دلوعة عفيف @dloaa_aafyf
عضوة جديدة
يآآليتني مآعرفت قصتهآ قطعت قلبي
السلام عليكم ورحمة الله وبركاته
وش اخباركم
انآ معلمه بآلمسآئي وكآن من ضمن الطآلبآت بنت عمرهآ بآلعشرينآت
كآنت دآيم مهموومه وسرحآآنه وفيهآ خوف
وكل مآسألتهآ مآتتكلم أستغرب وجودهآ مع آلكبيرآت يعني آللي بعمرهآ بآلجآمعه او متخرجآآت
آلمهم سكتت عنهآ بس قلت لازم أعرف قصتهآ
هي أول سنه لهآ تسجل معنا ومآإستمرت غير شهرين وتركتهآ
وأمس قررت أعرف كل شيء عنهآ وأخذت عنوآنهآ وزرتها بالبيت
وحكت لي كل شيء وتمنيت اني ماشفتها ولا سمعت شيء
قصتها بكتني وللحين ابكي منها ماعرفت اساعدها بحل
ونزلت القصه لكم قلت تساعدونها بحل
بترككم مع قصتها ترويها بنفسها
٧
٧
٧
امي ظلمتني ظلم كبير وانا ما اقدر اقول حسبي الله عليها مهما كان تظل الجنه تحت رجليها
انا اتعذب وهي ماتحس فيني
اهملتني وانا صغيره من ولدتني صار عندها إكتأب الولآده وكرهتني
وبعد فتره بسيطه حملت بأختي وعآشت حيآتها طبيعيه تجآههآ
وانا نستني او نفس الوضع ماتغير معها شيء تجاهي
عمرها ماحسستني بالحنان كنت ابكي وامرض ولا تحس فيني او تسأل عني دايم تضربني وتدعي علي
حسستني بالغربه حتى مع اخواني
صارو مايعتبروني اختهم او شقيقتهم ولا احد فيهم أنكر لأمي تعاملها معي او سالها ليه تسوي كذا
بالعكس عادي عندهم
وابوي عاش حياته مع زوجاته الاخريات وانشغل عنا نادر مانشووفه سفرياته كثيره ولا يسال عنا او يسال عنهم وانا لا
كبرنا ومرت السنوات درسو خواتي واخواني وانا لا مااحد فكر يدخلني مدرسه مع اني مؤهله ومن حقي اتعلم مثلهم كنت ابكي عند امي ابي اروح مع خواتي ولا همها كانت تقول انقلعي عني وتتفل بوجهي وانا صغيره مااعرف وش ذنبي
وارجع اطلبها ونفس الشيء بكيت وبكيت وقالت انتي اجلسي ساعديني في البيت
سكتت واهتميت بالبيت والتنظيف علمتني امي كيف اغسل واكنس وعمري 7 سنوات والله العظيم اني اكرف وانا في هالعمر وكنت اغسل ملابس خواتي ومرايلهم حقت المدرسه كنت أسرقها والبسها عند المرأيه واتخيل اني ادرس معهم
ماكان عندنا شغاله وبعده صرت اطبخ وصار شغل البيت كله علي وخواتي كبرو وتزوجو
حتى اللي اصغر مني تزوجن وعندهن عيال وانا بقيت بالمطبخ
اتحسر على عمري مقدر اطلب شيء امي واقفه بطريقي
عمري ماطلعت برا البيت ولا شفت ولامكان احنا من النوع اللي مايسافرون كل القرايب موجودين بنفس المنطقه
بس الاهل يروحون تمشيه وعمره وأنا لا ماعمري اعتمرت أو شفت مكه بعيني ومدري متى بشووفها
ويطلعون اسواق وحدايق ماياخذوني معهم
يتسوقوون ولايذكروني بشيء واذا طلبت من امي اروح قالت وش تبين اجيبه وتعودت مااروح ولا اطلب لاني ماشفت شيء ولا اعرف شيء
وفضلت جلست البيت
وبالاعياد والمناسبات خواتي الكبار ينزلن عيالهن عندي وكل وحده تقول امانه يا ساره انتبهي عليه ويروحن ولايردن الا ع الفجر وانا جالسه عند عيالهن
عمري ماحضرت زواج في حياتي حتى زواج اخواني او خواتي
امي ماتبي الناس تشوفني انا اقل خواتي في كل شيء
هم احلى مني انا عكسهم تماما
(طول وبياض واجسام وجمال وتعليم وشهادات) >> كل الصفات مافيني منها شيء اللهم لا اعتراض الحمد لله على خلقه وعلى نعمة الصحه
امي تتباهى بهم واذا احد جاء يخطب تعرضهن له وانا تقول خليك بالغرفه لاتطلعين حتى اناديك
ويوم زواج اخوي الكل فرحان الا انا
اخواتي يستعرضون فساتينهم قدام امي وامي تمدح وتنقد ويوم سالتها متى اشتري فستان قالت ليه؟ انتي اجلسي وبحط عيال خواتك عندك
وخواتي موافقات وكل وحده تقول ايوه اجلسي وانتبهي للبيت
وجلست ماتعودت ارد الكلام على امي او خواتي
انا تعودت احترمهن بس هن مايحترمني ويضربنني حتى اللي اصغر مني الكل معتبرني خدامه مدري ليه أو اني أحس كذا
حتى اخواني اذا ولدت وحده من حريمهم كل شوي يجي يقول تعالي ساعديها واروح اشتغل واذا قلت تعبانه هاوشوني وسحبوني معهم غصب
اصبر واسكت واقول بتغير معهم وهم بيتغيرون ونفس الشيء لا أنا ولا هم
عشت غربه قاسيه بين اهلي 23 سنه ولا عمر احد سالني كيفك اليوم او سال ابي شيء محتاجه شيء او جلس معي وحكى وسولف
هم حطو فجوه بيني وبينهم صرت اجلس بعيده عنهم حسيت اني وحيده واحب العزله
هم اللي خلوني اعيش كذا هم حسسوني اني مو في حياتهم
خواتي اذا رجعو من السفر كل وحده محمله هدايا وتوزعها
هذا لفلانه وهذا لعلانه ولاتذكرني بشيء
بس يتذكروني لعيالهم قومي غيري له وقومي ارضعيه وانتبهي عليه و.. و..
