آخر شقآوهـ :

وااااااااااااااو موضووع يفتح النفس والخلفياات احلى واحلى... انا جامعة الملك عبدالعزيز~~>بنات اللي معاي ترسل ايميلهآ توي سنه تحضيريه كنت ابي لوون نيلي بس نختآآر هـ اللون... جامعة الملك عبدالعزيز...

وااااااااااااااو موضووع يفتح النفس والخلفياات احلى واحلى... انا جامعة الملك عبدالعزيز~~>بنات...

تحفة العصر :

لكل طالبة جامعية مستجدة هنا تجدي الإجابة عن كل الأسئلة التي تدور في خلد أي طالبة مستجدة.. متمنية أن تكون عوناً لكِ أختي لكـل جـآمعيـة .. آبــغآكـ شـــوي طبعاً الحمد لله كلكم كبرتوا وصرتوا طالبات جامعة يعني أتعديتوا مرحلة الطفولة وشوط كبييير من الدراسة وهذا كله بفضل الله سبحانه وتعالى وبفضل جهودكم وطموحكم وفوق هذا كله رضا والديكم ودعواتهم لكم.. في سنة ثالث ثانوي كل بنت تبدأ تفكر في الجامعة والتخصص اللي رح تدخله.. وهل رح تدخل التخصص اللي هي تتمناه ولا لاء..؟؟ هل النسبة رح تأهلها لدخول الجامعة؟ وكم النسبة المطلوبة للتخصص..؟ ووووو كم هااائل من الأسئلة في بال كل بنت وبما انكم الحمد لله تخطيتوا هذه المرحلة ورح تبدأ الدراسة فأكيد في بالكم أسئلة بس من نوع ثاني أسئلة طالبة جامعية مستجدة لأجل ذلك<< أم اللغة العربية رح أبدأ معاكم حبة حبة بسم اللـــه الــزي " الملابس " هذا هم كل بنت شوفوا يا حبيباتي رح أقول لكم نصيحة لباسك يدل على شخصيتك يعني مو خلاص صرتي في الجامعة تلبسي أي شي لاء لأنه بصراحة لكل مقامٍ مقال << مدري العكس المهم أنا ما أقول لا تلبسي ولا تتشيكي بالعكس أعملي كللل شي بس في حدوود المعقووول يعني ألبسي حلو وأنيق ومع ذلك خليه يدل انك طالبة علم في بنات الله يصلح أحوالهم قممممممة في المبالغة كأنها رايحة عزيمة مو دراسة ومدري من وين تجيب الوقت.. مييييك آآآب كثيير ماله دااعي نرجع مرة ثانية ع اللبس.. تنورة وبلوزة أهم شي ما تكون ضييقة ولا فيها فتحة كبيرة من الخلف أو الجوانب لأنها ممنوعة وياخذوا عليكِ مخالفة وأحياناً بطاقتك الجامعية والبلوزة ما تكون شفافة وما تكون أكمامها قصيرة.. البسي لبس مرييييييح لأنك رح تكرفي في الجامعة مشي من مبنى لمبنى وأهم شي وانتوا بكرامة " الشوز " لا يكون بكعب عالي عشان لا تتعبي الشنطة :: اشتري شنطتين << هذا رأيي وحدة تكون كبيرة بس مووو مرررة كأنها شنطة سفر عشان إذا كان عندك محاضرات كثيرة وملازم وكتب وعبايتك وووو والثانية أصغر شوي يعني وسط عشان إذا كان عندك محاضرة أو محاضرتين بلاشي تشيلي الكبيرة... وخذي شنطة عملية.. **** نجي لأول يوم في الجامعة: أول ما تصحي الصباح وتصلي الفجر أدعي ربك يكون يوم خير وبركة عليكِ وتوفيق ويرزقك الصحبة الصالحة اللي تعينك على الخير لأنها أهمممم شي وبعدين تبدأي تتجهزي وحركات البنات معرووفة ما يبغالها كل وحدة كاااشخة لأنه أول يوووم أول ما