السلام عليكم ورحمة الله
مشكلتي هالمرة في مدرستي .. أنا معلمة ومرتاحة الى قبل سنتين مع زميلاتي والحمدلله لكن للأسف بمجرد ماتقاعدت مديرتنا وجتنا مديرة جديدة بدت المشاكل مو بس معاي مع الكل وش أقول غير إن هالمديرة ماتفقه أي شي من امور الادارة لا من ناحية شخصيتها ولا من ناحية ذمتها وأمانتها في العمل.. تصدقون انها مرتين توقع عن معلمة غايبه حضور بدون أدناة خوف من الرقيب سبحانه باستحلال الراتب ولما واجهناها أنكرت مع ان هالمعلمة بنفسها قايلة لي أنا يومها كنت بمكة والمديرة وقعت عني !! ولاحول ولاقوة الا بالله
المهم زاد الطين بله بجية معلمة جديدة متعاقدة ماتقل عن المديرة جهل بس زيادة خبيثة ودنيئه وحقودة بشكل كبير
ماتركت أحد مافكته من مشاكلها تبغانا نخضع لها وصارت تتحكم وتشخط بالرايح والجاي والمديرة للأسف تخاف من لسانها السليط فاستسلمت لها وزاد همنا واحتقارنا للمديرة .. أنا كنت أسمع كل يوم حكايه جديدة للمعلمة مع وحدة وللأسف كان الأغلب خاضع لها بذل وهذا إلي أنا ماأرضاه لنفسي .. كنت متضايقة من تصرفاتها مع زميلاتي بس كنت أقول مالي دخل دام زميلتي راضيه بالذل مقدر أتدخل لحد ما وطت لي على طرف آخر يوم قبل أمس
هالمعلمة مقاطعتني من 3 أسابيع تقريبا رافعة خشمها ومتغطرسة بشكل ماتتخيلون كانت ماتسلم علي إلا إذا أنا مديت يدي لها ولولا حق الله كان ماسلمت عليها صرت إذا صادفتها بطريق بالمدرسة مديت يدي وسلمت وهي تمد يدها لي بدون نفس وكانت تنتظرني أسوي زي الباقيات الي خضعوا لها وأروح وأسألها وشفيك زعلانه؟ أنا طنشتها حوالي 3 أسابيع وضحك وسوالف مع زميلاتي بصوت عالي وهي منعزله بمكتبها ماتبغى تجلس في المكان إلي أنا فيه مع إني والله ماتذكر وش سويت لها بالعكس علاقتي معاها سطحيه ومحترمة بس ما كانت كفو لهالاحترام للأسف حسبته خوف وكثير من هالنوعيه تعاملينها بالطيب تحسبك خاضعة لها
قبل اسبوعين جتني تطلب مني لوحة لأنها هي مشرفة النشاط قلت لها أبشري وفعلا خلال هالاسبوعين أنجزت هاللوحة مع البنات طلعت لوحة رااائعه عن النبي عليه الصلاة والسلام كتبت عليها اسمي وأسماء الطالبات المشاركات ولا جبت طاريها لأنها هي بس تبي تبز فيها على الفاضي قدام الموجهه بدون أدنى مجهود حتى الخامات رفضت تجيبها تقول جيبيها أنتي وبالأخير جابتها طالبه من الطالبات !! المهم خلصت اللوحة الثلاثاء الماضي وبآخر الدوام رحت لحد باب مكتبها وكانت مسكرة الباب أبغى أوديها قلت بنفسي لا مو منزله نفسي لها خلوها تحترق حطيتها عند بابها ورحت قلت للمستخدمة تدخلها عليها, المستخدمة كانت منحرجه أو بالأصح كانت خايفه من لسانها ماودتها بس بدون ماتعطيني خبر انها ماودتها جلست اللوحة عند الباب لحد مافتحت الاخت ولقتها وانتهى الثلاثاء بدون مشاكل
جاء بكرة الأربعاء وتبدأ بنرفزتها وصوتها المزعج علي من الصبح بالبدايه مسكتني بهدوء عند باب المساعدة قالت ليه راميه اللوحة عند الباب ( لها وجه مع انها ماتكلفت بشي ) قلت أنا قلت للمستخدمة تعطيك إياها بدت تقل أدبها بس بصوت واطي لأنا البنات كانو بالطابور وإحنا قدامهم قالت ووش بيني وبينك ماتدخلينها جوه ؟ رفعت عيني ناظرتها باحتقار ومشيت بدون رد >> هلحين أنا الي صرت غلط وانتي الي معاديتني بدون سبب ..
