نفس طريقة تفكيري بالضبط بس يفرق تقسيم الجدول..
وبعدين هذي حركات الرجال يثبت نفسه قابليني بعد 6 سنين ان ماصار هو يوصخ وانتي تركضين ترتبين وراه:hahaha: مجربة

احسك قاعده تتكلمين عني زمان اول ماتزوجت
شوفي حبيبتي كنت اخس منك لا وزوجي مجنون مجنون نضافه يعني الذره يشوفها على بعد كيلو اللهم لاحسد يكره الغبار يكره تكويم الملابس يكره الصحون والملاعق والاكواب تتكوم على حوض الغسيل وانا ماني حقة كرف من بدايتي يعني ببيت اهلي ماكنت اسوي كل هذا الموهيم ياعمري الحين تسنعت وصرت احسن من اول بمية مره والخطوات سهله جدا
يعني ماخلي ملعقه وحده على الحوض على طول يكون المويه والصابون جاهزه واخذ الاسفنجه وغسل انشاءالله ملعقه وحده بالذات وقت الطبخ الي تخلصي منه على طول اغسليه سكين صحن مبشره الي يجي في ايدك عشان بعد الوجبه مايكون عندك الا اشياء بسيطه الصحون والملاعق بالنسبه للقدور حقة الطبخ اكرها ومازلت بالذات اذا الاكل انحرق على شوي بس هالحين تعلمت طريقه حلوه ماتتعبني في غسيل القدور يعني من اغرف الاكل من القدر ومثلا يكون محروق على طول احط فيه مويه واخليه يغلي دقيقتين بعدين احضر السفره وناكل بعدين اغسله مع صحون الاكل بسهوله
الملابس نفس الشي بس اغسلها كل يومين يعني ماتزيد عن يومين واكويها بنفس اليوم موزعه شغلي على طول الاسبوع
يعني مثلا الشغل الاسبوعي
1- تنزيل جميع فلاتر مكيفات البيت وتغسيلها وتنشيفها
2- تنضيف الثلاجه وتبخيرها بالمستكه
3-تغسيل الشبابيك وتمسيحها
4-تنضيف الفرن وتغسيل العيون وتنقيعها ليله كامله في ليمون وخل
5-تغسيل الشراشف وبيوت المخدات
6- تبخير دولابي ودولاب ابو الشباب(( عاد هذي الحركه لو تسوينها راح ينبسط مره بالذات لو كان من النوع الي يحب يهتم بنفسه ))
الشغل الي مرتين بالاسبوع
1- تكنيس السيراميك وتمسيحه ((سيراميك المجالس وغرف النوم))
2- تمسيح الطاولات وتلميعها
3-تبخير البيت
4- غسيل وكي الملابس بنفس اليوم
الشغل اليومي
1- تكنيس وتمسيح ارضية غرفة المعيشه
2- تغسيل الحمامات والمغاسل وتمسيحها
3- تمسيح دولاب المطبخ بمويه وكلوركس
4- تكنيس المطبخ وتمسيح ارضيته

وبس هذا الشغل ياعمري وصدقيني لو مشيتي على نفس الخطوات هذي راح ترتاحين وتهدين وتروح كل مشاكلك يعني كل يوم سوي الشغل الي بالشغلات اليوميه وضيفي شي واحد من الشغل الاسبوعي وكل يومي ضيفي شغله وحده من الشغل الاسبوعي وكل مين يزورك واهم من في الموضوع زوجك راح يشهد لك بالنضافه وحسن الترتيب
3- تمسيح دولاب المطبخ بمويه وكلوركس

شوفي يالغالية اذا قام يكنس وهو معصب بسرعه بوسيه على الطاير وقولي له فديتك قلبك انا ياربي يخدمك المال والبنون
ما قصرت الله يسعدك يارب والله ما راح انسى لك مساعتدك لي يالغالي
وسوي نفسك خبلا
وشوفي النتيجة
وبعدين كل ما دخل قولي وجعلنا من بين ايديهم سدا ومن خلفهم سدا فاغشيناهم فهم لايبصرون

وحاولي تتعودين شوي على الحركة لانه بكرا بيجي لك طفل وش بتسوين ما راح تحكين راسك
واذا صار عندك غسيل حاولي تجيبين شغالة اهلك تساعدك لو يوم بالسبوع
والله يعيننا بس

ياعيوني استعيني بالله هي فتره وتعدي
أشرحي وضعك الحالي وقوليله انك تعبانه وطاقاتك محدوده وكل شي بيتعدل بس ارفق علي

واذا الجدوله تحوسك
خلي الشغل اولويات خصصي اسبوع للتنظيف العميق وانطلقي بعدها لعالم الترتيب وترك الفوظى وان ماقدرتي شاوري زوجك في خادمه مؤقته بالساعه تعينك وتساعدك
دعوتنا لك بالتوفيق:26:

انا كنت زيك يوووووووووووووووه على زوجي كنت احسه يدور المشاكل بهذه الحركات وانا زيك حملت على طول بعد زواجي بس جبتلي خدامه في الشهور الاخيره مره وحده بالاسبوع تنظيف عميق وخلاص بعد ماولدت صرت مرتبه نفسي واعرف شغلي وخلاص
صدقيني بس راح تولدي راح تفوقي وترتبي نفسك لاتخافي