ياأهل القصيم وش سويتوا اليوم بدون كهرباء

السلام عليكم ورحمة الله وبركاته
قال تعالى (وإن تعدوا نعمة الله لا تحصوها)
سبحان الله ربي أنعم علينا بنعم عظيمه ولكن لايشعر الإنسان بهذه النعمه إلا عندما يفقدها ومن تلك النعم نعمه الكهرباء والله يا بنات ما حسيت بهالنعمه إلا اليوم حنا يأهل القصيم ويقال حائل إنقطعت عنا الكهرباء من آذان العصر حتى آذان العشاء بصراحه حسيت الدنيا تعطلت لا مكيفات لا مكوى لا بنزين بعض السيارات واقفه بدون بنزين حتى الآذان ما نسمعه ومثل ما أنتم عارفين اليوم الأربعاء وإجازه وكنا معزومين على العشاء ولازم نروح من المغرب والمشكله نحتاج مكوى وسشوار والله يوم شفت الدعوى مطوله سحبت على العزيمه ورحت لأهلي ويوم أذن المغرب والكهرباء ما رجعت طلعنا للسطح وحطينا فرشات وكنا كل العائله مجتمعين وقعدنا نتقهوى وناكل حلى على ضوء الشموع (رومانسيين بالغصب) والحمد لله كان فيه شوي هواء لطف الجو وإلا كان علوم بصراحه يوم لن ينسى كله كوم وأخت زوجه أخوي كوم المسكينه عندهم زواج وقاعده تسوي المكياج بكشاف يدوي والله ماصدقنا إنه إشتغل الله يديم علينا النعمه يالله يا بنات القصيم أكيد لكم مواقف بهالوضع أتحفونا أنتظركم