رحت لفصلي بالطابور وقلتلهم اطلعوا فوق للفصل أنا طالعه وراكم والمديرة كانت تتضاحك لي من بعيد وتمزح طلعت لحصتي الاولى وجت المديرة تاخذ الغياب بآخر الحصة وجهها كان متغير وتكلمني بدون نفس تقول بالفسحة انزلي لي أبغاك صراحة لاحظت تغيرها وطريقة كلامها بس ماهمتني طلعت من الفصل بعد نهاية الحصة رايحة للفصل الثاني لأن عندي 4 حصص ورا بعض بالطريق للفصل لقيت ثنتين من زميلاتي المعلمات يتكلمون ويطالعوني رحت لهم قلت وش القصة؟ قالوا فلانه تتكلم عليك تحت عند المديرة من بداية الحصة الاولي وهي مستلمتك تهزئ بصوت واحنا نسمعها بغرفة المعلمات من قوة صوتها قلت اييييييه عشان كذا المديرة مالها خلق فيني وتقول أبغاك قالوا رجاءا لاتعصبين وقعدوا يوصوني لأني معروفه بعصبيتي المهم نزلت ورحت للمديرة قالت سكري الباب واجلسي وبدت تتكلم بها الحلوة عاد بديت أعصب لأنها مو أول مرة تقف معاها ضدنا وهالمديرة هي الي مقويتها من الكلام الي قلته للمديرة اذا هي شجاعة خليها تواجهني مو تروح تشتكي من وراي لأنها جبانه ماتواجهني طبعا أقولها وأنا معصبه وأقوم أفتح باب الغرفة الي أنا فيها مع المديرة والمساعدة وأطلع شوي بالصاله وكانت فسحة والطالبات يروحون ويجون فتحت الباب ووقفت وقلت ياجبانه تعالي واجهيني ياجبانه تعالي حطي عينك بعيني ودخلت على المديرة وقلت لها رجاءا لاعاد تتدخلين بامور ماتخصك عجزت تتكلم بس تقول تعوذي من الشيطان استهدي بالله هدي أعصابك وأنا واقفه أقول لاتتدخلين رجاءا يام علي خلاص يكفي .. طلعت لغرفة المعلمات وبدوا المعلمات يهدوني وأنا أفضفض ومعصبه جت وحدة مقربه مني مرة وقالت أنا بعد قبلك مناديتني المديرة تقول ليش تقولين عن هالمعلمة كلام كذا وكذا هي جايه تشتكي منك تقول صديقتي قعدت أقسم ماقلت هالكلام وأنا بريئه .... الخ أنا ماعجبني تصرفها وقلت ليه تقسمين هذولا ناس مايمشون بالاعتذار وهي جبانة ليه ماواجهتك وطلعت بالصاله ورفعت صوتي قدام مكتبها وقلت جبانه ماتواجهنا جبانه ماتحط عينها بعيوننا وصديقتي تحط يدها على فمي وتمسك يدي وتجرني فوق وتقول خلاص اسكتي لأنها خايفه وأنا بالعكس أقول أنتي ليش خايفة وش بتسوي يعني ؟ عاجبك هالمهازل الي تصير بسببها..
وبس ... هلحين أفكر أنا أتغدا بها قبل تتعشا بي أفكر أشكيها هي والمديرة بكل تلاعبهم واستهتارهم للموجهه الاداريه أو حتى لمدير التعليم خلال هالاجازة لأني أعرفها زين راح تسويلي مشكله وتفتري علي مثل مافترت على غيري
مادري وش رايكم ؟؟
دلوعه كلمتي مسموعه @dloaah_klmty_msmoaah
كبيرة محررات
يلزم عليك تسجيل الدخول أولًا لكتابة تعليق.
