يااااااااااااااااااي ..ملابسي كلهاا ماركات

ما شاء الله عليك صراحة

الذوق مو بالفلوس .. بالاختيار الحلو للملابس و طريقة اللبس و التنسيق بالألوان

يا ما و ياما وحدة تدفع ما وراها و دونها للملابس بس سبحان الله ما تطلع شياكة لأن أهم شي الذوق .. و كثير أعرفهم كشخة و أناقة و لبسهم مو كله مو ماركة يعني تجمع بين النوعين ( الماركة و الغير ماركة)

ذكرتيني يوم كنت بالسوق لقيت بلوزه عليها خصم وهي ماركه وبعد الخصم ب500ماهان علي أشتريها وحكيت لصديقتي عنها قالت نسوي قطه أنا وأنتي ونشتريها عاد محسوبتك مالي في هالشكليات اللي هابين فيها الخلق الا ماركه وهبال أهم شئ أن الوحده يكون عندها ذوق راقي وبكذا تلبس أحسن من غيرها وسعي صدرك اللي عندهم فلوس أغلبهم ماعندهم ذوق مع أحترامي لهم وهذا الصحيح والغالبية تسلمي ع الموضوع خليتيني أفضفض

يابناااااااااااات وقسما ان بعض الماركات مجرد ستكر يركبونها على الملابس والمشغل موجود في الرياض ويركبون ستكر اي ماركه ويبيعونها على المحلات المشهوره وقالي هالكلام بايع نعرفه ويحلف ويقول انه فيه بوتيك بالعليا صاحبه عنده مشغل بالرياض يفصل تنانير بمشغله وسعر التكلفه 60 ريال ويركب ستكر على انها ماركه ومن برا ويبيعها بمبلغ اقل شي900 ريال وزباينه من الهاي هاي ..

حبيبتي هو كلامك عين العقل وكيف ماقلتي اللي عنده الله يزيده وكل انسان حر

وعمر ماكانت الاناقة بالماركة الفلانية او بالاشياء الغالية والله انا بنت صاحب الشركة اللي اشتغل فيها ماشاء الله عليهم الله يزيدهم وماتشتري الا من ماركات غالية بس ولا مرة سبحان الله عجبني شئ لبسته بالمرة يعني هذا فقط مثال.

هي تبقى مسالة ذوق وثقة بالنفس واللي عندها ذوق ممكن تشتري بس من ماركات رخيصة لكن اشياء حلوة واهم شئ تليق عليها

وعلى قوامها وهذا الاهم .

على اخت زوجك المفروض ماتنسحب على العكس كل انسان وقدراته ولازم تقتنع بانه اهم حاجة

الشياكة والاناقة ========= الذوق فقط لا غير

الله يهدينا على انفسنا اختي

وعندنا بالمغرب مثلا اغلب الماركات يسوونها في مصانع مغربية وعلى اتيكيت الماركة وصنع في المغرب وتصدر للبلد الاصل ( فرنسا-ايطاليا- اسبانيا- البرتغال- انجلترا- اميركا... الخ) ويتم بيعها بقيمة خيالية وهي تكلفتها اقل بكثير انا اتكلم من واقع التجربة لاني اشتغل في نفس المجال واشتري من المصنع عندنا مباشرة ولا اروح للمحلات الخاصة بالماركات اللي نشتغلها.

كلامك صح100% والله يسعدك ويهنيك القناعة كنز لايفنى