و هكذا خسرت ..

كانت فرصة انتظرها طول عمري.. كانت مركز لو اقول لكم بتدر علي ملايين ما راح تصدقون
مركز.. و اسم وشي مرموق و معروف على مستوى البلد
والي احلى من هذا كله بأنه انا ما قدمت لهالوظيفة لا.. هو الي اتصل علي بنفسه و قال لي انه اخترناك بعد ما شفنا شغلك لانك انسانه مبدعه و مواهبك فذه.. و بتكونين الانسب لهالوظيفة
وربي يا بنات في حياتي ما حسيت اني فرحانه مثل فرحتي بهالخبر..او بالاحرى هذه فرحتي الوحيدة في حياتي
حتى صرت اشك بالموضوع و اقول معقولة حظي صار رائع فجأة.. كنت حاسة انه شبه حلم بالنسبه لي

المهم بشرت هلي الي فرحوا لي.. و مر الوقت.. و الاداري المسؤول عن توظيفي صار يقط الميانه معاي..و كنت اتقبل هالشي و قلت معليش هو المدير و انا محتاجة هالفرصة..
الا ان صار يطلب مني اني اجتمع معاه و اني اشوفه.. و اني " اطلع اتعشى معاه "
قلت له بطريقة لطيفة ان انا هلي ما يرضون اني اطلع مع رجال مو حلال علي
فرد علي رد عور قلبي
" هلك حاطين كاميرات في المطعم؟ محد بيدري ومحد بيشوفنا..بس انا و انتي.. لا تقولين لهلك.. قولي طلعت مع صديقاتي"
في هاللحظة احتقرت نفسي.. و قلت بالطقاق في الوظيفة و كل شي و قلت له اسمح لي انت تعديت حدودك
و قلت له اني ما ابي يكون بينا اي كلام او علاقة.. انا بس تفاهمت معاك لانك مسؤول عن وظيفتي غير كذا ما اشوف يكون في داعي انه اقعد اكلمك الحين في هاللحظة
انصدم.. و اعتذر.. و عطاني محاضرة يبرر كلامه و ختمها بكلمه انه ما راح يشوفني بعد اليوم و لا راح اتكلم معاه باي طريقة :44:
انا قلبي معورني لانه كان في خاطري احصل على هالشغل الي يقدر يودي اسمي فووووق... والحين شنو عندي؟ ما عندي وظيفة ولا شـــي,, بالعربي بطالية


ولكني قلت : يا رب تعوضني خير... و انا تركت هالشي لله.. لاني ما ابي امشي بالطريق الحرام

طلبتكم يا بنات كل وحدة تدخل تدعي لي
ان الله يعوضني خير و يبدلني احسن منه..