ياأنا ياهالنمل في البيت... ساعدوني الله يسعدكم دنيا وآخره

السلام عليكم...
أتمنى إنكم تكونون بصحة وسلامة
يابنات انا عندي مشكلة مع النمل
ساعدوني الله يخليكم

عندي غرفة وبجنبها - اعزكم الله - دورة مياه... دورة المياه هذي بيت للنمل!! تخيلوا!!:confused:
مليااااااااااااانه نمل بشكل مخيف...
لو اترك اي قطعة حلى بالغرفة اللي جنبها... ولو لمدة ربع ساعة بس
يجيني جيش النمل المخيف... والمشكلة صاير بعد دب من كثر ماياكل من هالأكل!!!:f226:
وش اسوي فيه؟؟
تعوذت بالله منه... ومانفع
بخيته بفليت وبف بف .. ينقطع كم يوم ويرجع ولا همه
قالوا خطي خط بالطباشير والنمل مايمشي فوق الطباشير.... إلا والله نملي يتمشى ويفحط على الطباشير ولا همه!!:S_45:
قالوا سدي الفتحات بمعجون.... سديتهن والظاهر نملي يحب المعجون من النظافة... لقيتهم يتجمعون على المعجون معجبهم طعمه!!:08:
قالوا الخل.... جربت خل التفاح وخل ابيض... كأني ارش عليهم ماء... اللي يجيها تغرق وإلا مايجيها عادي... وبيتهم ماأثر فيه
قالوا جربي البهارات... الحين وأنا قاعده اكتب الموضوع... ريحة الغرفة كلها بهارات.... حطيت بهارات بكل مكان.... والله ولا همهم.. اول مااحطه كانوا يخافون... وألحين عادي... يمكن بعد قاعدين يدعون لي يحسبوني حاطة لهم أكل!!!

المشكلة يابنات إنه مقررررررررف مررره.... نمل سمين... احس إن هالسمنة كلها من بيتي!! وبعدين لو يتجمعون بالمطبخ اعذرهم... لكن بدورة المياه!!!!!!!!!

ودي اجيب شركة تبخهم وتبيدهم لكن زوجي رافض نهائي...
تخيلوا يابنات إن بالغرفة عندي فيه غلاية وأكواب احطهم على جنب دايم... صاروا يحسبون الغلاية مسبح لهم... يطبون ويسبحون.... لما افتح الغلاية ألقى نمل يسبح!!! قمة القرف والقهر

جبت الغلاية ورسمت حولها خط بالطباشير.... ولا همهم... إلا ودهم يسبحون بالغلاية.... عدوا على الخط وطبوا بمسبحهم...
ألحين جبت اللصاق الأخضر اللي من وجهين عرفتوه؟؟؟ جبته وسويت على شكل مربع على الطاولة وحطيت الغلاية بالوسط.. وأي نملة تبي تقرب المفروض إنها تلزق
أول الأيام هجوا وخافوا!!!..... لكن قبل كم يوم قاعده اشوف نملة تتمشى على اللصاق!!!! مع إني لمست اللصاق بيدي قلت يمكن راح مفعوله...لكنه يلصق!!!.... مدري هالنملة لابسه جزمة وإلا وش سالفة أمه؟؟ لكن الحمد لله ماطبت بالغلاية وسبحت... يمكن كانت مزكومه الله ياخذهم...:icon29:

شكلي ابخليهم يعيشون معي.... واحتسب الأجر افطار صائم:biggrinlo
ولا بعد تصدقون الحين صايرين يطلعون لي أشكال غريبة... نمل كبير... يعني زي الذبابة بس له جنحان!!!! واااااااااااااو شكله قرف يابنات

ساعدوني وش اسوي.... زوجي يقول لي خلاص هانت بقى شهر ويجي البرد ويروح كل النمل!!
وانا اقول مستحيل اصبر على هالقرف شهر....:mad2:
الله يسعدكم ويبعد عنكم الحشرات علموني وش اسوي؟؟
:icon33::icon33:
والله يوفقكم ويسكنكم الفردوس الأعلى