و... و..... جاء النونو أخيراً ( قصة ولادتي \ تجربتي بالتفصيل )

السلام عليكم ورحمة الله وبركاته ..
بنات حواء الغالين .. كيف الحال ..إن شاء الله مرتاحين ..
هنا بغيت أشرح وبالتفصيل هذاك اليوم التاريخي .. يوم ولادتي عشان تستفيدون ..
وتوسعون صدوركم :)

مرحلة ماقبل الولادة :
كنت متابعة مع دكتورة في الحبيب الكل مدحها لي ومرتاحة لها .. وكان يهمني إني أكون متعودة على الدكتورة اللي تولدني مع إن التساهيل من رب العالمين ..
المهم .. إن الدكتورة نكبتني ( ورطتني ) وسافرت وأنا في أول التاسع :icon33:
وعشت في دوامة ما خليت أحد ما سألته :(
إلين نصحتني صديقتي بدكتورة إسمها رانيا في الحمادي ..
رحت لها وكانت عسل .. وهذا أهم شي ..
كنت آخذ يوميا ملعقة صغيرة زيت زيتون قالت لي وحدة أندونيسية إنها تسهل الولادة ..
قلت أجرب وش وراي
بس بصراحة أنا ما جربت الولادة قبل عشان أقولكم الفرق :D
وكنت مجهزة يانسون عشان أسويه وأشربه وقت الطلق ..
وطبعاً مجهزة شنطة صغيرة للمستشفى فيها أغراضي وأغراض البيبي ..
ومجهزة شنطة يدوية فيها مسجل صغير وشريط قرآن والأوراق الرسمية وبعض الكتيبات ..


وجااااااااااااءت الولادة :
ذاك اليوم كنت نايمة عند أهلي ولا عندي للشر طااااري
سهرنا أنا وخواتي إلى الفجر ثم صلينا ونمنا ..
الساعة الثامنة صباحاً ( يمه حسيت والله قلبي أوجعني :( ) قمت لدورة المياة أعزكم الله واكتشفت أن المويات نزلت .. :06:
كان شعور مريع .. كانت تنزل بكميات كبيرة جداً ..ولا كنت أعرف إن هالشء طبيعييي..
المهم بسرعة غيرت ملا بسي و أخفيتها ..
الوالدة الله يخليها لي كانت مداومة ولا كنت أبغاها تحس بالموضوع .. لما ترجع..
اتصلت بزوجي .. وكانت المفاجأة .... :icon33:
( إن الرقم الذي طلبته غير موجود بالخدمة مؤقتاً فضلاً أعد..........إلخ )
ياربي وش أسوي .. مافي سواق أخوي وأبوي مداومين ..وأنا بالبيت لحالي وخواتي الصغار نايمين ..
والمويات تدلب.. تدلب ..
لقطت عباتي وأخذت كم حبة تمر .. وطلعت الحوش أبحث عن طوق النجاة ..
والحمد لله لقيت أخوي نايم بره في الملحق .. صحيته بسرعه وطلبت منه يوديني لبيتي ..
تروع مسيكين بعدين يوم صحصح ..قالي ( المفاجأة الثانية :icon33: )
ما معاي مفتاح ..
شلون اليارة برا وما معاك مفتاح ..؟؟
أبوي ماخذ المفاتيح !!

ياربي وش أسوي .. أبوي يبيلة أقل شي ساعة عشان يرجع البيت .. و لاكنت أبغاه يدري ..



الحلقة الثانية >>>>