ياأمهات ساعدوني تعبت ابغى اعلم بنتي على الحمام

والله انا زيك بس بنتي عمرها سنتين و انا حامل في الخامس
و لما ادخلها الحمام تطفش بس لازم الصبر معاهم الله يعينا

يا إختي شئ معررررروف تعليم الطفل للحمام مو بالساهل
وياخذ وقت طويل وجهد وتعتمد ع العمر يعني عمر بنتك صغير وتحتاج وقت أطول وماراح تتعلمه
بسهوله لاتضغطين عليها مرررره وتعصبين بعدها تتعقد البنت يبغالهم طولت بال و وقت يعني أنتي ألحين حامل بالشهر الخامس تبغينها تتعلم خلال ٣ شهور مايمكن ! ..... هالمرحله متعبه ومرحله إنتقاليه من الحفاظ للحمام فمو بالساهل تتعلم وعموما الأطفال يختلفون فيه أطفال بسم الله عليهم ما يغلبون أهلهم ونبهين
وإذا عندهم أخوان أكبر منهم بيتعلمون أسرع لأنه ممكن يشوفونهم ويبدأ التقليد وفيه أطفال لاعندهم أخوان ولا شئ بس إستيعابهم للحمام كويس يعني تعتمد ع الطفل نفسه وقدرته الإستيعابيه وإذا بتشوفك معصبه ومتوتره صدقيني بتنقلين لها التوتر وتتأخر بالتعلم ........

نفس الحالة الله يساعدنا

يبيلك صبر صبر
اول شي اشتري النونيه حقت الاطفال وخليها بالحمام وحطيها عليه وحاولي تسكتيها وحطي بالحمام كيسة بلونات صغيره وقولي لها يالله سويها واعطيك وحده وشجعيها ورشي شوي مويه دافيه على المنطقه مره ومرتين راح تسكت وتتعلم واذا سوتها كافئيها بحلاوه شي تحبه وكل نص ساعه وديها وانتي لاحضيها اذا شربت شي وقتي لها تحسين انها بتسويها وربي يعينك واياني واياك تظربيها وتعصبي عليها ترا يكون الامر عكسي عليها

يبيلك طولة بال
انا بديت اعلم بنتي من عمرها سنتين واربع شهور
وخلاص تعلمت تماااما وشلت عنها الحفاظه نهائيا سواء في البيت وبره وعمرها
سنتين وسبع شهور
في البدايه علميها تجلس في الحمام انا ما أأيد النونيه لان بعدين الطفل مايرضى يسويها الا فيها
وبيتعبك بره
حببيها في الحمام جيبي طفل من عيال خواتك او اي احد وخليها تشوفه وهو يدخل لحمام وصفقي له
قولي الحين انتي نصفقلك
الاطفال يحبون يقلدون
اذا دخلتيها الحمام على طول تصفيق وتشجيع عشان تتحمس
اذا وسخت شيلي الحفاظه ووريها الوسخ قرفيها منه بكذا تخاف تسويها في الحفاظه
خلاص الحفاظه شيليها في البيت لاتلبسينها الا وقت النوم وعلميها انا شلت الحفاظه لاتسوين هنا
بعدين تستوي ملابسك يع
وكل عشر دقايق وديها الحمام
وراقبيها اذا حسيتي بتتبرز تكريمين على طول الحمام
والله يعينك انتي حامل
بس نصيحه حاولي بالراحه ولاتتعبين اعصابك
عشان ماتولدين الا وخلاص تعلمت الحمام