اول شي بنات لا تلعبون على انفسكم وتقولن احنا اغنياء احنا حالتنا الماديه مرتفعه ومن هالكلام لان كلش واضح ماعليش الدلوعه انا ماتفق معاك ليش تربطين الزياده بموضوع الانحلال او الفساد احنا كنا متوقعين ومتأملين الزياده اربعين بالميه وتفاجأنا انها خمسه بالميه ياختي ليش احنا زعلانين انا اقولك حالتنا الماديه تتردا يوم بعد يوم الطبقه الوسطى بدأت بالنقصان وسيصبح الشعب بعد فتره طبقتين طبقه غنيه وطبقه فقيره وذا الي قعد يصير الغني يزيد في غناه والفقير العكس ياخوات المواد عندنا زادت زياده خياليه بلا رقيب ولا حسيب في دوله قطر التي زادت رواتب بالشي الفلاني سلعهم ارخص من عندنا وش ريكم !! ولا العقار ومادراك مالعقار ايجارات نار نار نار يعني المعيشه اصبحت صعبه من جد خلونا واقعين على العموم ابو متعب ان شاء الله مو مقصر معنا

ترا عندنا الزياده مقرونه بتنازلات كثيره اولها للرجال حلق اللحى ولا اللي يكون صاحب رتبه عاليه الله يعينه اما يحلق او يسجن وتحلق له اللحيه اجبارا في السجن ويطرد من العمل ويسجن لمدة سنه ويتهم بمخالفة امر ولي العهد ويكتب في الحضر الامني واللي رتبته اقل من ضابك يطرد من العمل ويكتب له الحضر الامني والله المستعان اما انك تعصي ربك وتاخذ الزياده واما انك لا زياده ولا عمل وبهذله كمان ...............................
وبالنسبه للنساء فالزياده عندهم مقرونه بكشف الوجه وقبول الاختلاط حتى في المدارس اتصوري ان كنتي مدرسه يكون عليكي مراقب اجنبي ؟؟؟؟؟
هااااا وش رايكم يابنات السعوديه تقبلون بهالتنازلاااااااااااااااات ؟؟؟؟؟

QUOTE]

حبيبتي اتمنى انك تتأكدي من كلامك عن حلق اللحى لان ابوي ضابط في العسكرية ورتبته عالية ولا

طلبوا منهم حلق لحى ولا شي القرار الوحيد اللي اجبروهم عليه اللي هو عدم الزواج بغير اماراتية

واخوالي واعمامي وكل رجال العائلة يشتغلون بشركات ووزارات حد منهم محلية وحد منهم اتحادية ولا

حلقوا لحاهم ولا شي .. وبالنسبة للنقاب في هذي ان معاج المفروض محد يقبل بهالقراار بس في بنات

جزاهم لله خير فضلو انهم يستقيلون على انهم يشيلون النقاب وفي بنات رضو بالامر الواقع واكيد

لحاجتهم وعدم وجود وظيفة بس انا مستغربة من شي هذا وانتي عايشة بالعين اللي هي تعتبر اكثر

مدينة محافظة علقتي اجل لو كنتي عايشة في ابوظبي ودبي بتشوفين البلاوي .. في مدينة العين بالذات

لو رحتي اي هيئة أو مؤسسة حكومية بتشوفين ان لسه البنات ماتركوا النقاب ((واكبر دليل موظفات

البلدية وشركة العين للتوزيع )) وبالنسبة للمدارس صح صار هناك مسؤولين اجانب بس لازال

الخيار في يد المعلمة او الادارية في انها تترك النقاب او لا .. امي تشتغل ادارية في مدرسة

والنقاب ما ينزل منها ,, وترى الزين والشين في كل مكان يالغالية

اللهم لك الحمد كما ينبغي لجلال وجهك وعظيم سلطانك

حبيت اعلق على كلامك واتمنى ماحد يزعل بالنسبة لربطك قرار حلق اللحيه بزيادة الراتب ماله اصلا اي علاقه قرار حلق اللحيه جاء قبل زيادة الرواتب بفتره وبعدين هم ماطلبو منهم يحلقها طلبو منهم يخففونها الى 1 سم وبعدين اذا بيزيدون الراتب عشان حلق اللحيه بالله كم نسبه الملتحين ولا تجي 5 بالمئه معروفان الملتحين نسبتهم قليله يزيدون الجيش كامل عسب هالفئه القليله وسالت واحد من اهلها كان ملتحى وخففها على موضوع السجن قال هذا شيء مش صحيح لا في سجن ولا شيء كل واحد على راحته الى مايبي يستقبل وهم اصحاب الشغل من حقهم يحطون القوانين على راحتهم والى مو عاجبه يترك الشغل يدوره مكان ثاني صح القرار مخالف للسنه ولكن معروف فى كل بلدان العالم ان ممنوع اللحيه الطويله فى الجيش والشعر الطويل وهذا مايدل انى مؤيده القرار بالعكس تضايقت منه بس تبون الصدق من متى الملتحين فى الجيش محد داس لهم على طرف لكن بعد احداث سبتمبر انقلب الحال على الملتزمين مش بس فى الامارت فى كل العالم والله المستعان ...وياريت ماننسي الخير الى احنا عايشين فيه الحمد لله بفضل الله وبفضل شيوخنا ومايخلينا كم قانون اصدروه ننسي الى سوه فينا ونذكر الشي السيء الحمد لله بلادنا فيها خير مسابقات تحفيظ القران فى كل اماره بامر الشيوخ ومنها مسابقه دبي لتحفيظ القران ويكفي انهم يوفرون للمواطن كل شيء يحتاجه ومجانا ماشاء الله البيوت الشعبيه فلل دورين انا ماشفت بصراحه فى اى دوله غيرنا البيوت الشعبيه دورين و الارض مجانا ويتزوج الشاب ياخذ 70 الف مساعده من الحكومه و وايد ناس والارامل والمطلقات تصرف عليهم الشؤؤن غيرنا بالدان يتبهدلون ومايحصلون الاكل لعيالهم الجيش الحمد لله تضاعفت روابتهم الضعف الى ياخذ 10 صار ياخذ 20 وغير الى في الجيش وبالاخيره اعترف فيه اغلاط ومافيه حد كامل عندنا لكن الانسان الى قلبه فيه دين بيعيش وين ماكان ...

جزاك الله خيــر

نفس الكلام اللي كنت بقوووله
احمدوا ربكم

بشكر الله تدووووووم النعم


وجزاء الله الملك عبدالله كل خير
والله مو مقصر ورايته بيضااء

بس ادعوو ان الله يسخر له البطانه الصالحه
اللي تعينه للخير

وخلااااااص يابنات حوواء فكونا من موضوع ا5%
بعدين تراها ماهي زيااااااااده اسمها بدل معيشه