يأست بنتي خلاص لا تاكل ولا تشرب

حبيبتي خذي الامور برويه ولا تستعجلي على بنتك وبعدين ما قاتلي كم عمر بنتك
اول شئ عالجي عصبيتك انتي اول لان الامور ما تتاخذ بالعصبيه لان الطفل يعاند اذا كان مغصوب
ثاني شئ ممكن الحليب الي انتي تعطينها ايها طعمه غير مستساغ لها حطيلها حليب بالشكولاته بالفراوله .......
يمكن يسببلها الحليب الي انتي تعطينها مغص كل ما عطيتيها وهي ما تحب تشربه ترى الطفل يعرف يحس بالي يضره
وبعدين تقولين ما تاكل يمكن عندها التهاب في الحلق او غضيم ما تخليها تاكل ولا ترضع
واذا ما شفتي اتحسن وديها لدكتور وقوليليه الحاله وخليه يعطيك فاتح شهيه ويعملها تحاليل شامله
وما قدامها الا العافيه

عليكم السلام ورحمة الله
ياعزيزتي مايصير اللي تسويه في نفسك وفي بنتك وزوجك ؟؟؟ تضربيه وتعصبي وتدعي على نفسك وتكسير صحون والخ ...؟
اول شي استغفري ربك واعتذري من زوجك وراضيه
ثانيا .. بالهداوة كل شي يصير ,, البنت مسننة وطبيعي ماتتقبل المصاصة ولا الاكل لانه اسنانها متعبتها وانت بعصبيتك بتزيدي الطين بله الله يصلحك
غيري لها نوع المصاصة اسأل الصيدلي عن النوع المناسب لحالة بنتك او غيري لها نوع الحليب يمكن مو مناسبها .؟
بالنسبة للاكل 4 شهور بدري عليها الاكل لا تخافي لو رفضت وعلى حسب نوع الاكل اللي تعطيها ان كان سيريلاك او فواكة مهروسة
حاولي تعطيها فقط ملعقة وحدة
يعني لا تعملي طبق وتجبريها تاكله ولو ما اكلته تعصبي عليها !
اعطيها ملعقة وحدة كل فترة وفترة وهي تلعب مثلا قربي منها ولعبيها وحطي لها الملعقة في فمها مع التشجيع وغيره
وبعدها بساعة نفس الشي لكن لا تغصبيها وكانك بتعطيها دواء!
شوفي ,, من خبرتي المتواضعة ,, سمعت من الدكتور يقول طالما الطفل سليم من ناحية النوم بينام والاخراج <<الله يكرمك طبيعي
وماعندها الم مغص ولا حرارة ولا تقيئ
قولي الحمدلله رب العالمين البننت مافيها الا العافية
لكن شوي شوي عليها
والله يحفظها لك وتشوفيها عروسة

ليـــه العصبيه

الله يهديكـ ويصلحك

على الطبيب دون مشـــآورات يالغلا اكيد عندها التهاب بحلقها ماتقدر تبلع

عارفه احساسك بس عاد انتبهي يوصل للانهيار لانه ماراح تستفيدين
اكشفي عليها عند الطبيب ولو سليمه وديها لحرمه معالجه يعني واكشفي عليها وشوفي ايش تقول
وعلى فكره ممكن فتره وترجع بنت اختي كذا بنتها جت فتره ما تبي الحليب لا نايمه ولا صاحيه وبالخير صارت تشرب مخلوط بالنعناع !!!
تخيلي
والحين رجعت الحمد لله عادي

جزاكم الله خيرا على ردودكم
اللي تسأل عن عمر بنتي انا كتبته بالسطر الثاني هي عمرها سنة
انا قلت من يوم كان عمرها 4 شهور و هي ما تاكل لكن الآن اصبح عمرها سنة و خلاص مافي أكل
هي كان عندها عظيم و عالجته بالقسط الهندي و تحسن شربها وهي نايمة ولكن ما تشرب وهي صاحية و الآن الحمدلله مافي عظيم بس ما تشرب
بالنسبة لالتهاب الحلق بالفعل كان عندها بس عالجتها
بالنسبة للحلمة انا مجربة نوعين بيجون و شيكو بس مافي فايدة
و بالنسبة للحليب جربت انواع كثيرة تحت وصاية الدكتور اللي متابع حالتها و مافي فايدة، جربت نان، سيميلاك، سيميلاك نيوشور للوزن الناقص (طعمة لذيذ) ، ميلوبا ابتاميل، بعد ما كملت السنة جربت نيدو، والآن بيوميل بس ولا واحد تحبه
ما اقدر اعطيها حليب فراولة و الشوكولاته هي لسة صغيرة و سبق حاولت اعطيها بين الوجبات شوية بس ما تحبه
واللي تقول على الطبيب دون مشاورات صارلي سنة اعرضها و يقولون مافيها شيء و يغيرون الحليب و يقولولي حاول تأكليها اي شيء تقدرين عليه
اعيد و ازيد يابنات هي عمرها سنة مش 4 شهور لكن حالتها بدأت من يوم كان عمرها 4 شهور
وانا ما كسرت الصحون ولا ضربت زوجي ولا دعيت على نفسي الا بعد ما شفتها خلاص ما تاكل يعني مافي شيء يدخل بطنها خلاص تجننت بنتي جلد على عظم و وزنها اقل من المعدل الأدنى و تمرض كثير بسبب سوء تغذيتها ونقص مناعتها،، كل شهر تمرض و نروح نعالجها الله المستعان

جزاكم الله خيرا على النصايح واللي مرت بحالتي تفيدني شو اسوي؟ اعطوني اي حل للعلم انا حاولت معها بالطيب بس مافي فايدة
الله يخليكم ساعدوني تراها مسؤوليتي لو صاربالبنت شيء بسبب سوء تغذيتها انا بكون المسؤولة