السلام عليكم ورحمه الله
كيفكم حوائيات
ادري قليل اللي يعرفوني هنا لاني قليل اشارك بس والله اني معكم قلباً وقالباً من اربع سنوات اتابعكم هنا وبعدها سجلت
يعلم الله كم دعيت لكم بظهر الغيب وبكيت لمعاناة البعض
للي ما يعرفني
اناومتزوجة من 7 سنوات وعندي بنوته 6 سنوات الله يحفظها وانا وحده امووت بالاطفال من صغري
المهم بعد ما صار عمر بنتي سنتين قلت لزوجي ودي نجيب اخو او اخت لغلاتي
المهم انا ما كنت استخدم موانع الا طريقة العد وكانت ناجحه معي بحكم انتظاااام دورتي
مجرد تفكيري بالحمل تلخبطت هرموناتي خلال شهر واحد تاخرت الدورة اسبوعين فرحت قلت الحمد لله ورحت احلل قالوا ما في حمل حللت هرمون الحليب طلع مرررررررفع مرررره
وبديت مشواري مع العلاج والحمد لله على كل حال
وقتها رحت لدكتورة وعطتني علاج ما استخدمته صرت استخدم اشياء طبيعية بردقوش وخرابيط ثانية ونزل الهرمون ولله الحمد خلال شهرين
وجلست كم شهر ما صار حمل
رحت دكتورة ثانية قالت عندك ضعف تبويض واخذت منشطات ونزلت بويضتين فرحت مررررره قلت ان شاء الله احمل بتوأم بس الصدمة نزلت الدورة
قالت الدكتورة لازم يحلل زوجك قلت لها ليش يحلل حملت ببنتي طبيعي الحمد لله بعد 6 شهور من زواجنا قالت معليش لازم نتاكد
قلت لزوجي رفض الفكرة من الاساس وقال روحي لدكتورة ثانية وكان متحمس مرره لمراجعاتي وعلاجاتي
رحت دكتورة ثانية وتابعت لي التبويض شهرين قالت لي التبويض عندك ممتاااز قلت لها متاكدة قالت لي زوجك لازم يحلل
قلت له ثانية عن التحليل رفض وبشده قال خلاص اذا ما فيك شي لا تروحين لمستوصفات متى نا صار حمل اساسا ما نبي نستعجل البنت توها صغيره
انا اندمرت نفسيتي كثيييير تلخبطت دورتي بسبب هالشي
زوجي يوم شافني كذا متكدره قال خلاص بحلل عشان تتاكدين انه ما فيني شي
وقتها طرررت من الفرحه
جا يوم التحليل انواع التوتر والخوف
طلعت نتيجة التحليل صددددددددددمه للجميع
عدد قليل
انعدام حركة
صديد شديد
لزوجة عاااااالية
تشوهات كثيره جداً
دوالي
جلسنا كم يوم نحاول نستوعب مو قادرين
عطاه الدكتور علاجات ومضاد وعلاج لللزوجه وبعد شهر يحلل ثانية
كنت الاحقه بالعلاجات زي الطفل ويعصب علي عشانهم وانا كنت حريصه على العلاجات بس لا حياة لمن تنادي
جا التحليل الثاني (الصدمة الثانية )
النتيجة ما فيه تغير بالعكس العدد اقل من قبل والصديد زايد التشوهات ما تغيرت
والحمد لله على كل حال
قال الدكتور لازم 3 شهور تنتظم على العلاجات
رجع لي قال شهر واحد اذا ما فيه تحسن بترك العلاجات
قلت طيب شهرين قال شهر واحد
بعد شهر راح يحلل بعد الاقناع والدموع طلع النتيجة تحسن بسيط بالصديد
هنا قال زوجي اللي علي سويته خلاص ما في علاجات ما في مواعيد ومراجعات وتحاليل خلصنا وبعدها صار ماىيشجعني اروح اتابع او اسوي شي
اخذت نتيجة التحاليل للدكتورتي قالت بحالتكم هذي لازم اطفال انابيب
وقتها اقول بخاطري هو رفض العلاجات كيف بقول له عن اطفال الانابيب
المهم قلت له ان الدكتورة تقول اذا تبون الحمل لازم انابيب قال قولي لها صرفنا نظر ما نبي اطفال لحين
وانا نفسيتي كل مرة تشين اكثر من قبل
مرت الشهور وحنا على نفس الحاله
ترقب للدورة ونفسيه زفت وتفكير بالحمل كان من الطرفين لكن كل واحد مو مبين للثاني
