جوري10 @gory10

عضوة فعالة

يأست وقريبا جدا ابعلن استسلامي ...يا شماتة قريباتي في !!!

كيفكم يا بنات يا دبدوبات (العصاقل ماني مسلمه عليهم قاهريني :16:)
قبل الزواج كان وزني 55 كيلو وكان مناسب لطولي 157 وجسمي كان روعه وكل خواتي مستغربات من رشاقتي رغم اني كنت اكوله وآكل الاخضر واليابس وكنت مبسوطه لكن هذا في الماضي ...
تزوجت ومن اول 3 شهور وحتى قبل ما احمل واولد زاد وزني فجأه واستمر بالزياده بدون سبب رغم ان اكلي قل وما صرت آكل زي قبل بس ما كنت اعرف ليش سمنت كذا بعد الزواج بدون سبب ..
وبدأت التعليقات من خواتي وقريباتي كلهن قالن البنت تتغير بعد الزواج بسبب الهرمونات وانتي خلاص صرتي سمينه ....انسي رشاقتك ونحفك ....لازم تتعودين على سمنتك .....
حملت مرتين وكل مره بعد الحمل والولاده احاول انحف واخفف اكل واسوي رياضه بس وزني يا دوب ينقص 6 او 5 كيلو بعد عذاب ومعاناه وحرمان والكيلوات هذي ارجعهم بسرعه رغم اني آكل عادي وما اكثر اكل ....
لي الحين 3 سنوات احاول اخفف وزني بس فشلت ووزني يطلع وينزل ومو ثابت قبل سنه كان 86 كيلو وبعد معاناه وصل الى 69 كيلو وتركت الريجيم وزاد الى 74 كيلو (رغم ان اكلي عادي وما كنت ابالغ بالاكل ) وحاولت بعدها اخفف واسوي ريجيم ورياضه وبصعوبه وصل الى 70 كيلو والحين لي شهر اسوي تخفيف ومشي وهو ثابت عند 70 .....
طفشت ومليت وزني ينزل بالقطاره فيه بنات ينزلون 6او 8 كيلو بالشهر وانا علشان انزل كيلو واحد لازم استمر عشر ايام تخفيف حاد وما اخربط ولا مره ولو اكلت حبة تمره واحده في الاسبوع ما انزل ولا كيلو في هذا الاسبوع .... انا مستحيل استمر احرم نفسي وفي المناسبات اضطر اني آكل حبتين او 3 تمره مجامله او قطعة حلى صغيره مره لازم اجامل وخصوصا اذا كانت معرفتي بهم سطحيه ما اقدر اقول سوري عامله ريجيم لانه عيب عندنا ويعتبرونك قليلة ادب لو رديتي صحن حلى تقدم لك ....بس المشكله اي كميه بسيطه من الحلى تثبت وزني وما ينزل ويروح تعبي بالاسبوع هذا وكأني ما سويت شي ..
تعبت ...مليت ...صابني احباط ....وانا الحين يأست ولي كم يوم تاركه الريجيم وبديت اقتنع بكلام اخواتي ..يا ترى فيه احد مثلي تغير وزنها بعد الزواج بدون سبب ؟؟
هل صحيح الهرمونات لها دور ؟؟؟
خواتي يقولن لي ايأسي ما راح تنحفين وانتي بتعذبين نفسك على الفاضي ولازم تتقبلين انك صرتي سمينه وانسي وزنك قبل الزواج ؟؟؟ واذا قريت تجاربكم اتحمس ... بس محتاره اصدقكم والا اصدق خواتي ؟؟
ردوا علي تكفون لاني بديت ايأس وحاسه ان كلام خواتي صح واني ما راح انحف ..

يلزم عليك تسجيل الدخول أولًا لكتابة تعليق.

تسجيل دخول

امل1426 • 16 سنة

لا يأس هذا انا عندك نحفة وانا مثلك جسمي شكور لو اكلت حبة تمره يصرف في شكري وهاتك تخن .................... بس مقاومه والله اني انعزلت عن الناس وهاتك رياضه وبعدها صار عادي اذا عملت رجيم انحف ولما استمر يثبت اقوم اكسر الرجيم وارجع وهكذا
المهم ابعدي عن الرز والمكرونات لا تتعشي اتحركي كثير في بيتك خففي الحلي كلي فواكه وخضار بكميات رهيبه اشربي الشاي الاخضر حطي في بالك انك رايحه تنحفي احيانا الوهم يعمل شيء ما يخطر في بالك اتمنا اكون وضحت لك والله ينحفنا بصحه وعافيه

هي دادا • 16 سنة

اختي
انا جااااااده بكلامي

من وصفك لوضعك انصحك بالرقيه الشرعيه
لا تتهاونين بالامر

اسال الله العظيم رب العرش العظيم ان يشفيك ويرفع عنك كل سوء

Posy007 • 16 سنة

جوري

انت عم تحكي قصة حياتي مع اختلاف في الرقام بس

تعرفي كذا مرة بدي افتح موضوع اسأل و بعدين بقول لا ما رح يفيدني حدا

حاسه انو ما في امل

بس لا يأس مع الحياة

رح اضل اجرب

ما ضل شي ما جربته

الا الرجيم الكيميائي و مستحيل اجربه لان يدمر الجسم

تعرفي شو رح اجرب

الرقية الشرعية انا شاكة ان الي يكونحدا حاسدني............معقول!!!!

لازم يكون في طريقة خلينا ندور مع بعض

امل قريب • 16 سنة

شوفوا اخواتي صلوا على النبي
انا مثلكم بالضبط وانا مااكل تمر لو اكل شئ خفيف وتركت الرجيم انتفشت
وقبل زواجي وزني كان 55
وبعد الزواج والحمل والولادة 82
والحين احاول انحف وانا حالفه لو نحفت لل50 راح اكتب لكم كل شئ صدقوني لما مسكت نفسي بديت انحف

•●»™Eşcađa ~ • 16 سنة

انا بعد الزواج وصل وزني 69 وقبل كاان 50

والحين صاااااااار 54 لاني طنشت كلام الناس وراياا واصريت والحمدلله
ومازلت مستمره والناس كلهم يمدحووووووووون اللوك الجديد

عقبااااااااااالك ياااارب