تدخلي الجامعة قولي هذا الدعاء " اللهـم أدخلني مدخل صدق وأخرجني محرج صدق " وشوفي أول محاضرة في الجدول عندك في أي قاعة وأي دور وحاولي تروحي بدري وتدخلي القاعة بدري على الأقل بـ 10 دقائق وتاخذي مكان Vip خاصة إذا كانت القاعة مدرج وكبيييييرة ومافي سماعات فالأفضل انك تكوني في الصفوف الأولى وقريبة من الأستاذة أو الدكتورة عشان تسمعي المحاضرة وتبيني إنك شاااطرة <<< ولا تقولي أبلى أنا مراات كثيرة كنت أقولها لأستاذة التربية الفنية بس كانت مرحة تضحك بس طبعاً من غيير عمد ولا وحدة تعمل اللي عملته تجلس في آآآآآخر القااعة ترى ما رح تسمع ولاااا شي ولا رح تستفيد وبما انكم مستجدات فأحياناً ما رح تعرفوا أماكن القاعات ولا المباني فعشان كذا اعملوا مثلي _ مع الخييييل يا شقرااا وبعدين رح تتعودوا وتعرفوا كل شي **** البطاقة الجامعية حاولوا تعملوها في الأيام الأولى عشان ترتاحوا.. والمطلوب: عبايتك وطرحتك وصورة من بطاقة العائلةوالأفضل تمري عليهم وتسأليهم عن المطلوب ولا تنسوها في البيت خلوها داااااائما في محفظة الشنطة لأنك أول ماتدخلي من البوابة رح يسألوكِ عنها أذكر كم مرة نسيتها في البيت بس مشكلتهم ما يسألوني إلا إذا نسيتها وإذا جبتها ما يسألوني عنها الممنـــــــــوعــــــــــــــــــات شي أكيييييييد الجوالات الكاميرا واللاب توب الكاميرا هذا أهم شي أذكره **** الكتب الدراسية طبعاً احلمي تجيكِ الكتب مغلللفة ومرتبة مثل أيام المدرسة عشان كذا الله يعينك.. بعد ما تعرفي المقرر عليكِ من أستاذة المادة تروحي للمكتبة الجامعية وتشتري الكتاب أو الملزمة اللي يكون وتبدأي تذاكري بس ملاحظة مهمة يا بنات.. قبل لا تشتروا الكتاب من الجامعة ابحثوا في المكتبات إذا موجود ولا لاء وإذا موجود شوفوا وين الأرخص واشتروه لأني مرة اشتريت كتاب من الجامعة ولقيته بره فرق السعر 30 ريااال...!!! حراااااااام **** أسلوب الدراسة و المذاكرة الجامعية في البداية رح تتخربطي وما تعرفي إيش تذاكري لأنه كل شي اختلف عليكِ عن أيام المدرسة وهذه أغلب حالة البنات في المستوى الأول بالذات ممكن تفتحي الكتاب ما تلاقي ولا كلمة من اللي سمعتيه في الشرح وممكن تلاقيه في صفحة بعيييدة عن الدرس اللي تاخذوه لأجل ذلك << عُدنــا _ حاولي تنتبهي للشرح وتكتبي أول بأول ولا تشغلي حالك بأي شي ثاني في بعض الدكاترة يركزوا على أشياء مهمة انتبهوا لها حاولوا تشاركوا في المحاضرة لأنها تساعدك في الدرجات ولا تهملوا الواجبات والنشاطات اللي يطلبوها منكم ترى والله مهمة مرررة أنا أول وحدة استفدت منها.. لأن إذا كنتِ ناقصة لكِ درجات رح تضاف لكِ من نشاطاتك نهاية الترم حاولوا قد ما تقدروا تذاكروا أول بأول ولو على الخفيف عشان تجيبوا معدلاات عااالية بجد بنات شدوا حيلكم بقووووة سنة أولى وارفعوا معدلاتكم عشان ترتاحوا باقي السنين لأن معدلكم رح يكون صفـــ 0 ــــر في البداية فارفعوه والمواد سنة أولى سهلللللللللة لأنها كلها مواد عاامة مو تخصص فلا تضيعوا الفرصة من يدكم.. بناااااات شي مهم للغاااااااااية رح تسمعي الكثييييير عن الأساتذة والدكاترة وحدة تقولك والله مررة طيبة والثانية تقولك لااااا أبداً مو طيبة ولا تعرف تشرح ولا تعطي درجات وووو....