انا ما كان عندي غير الدموع وزوجي اذا شافني كذا قال لي انا مابي اطفال ياخذونك مني اهم شي عندي انتي عندنا غلا تكفينا ( يحاول يخفف عني وهو اشد مني )
مره كان زوجي يتكلم مع زميل له هذا الزميل رزق بطفله بعد 4 سنوات من زواجة قال لزوجي عن خلطه عسل استخدمها هو وزوجته كانت هي السبب بعد الله بالحمل
راح زوجي اشتراها وجا عندي يقول لي عنها
انا تحمست معه واستخدمنا الخلطة
كانت نتيجتها معي ماشاء الله تبارك الله ممتاااازة
اذكر اني رجعت لدكتورتي بسبب الم بجنبي اليمين شديد ما اقدر اجلس منه وافرازات شفافه
سوت لي اشعه قالت لي انتي استخدمتي منشطات هالشهر لان تبويض ماشاء الله ممتاز جداً
يوم قلت لزوجي عن كلاام الدكتورة تحمس هو قال بشوف نتيجتها معي
حلل
طلع ماشاء الله تبارك الرحمن العدد ارتفع والتشوهات راحت والصديد اختفى
باقي اللزوجة والحركة
زوجي شاف تنيجة تحليله كذا قال بس خلاص انا طبت ما فيني شي قلت له استمر عليه بعد كم شهر عشان الباقي قال خلاص كذا كفاية والدكتورة تقول باقي اللزوجة استحاله يصير حمل مع اللزوجه العالية هذي
المهم مرت سنه وانا ما فتحت معه الموضوع ابد
لانه ما كان يتكلم معي فيه او يحاول يناقشني وكان هذا الشي مره مضايقني
كنت احس اني شايله هم الموضوع لحالي هو مهمته يحاول يغير الجو بالسفر او الطلعات بس
واذا تاخرت الدورة يشيل هم ويسال كل شوي بعدين يقول معليش كلها فتره وتنزل عشان يحسسني اني ما سالت انتظر حمل لا وهو متلهف اكثر مني بس ما يحاول يبين لي
كللللله كوووووم ولغلاتي كوم كانت تقول لي ابي يصير عندنا نونو
ليش فلان عنده اخو وفلان عنده اخت وانا لا
اخر شي طفشت منا قالت انا بصير ام واجيب نونو كثاااار هههههههه
قبل سنه و4 شهور تاخرت الدورة مرررره حوالي شهر انا اكابر ما بي احلل انصدم كالعاده وبنفس الوقت احاول ابين انه هرمون الحليب مرتفع كلها كم يوم وتنزل الدورة
وفعلا طلع الهرمون مرتفع ( لانه كان عندي مناسبة هذاك الشهر وشايله همها ) ولا موضوع الحمل صار عندي حلم فقط
المهم رحت للدكتورة وعطتني حبوب كل اثنين وخميس استخدمها للهرمون
كان يوم الاثنين والخميس كابوس بالنسبة لي لانها سببت لي صداع فضييييع
بعد شهر حللت طلع الهرمون ناااازل عن الحد الطبيعي قالت الدكتورة استجبتي للعلاج بشكل مفرط
جلست شهرين والدورة تجي قبل وقتها بكم يوم الشهر الثالث تاخرت اسبوع وقلت اكيد الهرمون رجع وطنشت
هالفتره هذي قررت اني انسى او اتناسى فكره الحمل
انشغلت بنفسي اهتمام بزياده خلطات وكريمات وخرابيط
بعد شهر قلت اروح للدكتورة ليش مادري
اتصلت وحجزت موعد يقول لي زوجي ليش بتروحين قلت بس كذا
والله يابنات اني داخله على الدكتورة وانا مدري وش ابي واكنت يوم 15 من الدورة
سويت لي اشعه وكانت الصدمه انه عندك ورم ليفي بالرحم قلت الحمد لله على قضاءه وقدره كل يوم طالع لي شي جديد
صكت الدنيا فيني وضاقت علي وصرت اسبوع وانا بس ابحث عن الاورام الليفيه وابكي
زوجي كان يبكي من بكاي يقول خلاص ارحمني نفسك
لان قريت انه الي عندها ورم ليفي اذا كانت صغيره لازم تجيب اطفال خلال فتره محدده لانه الورم يكبر مع الحمل واذا كبر لازم يشال هو والرحم واذا كانت كبيرة وعندها اطفال تشيل الورم والرحم
