السلام عليكم ورحمه الله وبركاته
كيفكم حبيباتي
انا ماادري هذاالقسم المناسب اكتب قصتي فيه ولالا
لكم مو مشكله اذا مو مناسب انقلوه يامشرفات
واعطوني حق نقل العفش:hahaha:
حبيباتي انا من زوار قسمكم ودايم اتابع اخباركم
واتمنى من الله اللي رزقني يرزقكم ولاتياسوا من رحمه الله
انا ولله الحمد عندي بنت عمرها 8 سنوات وولد 6 سنوات وقفت الانجاب بعدهم ويوم صار عمر ولدي 5 سنوات فكرت انجب من جديد تركت اللولب وفي نفس اليوم فاتحت زوجي في فكره تراودني من زمااااااااااااان يمكن بنات تستغربون من فكرتي فاتحته في الموضوع وقلت عندي موضوع واتمنى من الله انك ماتردني فيه وتستجيب له قال ابشري قلت لاحملت ان شاءالله ابي اروح دار ايتام واكفل لي ولد او بنت وارضعه مع طفلي الصغير ويصيرون اخوان ويصير محرم لي اذا ولد انصدم وقال بس صعبه على مجتمعنا قلت انا ابي مع الرسول في الجنه مااحس اني اسوي شي يقربني من الله اكثر قال اذا ودك بالاجر هاتي فلوسك ابني لك مسجد هو عينه على فلوسي من زمااااااااان :p خخخخخخخخخخخخخ
قلت لاانا ابي هالشي قال خير ان شاءالله عدى ذاك الشهر وماجاتني الدوره وحللت وطلعت حاامل بس كان حملي ذاغريب جدا تعبانه بالحيل ووحمي مررررررره متعب قلت الله يعينني يمكن لااني في رمضان خلصت شهر ومارحت المستشفى اكتفيت بتحليل البيت
وبماان زوجي استشاري اشعه قال لازم اسويلك اشعه نتاكد بس
ووافقت ورحت وتوه بدى في الاشعه ووجهه ينقلب وبقلب في بطني وشفايفه نِشفت اناانفجعت قلت اكيد ورم زي ابوي وجدي الله يرحمهم علا بالي وراثه مجنونه لاتشرهون علي:o خخخخخخخخخخ
وقال انتي حامل قلت طيب عارفه وش الجديد قال فيه كيس ثاني قلت اااااااه عز الله انه ورم يالله حسن الختام قال هذا كيس جنين ثاني قلت كيف قال يعني عندك توائم اناانصدمت لان محد في عيلتنا عندهم توائم وعلى طول ذكرني زوجي بالولد اللي كنت ابي اتبناه قال ربي رزقك بالثاني اللي كنتي تبين ترضعينه صار عندك اثنين
والحمدلله عيالي اعمارهم الحين 7 اشهر ولد وبنت
سبحان الله يابنات اللي يتمنى الخير ربي يرزقه علا قد نيته
بصراحه انا كنت ابقلد بنت خالتي ماجاها عيال 8 سنوات وماتعالجت وتبنت ولد من الميتم وفي نفس الشهر حملت وارضعته مع اخته بعدين لانها اخذته رضيع عمره شهر وصارت تشفط من صدرها وتحطه في الرضاعه
اسال الله العلي القدير انه يرزق كل محرومه ولايحرمكم من ضمه ضناكم لاتنسوني من دعواتكم بصلاح نفسي وزوجي وذريتي
وحسن الخاتمه
اختكم
برستيج المحبه
برستيج المحبه @brstyg_almhbh
كبيرة محررات
يلزم عليك تسجيل الدخول أولًا لكتابة تعليق.
ما شاء الله تبارك الله:(إنما الأعمال بالنيات وإنما لكل امرىءٍ مانوى)
الله يحفظلك عيالك ويبلغك فيهم عرسان إن شاء الله
والله يصلح لكم الحال ويحسن خاتمتكم بإذنه تعالى..
....................
سبحان الله..تصدقين عاد اليوم كنت أفكر بنفس الكلام
بفاتح زوجي بالموضوع بإذن الله لما ربي يرزقني بالحمل اكفل يتيم ويصير ولدي من الرضاعة..
يارب ياكريم اكرمني بالحمل وكل متأخرة
الله يحفظلك عيالك ويبلغك فيهم عرسان إن شاء الله
والله يصلح لكم الحال ويحسن خاتمتكم بإذنه تعالى..
....................
سبحان الله..تصدقين عاد اليوم كنت أفكر بنفس الكلام
بفاتح زوجي بالموضوع بإذن الله لما ربي يرزقني بالحمل اكفل يتيم ويصير ولدي من الرضاعة..
يارب ياكريم اكرمني بالحمل وكل متأخرة
ياعمري ياميمونه
الله يرزقك يالغلا والله انتي ماتدرين الخير وينه فيه
الله يسعدك ويفرح نظرتك
شهد
هلابك يالغلا منوره
الله يرزقك يالغلا والله انتي ماتدرين الخير وينه فيه
الله يسعدك ويفرح نظرتك
شهد
هلابك يالغلا منوره
الصفحة الأخيرة
ماشاء الله
على نيـــــاتكم ترزقون
كفالة الايتام اجرها عظــــــيم
(انا وكافل اليتيم في الجنه .... )
الله يبـــــــارك لك فيهم ويخليهم لعين ترجيهم
ويرزقني ويرزق كل وحده تأخر حملهـــــا يـــــآآرب