إلخ خذوها نصيحة.. لا تسمعوا كلام أحد لأنه في الجامعة محد رح ينفعك غييير نفسك المادة اللي تنزل لك مع أياً كان خذيها مع الأستاذة أسبوع أو أسبوعين وجربيها إذا حسيتي نفسك فعلاً مو فاهمة شي الحقي عمرك وغيريها أما إذا كنتِ فاهمة على شرحها وماشية تمااام " الباب اللي يجيك منه الريح سده واستريح " خليكِ مثل ما انتِ.. لأن في بنات الله يهديهم ما يحبوا الواجبات الكثيرة ولا يحبوا الأستاذة اللي تسألهم كل محاضرة وتقوم البنات بس كل هذا والله في مصلحتك.. وتكتشفي هذا نهاية الترم رح تشوفي المذاكرة سهلة عليكِ وتمشي فيها بسرعة وتخلصي بدري.. وتجي الأسئلة سااااااااااهلة مرررة وتجيبي درجة عاااالية بإذن الله **** الغياااب وما أدراكم ما الغياب شوفوا الغياب أبداً مو من صالحك.. لأنك مهما كان مارح تقدري تعتمدي على أي أحد لأن المحاضرات تعتمد في الأول والأخير عليكِ على مدى متابعتك للمحاضرة واستيعابك لها وكتابتك أثناء المحاضرة ترى مو مثل المدرسة الدرس موجود عندك وخلاص لاااا... و إذا على كشف الحضور والغياب فيعتمد على الأستاذة بعضهم ياخذوا حضور وغياب في بداية المحاضرة وفي نهايتها عشان عارفين حركاات البناات وبعضهم ما يهتموا أبداً.. وإذا غبتي لسبب طارئ جيبي ورقة عذر وأعطيها فوراً للأستاذة عشان ما تحسبه لكِ غياب ولاااازم تلتزموا بمقاعدكم كل مرة بالذات إذا كان في أرقام واحفظوا أرقامكم في كل محاضرة لأنها تختلف وكمان احفظوا الرقم الجامعي بتاعكم بنات حاولوا تكونوا إجتماعيات مع الكل مع البنات والأستاذات وتكونوا علاقات لأن الإنطوائية والخجل الزايد ما رح ينفعك في الجامعة فلازم تتأقلمي على الوضع الجديد.. لأنها حياة ثااااااااانية اممممممم كأني اتفلسفت كثير عليكم بس والله هذا كله من حبي لكم ولأجل عيونكم وحرصي على الفتيات المستجدات وربي يوفقكم ويفتح عليكم وينور طريقكم ياااارب هذا اللي في خاطري الآن وحاولت قدر المستطاع اني أنبه على الأشياء المهمة واللي ممكن تفيدكم إن شاء الله موفقين للعلا دومــــا.. وحياة جامعية ملؤها التفوق.. >>>>>>>>>>> منقوووووووووووووووووووول للفـــــــايدة

لكل طالبة جامعية مستجدة هنا تجدي الإجابة عن كل الأسئلة التي تدور في خلد أي طالبة مستجدة.. متمنية...

@فراشة حواء@ :

جامعة الملك عبد العزيز اخر سنة تخرج نفسي اقرا شي في الموضوع بس حاتعمي

جامعة الملك عبد العزيز اخر سنة تخرج نفسي اقرا شي في الموضوع بس حاتعمي