ومره بكيت من قلب بعد الموقف هذا
رجع اخوي من الخارج كان عنده بعثه وكان الكل مشتاااق له
ويوم دخل علينا كلنا بالصاله العايله كلها وكنت قريبه من المطبخ واختي قريبه مني
واخوي يمر يسلم ع الكل ويحضنهم ويسلم على اختي وراح ماانتبه لي مع اني قريبه منها التفت ورى وامي على طول قالت جيبي القهوه ورحت للمطبخ وطلع اخوي بينزل جزمته عند الباب ويرجع لهم ومر المطبخ وشافني وطالعته كنت بقول حمدلله ع السلامه بس هو سبقني وقال لهم جايبين خدامه !!!!!!
طآح الكاس من يدي حسيت بإحرآآج لآلآ مو احرآآآج حسيت إهآآنه إيه اهآآنني انا كنت لابسه روز وطرحه >> هذي ملآبسي مآعندي غيرهآ والله العظيم ماعندي غيرها اشتري من عيد لعيد والبسهم طول العام وتشققت
سمعتهم يضحكووون وقال اخوي الصغير هذي ساره ونزلت دموعي والتفت لي وقال آسف والله اني احسبك خدامه شلونك >> قالها من بعيد ورآح ماسمع ردي
وعيال خواتي الصغار إذا تهاوشو عندي وقلت أسمع كلام خالتك ولاتسوي كذا قالو خالتي أمل وأنتي خدامه
هم عاملووني كذا من معاملة امهاتهم
وخواتي متعودين يعاملوني كذا من أمي
امي ظلمتني وحسستني اني غريبه عنهم
فيه اقوى من كذآ?
ويوم وافقو ادرس عصريه فرحت من قلب اني بطلع من البيت وبتعرف على بنات و كملت الشهر وسحبت امي الملف وغيرت رايها
وفجاة صار تعصب علي كرهتنني بزيآآآده بدوون سبب
وصآآرت تدعي علي كل مآتشوفني تقول الله يحررقك قدامي مثل ماحرقتي قلبي
>>>> كيف حرقت قلبهآ وش ذنبي المرض من ربي مو مني
ابوي بعد مآولدتني تزوج عليهآ لأنها جابت بنت وبعد فتره صار مآيعدل بينهم
طيب وش ذنبي اللي حرق قلبها ابوي مو انا ابوي اللي سبب لها الاكتئاب تدعي عليه مو علي
هي دائم مريضه ومحد يهتم فيها غيري خواتي بعيد عنها ويقولون ازواجهم مايسمحون لهم يزورونها
وهي جننتني تصارخ علي وتضربني وتتفل بوجهي وتقووول أنقلعي عني الله يأخذ عمرك
وبعده تناديني عطيني كذا وهاتي كذا واذا جيتها تدعي علي بصوت واطي بس انا اسمعها
دعواتها دعوة عدو تهز القلب وتخووف كلها قويه ودعوة الوالده مستجابه وانا خايفه
أنا كرهتها ايه والله كرهتها وهي السبب
ما أحس انها أمي ولاعمرها حسستني
يعني إكتئآب يسوي كذآ ؟؟؟
عمري 24 سنه ولآ كني بنت مثل باقي البنات
جاني أمراض وتفكير وهوآجيس كله منها
ملييييييييييييت من وضعي ليتني أقدر أهاجر واروح لأي مكان لو القبر
أحيان أقول بهرب من البيت واتركها وأقول وين أروح أنا ما أعرف شيء برا ولا أدري وين أروح
وأحيان أقول برمي نفسي بالخزان وارتاح
وأقوول باكل علاج سكر أو اقتلها !!!!
أعوووذ بالله
والله اني تعبت من حيآآآآآآآآآآآتي أبي ارتآآح يآليتني ميته في بطنها ومرتآحه
ما أقول غير الله يسامحها ويريحني منها
...........................................
هذآ كلآمهـــآ لي تتكلم ودموعها تسيل وقطعت قلبي وانا سكتت مآعرفت أرد عليهآ بشيء
قولو لي وش أسوي ؟؟؟؟؟ حرآم تذبل بهآلعمر ولآنسآعدهآ
يآليت كل آللي يقرآه يرد او يرفع الموضوع
331
33K
هذا الموضوع مغلق.
عسيرية 211
•
وربي دموعي خانتني ومو عارفه وش اكتب وما اقول غير الله ينصرهاااا ويكنون بعونهاا
معليش يا ختي انتي زرتيها في البيت ما شفتي امها او بالاصح ما رفضت امها زيارتك على هالشدة..
الصفحة الأخيرة