هذي القصيده لشاب تخرج من الجامعه وللان لم يتعين
وهذي هي معانات جميع شبابنا
<<__ يأهل الوزاره !!__>>
ياشعري اشرح لي بالأيام وش صار
وش صار قلي حال الأيام وش فيه
ليه الفرح عن واقعي هاجر وطار
والله لو أنه ينشري جيت شاريه
أشريه لو هـو ينـــوجد عند تجار
لا شك وينه؟ وين ابلقاه ياهــــيه؟
الفرحه اللي فارقت عمري أجبار
فارقتها والقلب جـــدد بلاويـــه
قلبن تعب من واقع..ن كله أمرار
مابين هم وغم حظـــه مخليه
فيه الأمل باقي لو الوقت دوار
وقت يدور وهم الاقدار قافيه
ياصبر صبرني عسى تطفي النار
نار بصدري تشوي القلب تشويه
من حرها شفت القهــر شفت الاضرار
وشفت الحياه القاسيه ما تداويــه
طال أنتظاري وأنتظر زين الأخبار
همي من التعيين بانت خوافيه
راحت سنه وأنا أننتظر غيب الاقدار
قلت النصيب وطول الايام راجيه
يا اهل الوزاره وضعنا صار منهار
وشروطكم صارت حيالات تمويــه
قالــوا مدرس قلت أنا داخل الدار
والأجنـــبي بالمدرسه يفـتل أيديه
وين الوعد ياسادة العلم وش صار
والحق مهما صار لازم نبديــــه
ماني لحالي غيري كثار وكثار
شباب علم وضيـــعوا علمهم ليه!!
كله من سياسات التخلف والافكار
فكرا عقيم ولا لقى من يــقديــه
ياالله يامنزل من الغيم الامطار
سهل علي درب مع الوقت ماشيـــه
وسلامـــــــــــــــــــــــتكم.........
الشاعر خلف راضي الشمري
خ ـــطوات طفلهـ @kh_toat_tflh
عضوة جديدة
يلزم عليك تسجيل الدخول أولًا لكتابة تعليق.
خ ـــطوات طفلهـ
•
المشاهدات 12 ولاحد رد حرام عليكم معقوله ماعجبتكم
الصفحة الأخيرة