده و اخلاقه عاليه
ولا تاخذين واحد راتبه عالي و اخلاقه مو شي طلعات و بنات و علاقات و امراض
و تذكري من تواضع لله رفعه و اتركي التعنفق و التشرط الي مو بصالحك تصرفي بذكاء ولا تغارين من فلانه و علانه
ترا السعاده بالتوافق بين الاثنين مو بالفلوس و السفريات ياما ناس عايشين بقصور بس كنهم اغراب
و اترك المايك لكم
حنونه5 @hnonh5
محررة
يلزم عليك تسجيل الدخول أولًا لكتابة تعليق.
&&شيختهم&&
•
مين يسمعك لا وبعد فترة تندم وتقول يا ليت
كلامك عين العقل حبيبتي
ومن جد ليت الواحد مايسال الا عن الدين والاخلاق
انا مره رديت واحد مامعاه الا ثانوي وللحين مانبني ضميري هع
احس ضلمته ,,,بس يرزق ان شاء الله
بس الواحد ماله الا نصيبه
انا افضل الولد لاني بنت هع
وكل شي ارضى فيه الا التدخين وترك الصلاه والسيره اللي مو عدله
ومن جد ليت الواحد مايسال الا عن الدين والاخلاق
انا مره رديت واحد مامعاه الا ثانوي وللحين مانبني ضميري هع
احس ضلمته ,,,بس يرزق ان شاء الله
بس الواحد ماله الا نصيبه
انا افضل الولد لاني بنت هع
وكل شي ارضى فيه الا التدخين وترك الصلاه والسيره اللي مو عدله
حنونه5
•
لا يمكنك مشاهدة هذا التعليق لانتهاكه شروط الاستخدام.
لاتنقهرين توك صغيره اجل شيقولون الي عدو الالثلاثينات مساكين
انتي استخيري تقنعين امك ولا لا يمكن زواجك منه مو بصالحك استخيري و اذا شفتي الخيره فيه
حاولي بامك و خلي احد يقنعها و قولي لها الامثله كثير ناس زادت روتبهم
و الملك عبد الله ان شاء الله عهده عهد خير و الترسيمات بتطول الكل بس مع التدريج استمري بالبقره و الاستغفار و الصدقه و يارب ما تشوفين الا الخير
اه من الندم الله يعطينا الخير انا للحين نادمه اني رديت واحد عندهم عيب وراثي صحيح صعب و يبي عملية بس الطب تطور
يا الله مو من نصيبي
انا قبلك شارطه عدم التدخين لكن العنوسه ادبتني تنازلت عن الشرط هذا و الله كريم يعطيني واحد مو مدخن
مشكوره حبيبتي بس مو طمع ولا شي هو تفكيره منطقي زمنا صعب كل شي غلا فيه
تدرين متى يكون طماع اذا اخذها ولا صرف قرش بالبيت او يفنش من وظيفته الاهليه و هي تكد بالبيت
اما هم الاثنين يشتغلون عادي
و اغلب الموظفات يساعدون بالبيت
انتي استخيري تقنعين امك ولا لا يمكن زواجك منه مو بصالحك استخيري و اذا شفتي الخيره فيه
حاولي بامك و خلي احد يقنعها و قولي لها الامثله كثير ناس زادت روتبهم
و الملك عبد الله ان شاء الله عهده عهد خير و الترسيمات بتطول الكل بس مع التدريج استمري بالبقره و الاستغفار و الصدقه و يارب ما تشوفين الا الخير
اه من الندم الله يعطينا الخير انا للحين نادمه اني رديت واحد عندهم عيب وراثي صحيح صعب و يبي عملية بس الطب تطور
يا الله مو من نصيبي
انا قبلك شارطه عدم التدخين لكن العنوسه ادبتني تنازلت عن الشرط هذا و الله كريم يعطيني واحد مو مدخن
مشكوره حبيبتي بس مو طمع ولا شي هو تفكيره منطقي زمنا صعب كل شي غلا فيه
تدرين متى يكون طماع اذا اخذها ولا صرف قرش بالبيت او يفنش من وظيفته الاهليه و هي تكد بالبيت
اما هم الاثنين يشتغلون عادي
و اغلب الموظفات يساعدون بالبيت
الصفحة الأخيرة