قلت لزوجي عن اللي قريت قال انا ما بي اطفال اهم شي انتي طيبه وقتها قلت خلاص شكله ربي ما كتب لي اجيب غير غلاتي واقنعت نفسي بالفكرة هذي
بعدهاصار الورم شغلي الشاغل مواعيد واشعات نسيت الحمل كلله كل همي ذاك الوقت اني اشوف حل للورم
رحت لدكتورة ثانية قلت يمكن تقول لي كلام ثاني
سوت لي اشعه وقالت اللي عندك لحميه تروح بتنظيف بالمنظار قلت لها متاكده قالت لي واضح مره انها لحميه لان الورم له خصائص ثانية تبان بالاشعه
المهم هانت علي المصيبه قالت الدكتورة تابعيها كل شهرين اذا ما كبرت لا تشيلينها لانها ما تاثر ولا تمنع الحمل
وجلست 9 شهور مطنشة الحمل واللحميه
كل همي اني انبسط وابسط بنتي وزوجي
زاد اهتمامي بنفسي وببنتي وزوجي كل اللي نفسنا فيه نسويه ما نخلي شي يكدر علينا
وقتها كانت الدورة مره تتقدم ومره تتاخر وانا مطنننننشه على راحتها
المهم شهر ذو القعده اللي راح ارتفع هرمون الحليب رحت للدكتورة عطتني حبوب استخدمها مع العشاء نص حبه قالت لي شهرين تستخدمينها
صرت اخذه يوم واتركه يومين
جت الدورة بوقتها وتركت الحبوب وانشغلت هذا كان شهر ذو الحجه
دخلت السنه الجديده وانشغلت ذهنيا بزواج اخت زوجي بحكم علاقتي الحلوة معها وزواجها بالاجازة اللي بشهر 2 اللي راح
ووقت زواجها تكون فيني الدورة وانا اكره تكون جايه وقت مناسبه وقلت باخذ حبوب تاخر الدورة لبعد الاجازة والكلام هذا باقي عليه اكثر من شهر
نسيت اقولكم اننا ما سلمنا من كلام الناس ما حملتي بنتك كبرت الى متى يكفي راحه حتى الرجال صاروا يسالون زوجي ما جبتوا اخو لغلا قال لهم ما خليتوا شي للحريم
وانا ارد عليهم هذا امر شخصي محد يتدخل فيه واللي عند الله قريب
المهم انتظرت الدورة تاخرت قلت احسن عشان تتاخر ما تجيني بالاجازة (شوفوا وين راح تفكيري)
تاخرت يومين ثلاثه اسبوع
صحيت الاربعاء الصباح وكان معي بداية الدورة وقتها ما فيه اي ردت فعل لاني متوقعه نزولها لبست ورحت للدوام
كنت استخدم وقت الدورة زنجبيل وماش وفلفل ابيض مع كوب حليب عشان تنزل بسرعه ونتظف
اخذت خلطتي شربتها بالدوام
رجعت للبيت الظهر والدورة ما نزلت والفوطة نظيفه قلت يمكن من التاخير ما تنزل على طول
نمت وصحيت العصر وبرضو ما نزل شي
رحت لخوالي من المغرب الى 12 باليل كنت وقتها اروح للحمام ما في شي
شربت زنجبيل حاااار وزاد وجع بطني ولعبت من بنات خالاتي قلت عشان تنزل وزاد وجع بطني
اول مره تسوي معي كذا قلت بصبر للفجر ان ما نزل شي بصلي واقضي الفروض اللي راحت
وانا بالطريق راجعه لبيتي سالني زوجي عنها نزلت ولا لا قلت له ما نزل شي من الصبح وشكلي بصبر للفجر ان ما نزل شي بصلي
انحرف بالسيارة للصيدلية ونزل قلت له وين قال بجيب غرض
جا من الصيدلية وطلع لي تحليل منزلي قالي اذا صحيتي الفجر سويه
قلت له ليش تجيب انا خلاص ما بي اسوي تحاليل مليت من النتيجة اللي كل مره نفس الشي
انا سكت وهو سكت
اذن الفجر صحى زوجي وراح يصلي جا يصحيني وانا بالطريق للحمام قالي لا تنسين التحليل وانا ما نسيته بس اتناساه
اخذت الكيس معي وحطيت العينه وابعدت جهاز التحليل لاني عارفه النتيجة
خلصت وانا بطلع جا زوجي قال هاه وش صار
