الحمد الله خلص المؤتمر وكانت فرصه سعيده اني شوف كذا بنت من المنتدى الله يبارك فيكم يارب ..

ام محمد حبيبتي مادقت علي صاحبتك بيجوز كنا جوا الصاله او اشي لأنه اجاني مسد كول بشكل مو طبيعي مع اني ماسكه الجوال بايدي سبحان الله مافي نصيب ..

لوليا ياريتني عطيتك رقمي والله تعرفي شو انا وصلتني كتييير رسائل خاصه مشان رقمي وضيعت لمين عطيت ولمين ماعطيت فيالله ان شاء الله فرصه تانيه بتعرف على شخصك الكريم ياقلبي ... :27:

المؤتمر انا لاحظته انه كان كتييييييير مرتب ومريح ومافيه مشاكل متل كل سنه يمكن لأنها اول مرة بجي كزائرة ومابشتغل معهم فحسيت براحه نفسيه الله اعلم .. غير هيك حبيت المكان اكتر من السكايدوم المكان رتبوه بطريقه رااااااائعه ماتوقعت هيك ماشاء الله السكايدوم هلكنا فيها طالعين نازلين بالدرج اما هون كله مستوى واحد فأريح ومابيضيع...

الاكل الحمد الله اضبط بكتييييييير من العام الماضي يعني على الاقل (بيتاكل) الحمد الله على النعمه مو متل السنه الماضيه ..

منطقة البازار ماكتير عجبتني لأنها زحمممممممممممممممه وضيقه كتير ... كان المفروض يوسعوها اكتر مشان يبعدوا الاحتكاك اللي صار .. ومع هيك ماشاء الله ماقصرنا خلصنا فلوسنا انا واختي وجينا ههههه


اخدت معي صديقتي ازابيل اللي اسلمت وحضرت يوم السبت كم محاضره وانبسطططططططططططططططططططططططت كتير كتير واشترت حجابات وسيديات وكتب تعليم عربي والظاهر كمان خلصت كل فلوسها ههههه
والحمد الله من حظها انه المحاضرات اللي حضرتها كلها ممتازة فحضرت محاضرة عمر عبد الكافي من ترجمة الرائع منير القاسم جزاهم الله خير وعجبتها كتير وحضرت محاضرة زاكر نايك عن مقارنة الاديان اللي كانت بمثابة تثبيتها على الاسلام باذن الله وخاصة لما حكى املقرانات مع لمسيحيه وحكى عن شغلات هي بتعرفها ..
فالحمد الله انها حضرت هالكم ساعه ...


الكونسيرت ... ما بعرف شو قول غير انه الجمهور زودوها حبتين وخلو الطابق مستور :D



ملاحظتي الوحيده على الكونفرنس عالسنه انه الافكار الصوفيه فيه كتييييييييييييييييييييييييييره للأسف والواحد لو مابيعرف دينه بلشكل الصحيح بكل بساطه ممكن يتأثر بأفكار مخالفه لديننا الاسلامي ..
حمزة يوسف ، البيا، سليمي، زيد شاكر، .. وغيرهم كتير كل واحد منهم ذكر افكار فيها شوي اختلافات كتيييره يعني حسيت اني لازم اركز مشان افرق مابين الصح والغلط .. وغير هيك حسيت انه ما استفدت كتير لأانه اغلب المعلومت بعرفها من مؤتمر السنه الماضيه واللي قبلها
محاضرة طارق السويدان بعرفها تماااااااااما لدرجة اني كنت قاعده عما قول لرفقاتي شو بدو يقول هلأ
محاضرة زاكر نايك نفس الشي ومحاضرة حمزة يوسف كمان برضو نفس الشغله.. فما بعرف اذا بدي احضر العام القادم او لا ..الله اعلم

الوحيدين اللي تأثرت فيهم جدا هو محمد الشريف يوم السبت صباحا بجد المحاضرة الي ابكتني بالفعل كانت محاضرة قمه في الروعه
ومحاضرة جمال بدوي على الرغمن من اسلوبه الجاف جدا الا انها اعجبتني جدااا لأنه تحدث عن golden ages واللي هي الفترة اللي انا ادرسها في الجامعه على انها الـ dark ages فالفرق كان اني انا درستها من وجهة نظر اوربية مسيحيه وجمال بدوي عرضها علينا من وجهة نظر اسلاميه فكانت مفيييده جدا بالنسبة لي ان اتعرف عليها..

هذا كل ماجاء في بالي
اسأل الله ينفعنا بما علمنا ويعلمنا ماينفعنا انه سميع مجيب ..امين


اختكم رنيم

رنيم :
شو هي golden ages
وشكرا

نوقا عزيزتي العصور الذهبيه هي الفترة التي وصل الاسلام الى ذروته من التطور في جميع المجالات في الطب والهندسه والرياضيات والفن المعماري والطب وعلوم الفضاء
في نفس هذي الفترة كانت اوربا تعاني مما تسميه العصور الداكنه فكانت اوربا تعاني من الكثير من المشاكل الداخليه من تخلف وحروب وعدم استقرار ووو

لذلك لفتت نظري محاضرة الدكتور جمال بدوي لأنه تحدث عن فترة زمنيه انا درستها في الجاماعت الكنديه بأسلوب مختلف تماااما ولقد وعد الدكتور انه راح ينزل الباور بوينت تبع المحاضره في موقعه قريبا فاذا نزله باذن الله اعطيكم اللنك للبرزينتيشن المليء بالمعلومات الغنيه ...
:)

بيجوز انا لانو اول مرة بحضر فكانت المعلوملت كلها جديدة بالنسبة الي لقيت في افكار متحررة شوي وبحاجة الى توضيح شوي بس ما قلتيلنا متل شو الافكار الصوفية وفي محاضرات انا ما حضرتها بسبب الحلوين يلي عندي

يوه روحتي بدوني :)
ايه انا رحت بيروت في 17/12 و بعدين رحت على عمان في 27/12

صاحبتي قالتي انه ابدا ماعجبها المكان و كان عندها انتقادات
لق هي ماراحت السنه الماضيه على السكيدوم بس راحت على ثاني سنه
و طبعا ثاني سنه كان احلى شئ فيمكن مشان هيك ماعجبتها السنه هذه
لانها ماشافت المشاكل الي صارت بالسكايدوم

بس بشوف صاحبتي واحده ثانيه اذا ارحت او لا و كيف لاقته
و ان شاء الله السنه الجايه بجي اذا كنت بكندا :)