منان120
•
ما شاء الله حقانية وشخصيتك قوية ما ترضين بالغلط
زين سويتي الاشكال هذي ما ينفع معهم الا اللي يوقفهم عند حدهم والا يتطاولون زيادة
يحليلي حسبالي المعلمات قلوبهم مع بعض وان الغطرسة وشوفة النفس بس بين الطالبات
دلوعه رأيي تشتكين عليها وتبينين المستور لان هذي المعلمة ماتخاف الله بتطاولها عليكم انتم المعلمات فما بالك بالطالبات
وكمان المديرة اللي شخصيتها مهزوزة انصحوها ازين من تشتكينها يمكن تقدر تغير من اسلوبها
والله يكون بعونك وعون المعلمات اللي معك ويصبركم عليها
زين سويتي الاشكال هذي ما ينفع معهم الا اللي يوقفهم عند حدهم والا يتطاولون زيادة
يحليلي حسبالي المعلمات قلوبهم مع بعض وان الغطرسة وشوفة النفس بس بين الطالبات
دلوعه رأيي تشتكين عليها وتبينين المستور لان هذي المعلمة ماتخاف الله بتطاولها عليكم انتم المعلمات فما بالك بالطالبات
وكمان المديرة اللي شخصيتها مهزوزة انصحوها ازين من تشتكينها يمكن تقدر تغير من اسلوبها
والله يكون بعونك وعون المعلمات اللي معك ويصبركم عليها
منان120 :
ما شاء الله حقانية وشخصيتك قوية ما ترضين بالغلط زين سويتي الاشكال هذي ما ينفع معهم الا اللي يوقفهم عند حدهم والا يتطاولون زيادة يحليلي حسبالي المعلمات قلوبهم مع بعض وان الغطرسة وشوفة النفس بس بين الطالبات دلوعه رأيي تشتكين عليها وتبينين المستور لان هذي المعلمة ماتخاف الله بتطاولها عليكم انتم المعلمات فما بالك بالطالبات وكمان المديرة اللي شخصيتها مهزوزة انصحوها ازين من تشتكينها يمكن تقدر تغير من اسلوبها والله يكون بعونك وعون المعلمات اللي معك ويصبركم عليهاما شاء الله حقانية وشخصيتك قوية ما ترضين بالغلط زين سويتي الاشكال هذي ما ينفع معهم الا اللي...
أذكري ربك وليس الشديد بالصرعه انماالشديد الذي يملك نفسه عند الغضب صدقيني العصبيه ماتحل المشاكل تلافينها مادرت عنك ولاجابت خبرك ومبسوطه انها نرفزتك وطيحتك قي الغلط
علشان كذا حلي الموضوع بهدوء وحكمه لأنها اذا شافتك تتصرفين بهدوء ولباقه واحترام والله بتحس بغلطتها وانها هي الخسرانه
أذكرك بقول حسبي الله ونعم الوكيل اللهم رد كيدهم في نحورهم واجعل من بينهم سدا ومن خلفهم سدا تراها تفعل المعجزات بإذن الله وتقيك شر من فيه شر
الله يبعد آذاها عنك ويوفقك
علشان كذا حلي الموضوع بهدوء وحكمه لأنها اذا شافتك تتصرفين بهدوء ولباقه واحترام والله بتحس بغلطتها وانها هي الخسرانه
أذكرك بقول حسبي الله ونعم الوكيل اللهم رد كيدهم في نحورهم واجعل من بينهم سدا ومن خلفهم سدا تراها تفعل المعجزات بإذن الله وتقيك شر من فيه شر
الله يبعد آذاها عنك ويوفقك
اختي دلوعـــه
الله يقويك ،، والاشكال هذي مايبيلها غير هالاسلوب
الضعيف يبون يدوسونه ،،، وتدرين وين المشكله ؟؟
اذا كانت الاداره مو شي اغسلي ايدينك من المدرسه بالكامل
دام هذي مديرتكم الله يعينكم
وربي اذكر يومني تعاقدت 6 شهور بمدرسه حكوميه المديره فاشله ضعيفة شخصيه والمساعده فارضه نفسها ع المدرسه المنافقات تمشيهم واللي يحبون الحق ولا يحبون النفاق ناشبت لهم ع الصغيره والكبيره
الله يعينكم
الله يقويك ،، والاشكال هذي مايبيلها غير هالاسلوب
الضعيف يبون يدوسونه ،،، وتدرين وين المشكله ؟؟
اذا كانت الاداره مو شي اغسلي ايدينك من المدرسه بالكامل
دام هذي مديرتكم الله يعينكم
وربي اذكر يومني تعاقدت 6 شهور بمدرسه حكوميه المديره فاشله ضعيفة شخصيه والمساعده فارضه نفسها ع المدرسه المنافقات تمشيهم واللي يحبون الحق ولا يحبون النفاق ناشبت لهم ع الصغيره والكبيره
الله يعينكم
الصفحة الأخيرة
خليك يا جبل ما يهزك ريح كونى واثقه من اقوالك ولاز م يكون معك احد مو بس انتى و خلي معك دليل واضح صاير ه ها المعلمه سيدها قيدها بها المدرسه
وعلمينى وش صار