أهلاً غزل البنات .. زين يوم نبهتيني لسالفة الحسد لأني فعلاً أخاف من العين لأقصى حد.. المهم اتفقت مع خطيبي إني ما أفتحه لأنه هو بعد مثلي يؤمن بالحسد.. إن شاء الله باخذ بنصيحتك بزيت الذرة و الزبادي .. و يوم بيبان مفعوله أكيد رايح أبشرك.. و شكراً على نصايحك الحلوة.

يا هلا نجلاء .. ضحكتيني وايد مع الخدامة و فعلاً الخدامات وكالات أنباء يحفظون كل اللي يصير بالبيت و شو يستعملون المدامات.. تصدقين مرة خدامة سيرلانكية كانت تشتغل عندنا قبل ما سافرت تفاجأت إنها اشترت كمية كبيرة من كريم استعمله على بشرتي في الليل.. و كنت أوصي السايق يشتريه حقي ..و وصته هي بعد علشان يشتري لها مثله.. و ياليت الخدامة اللي خبرتينا عنه تعطيج اسم الكتاب و أنا متأكدة إنها بتنقش لج عنوانه بالضبط حتى لو هي ما تعرف عربي..

غزل البنات و نجلاء أنا بعد سمعت إن زيت الخردل يطول الشعر و إذا وحدة من العضوات تستعمله أو استعملته مرة ياليت تخبرنا عنه .. مع إنّ ريحته ما تشجع.

أهلاً قمر الامارات إن شاء الله بس المعرس بيشوف طول شعري و باخذ بنصيحتج بعد علشان ما أندم ترا الحساد في كل مكان و الله يعيننا عليهم..زيت دابر أملا فعلاً يطول الشعر و أعرف كم وحدة استعملنه و فادهن.. بس مشكلته إنه يخلي الشعر يطيح وايد استعملته مرة أول ما نزل و ما ناسبني.. بس بشوف إذا بعده نفس ما هو أو طوروه و بخبرج عنه إن شاء الله.

أمولتي حاضر و من عيوني ما بفتح شعري إن شاء الله و اتفقت مع المعرس، و لا تحاتين بدأت من أمس بوصفتك الغذائية ما خليت شيء من الفواكه و الخضروات و غيرها .. و اشتريت فيتامينات مخصصة للشعر علشان يكتمل النظام الغذائي، و إن شاء الله يوم بيبان على شعري الطول و الحيوية ببشرك و بتفرحين و بدعي لك بالخير دايماً.