قلت مدري بس اكيد ما فيه
دخل للحمام وانا طلعت
وناداني يقول تعالي شوفي
هذا خطين ولا عيوني تلخبط
يوم دخلت اي والله خطيييييييين حسيت وقتها ابي اطير
وما يحتاج اقولكم وش صار بعدها
وانتظرنا عشان تفتح المستوصفات الساعة 9 الصباح واحلل دم
وقتها مو مصدقة بس ابكي وزوجي نفس الشي
طلعنا من البيت ندور ونتمشى بالسيارة احس الدنيا مو مكفيتنا
جت الساعة 9 ورحنا للمستوصف وحللت والنتيجة بعد ثلث ساعه
ورجعت للبيت كاني وحده جديده
اتصلنا على المختبر قالوا مبروك النتيجة ايجابية
اول شخص بلغته هو غلاتي
طااااارت من الفرحه تقول متى يطلع
والظهر علمت امي واختي وكلهم سووا فلم هندي
ورجعت لدكتورتي بعد فتره واستغربت كيف صار حمل ونتيجة تحليل زوجك كذا
قلت لها ما فيه شي مستحيل على ربي
والحمد لله من قبل ومن بعد
ونسيت اقولكم يابنات لا تهملون صلاه الليل والاستغفار لها اثر عجيب علي بحياتي كلها
مو لازم بانتظام بس لا تتركينها ابد لو مره بالاسبوع
ادعو لي ان ربي يتمم لي بخير واشوف البيبي بصحه وعافية وان اربي يحسن خلقه واخلاقه
والله مايهم ولد ولا بنت اهم شي العافية والصلاح
ادري طولت عليكم طلعت متابعه اربع سنوات بساعة وحده خخخخخخخ
وعقبال كلللل من تنتظر الحمل يارب
الحمد لله كما ينبغي لجلال وجهه وعظيم سلطانه
يلزم عليك تسجيل الدخول أولًا لكتابة تعليق.
يازين العافية
•
ماشاء الله لاقوة الا بالله شعور حلو بكيت ياوخيتي الله يبشرني زي مابشرك ودي اسمع مبرررررررررررررررررروك
ماشاء الله لاقوة الا بالله شعور حلو بكيت ياوخيتي الله يبشرني زي مابشرك ودي اسمع مبرررررررررررررررررروكماشاء الله لاقوة الا بالله شعور حلو بكيت ياوخيتي الله يبشرني زي مابشرك ودي اسمع...
اللهم امييييين
الله يحلي سمعك بكلمة ماما عاجلا غير اجل
الله يحلي سمعك بكلمة ماما عاجلا غير اجل
حلم ورده :
ماشاء الله تبارك الله يارب يتمم عليك حملك وييسره ياربماشاء الله تبارك الله يارب يتمم عليك حملك وييسره يارب
مشكورة يالغلا ماقصرتي
ام عليوة
•
ما شاء الله والله بكيت من الفرحه الله يتمم لك على خير ويسهل حملك وولادتك يارب يا كريم ويحفظ لك غلا
ادعي لي احلل الاسبوع الجاي واكون حامل ولدي عمره ١٠ سنوات وما حملت بعده الحمدلله على كل حال ربنا كريم والله نفسيتي الله يعلم بها ساعات اطنش واقول الحمدللهةعندي ودي الله يحفظه هو دنيتي وساعات افكر في احمل واقول نفسيذفي بنت او ولد اهم شيء بصحه وعافيه اخر شيء حللت وطلع ضعف في التبويض وقت خلاص مافي حمل بس الله كريم طبعا انا عندي كيس مبايض
كاني اكلمت كثير ب طمعانه في دعوة ربنا يفرح قلبي بالحمل السليم يارب وكل محرومه ياحي ياىقيوم
ادعي لي احلل الاسبوع الجاي واكون حامل ولدي عمره ١٠ سنوات وما حملت بعده الحمدلله على كل حال ربنا كريم والله نفسيتي الله يعلم بها ساعات اطنش واقول الحمدللهةعندي ودي الله يحفظه هو دنيتي وساعات افكر في احمل واقول نفسيذفي بنت او ولد اهم شيء بصحه وعافيه اخر شيء حللت وطلع ضعف في التبويض وقت خلاص مافي حمل بس الله كريم طبعا انا عندي كيس مبايض
كاني اكلمت كثير ب طمعانه في دعوة ربنا يفرح قلبي بالحمل السليم يارب وكل محرومه ياحي ياىقيوم
الصفحة الأخيرة