اسعد الله اوقاتكم بكل خير يارب...
موضوعي ياطويلات العمر هو استكمال لموضوع
(ماهو السؤال الي ما تحبين الاجابة عليه) الي نزلته من قبل واكتشفت من خلاله ان بنات عالمي يعانين من الملاقيف :mad:
وكل وحدة لها سؤالها الي ما تحب احد يسألها والبعض ما حددت ..يعني اي سؤال خاص يزعجها
طيب ....
وش رايكم بالي راح تفزع لكم وتعطيكم حل يفككم من ه الملاقيف...
تسألوني كيف؟!!!
انتي اهـــم شي
حاولي ما تفقدين هالانسانه وحاولي انك تتجنبي المصادمة معها بالكلام...
طبعا هالكلام الي راح اقول له لكم انا مجررررررررربته وناجح 100% مع اي ملقوفه واي كانت درجة لقافتها
اول شي ودي اقول لكم عن انواع الملاقيف...بعضهن يدتخلن واذا قلتي لها مالك شغل زات لقافتها واصـرت على سؤالها :mad:
وبعضهن تسكت بمجرد انك توضحين لها انك انزعجتي من تدخلها بـ خصوصياتك لـ تعود من جديد بعد بضع ثواني >>مثــقفه
لكنك كوني ذكيه بالتعامل معها وخصوصا اذا سألتك سؤال خااااص ومالها دخل فيه,,,
لـ نفرض ان وحدة
سالتك كم رابتك؟ هو يكفيك ولا لا؟؟
جاوبيها بسؤال ثاني مثل
( ليش عندك لي وظيفة ؟..راح تقول لك (لا بس ودي اعرف كم راتبك؟؟)..
قولي لها والله ان الرواتب هاليومين مشاكل ,,اتوقع ان السبب ارتفاع اسعار البترول!
راح تقول لك: وش دخل البترول؟؟
قولي لها ..البترول هو الي يتحكم بالاسعار ما تشوفين هالحروب اغلبها بسبب البترول؟؟
بتقول لك: ( لا..الحروب لها اسباب ثانيه مو بس البترول....) <<<<<وبكــذا
تلاقين نفسك دخلتي معاها بموضوع بعيييييييييييد عن موضوعها الاساسي الي دخلت نفسها فيه بالغصب:) >>
هاه ماطلعتي من سؤالها بذكاء؟؟
عاد خوذي هالسؤل وطبقيه على اي سؤال من وحـدة ملقوفه..
بالله وش رايكم فيني..! ذكية اسم الله علي
<<<<<همــــــــــــسة...
(اذا ابتليت بمــتدخل فيما لا يعنيه..فكن افضل منه ,,واحــسن الخروج من الموضوع بدون ان تجــرحــه)
اجمـــــــــــــــــل تحيه...
كللي حنيه:26:
انا اللي حوليني كلهم ملاقيف
ولايحترمو خصوصياتي
زي اللي تجي تسال متى بتحملين؟ هاتي بزر ثاني ! توها بنتي كملت سنه وشهرين
انتي وزوجك وين رحتو؟ امك وين راحت؟ وسؤال اللي من جد من جد كرهني في عمري متى بتتخرجين؟
كل مااقابلهم هذا سؤالهم نفس برد رد محترم ومسكت