بسم الله الرحمن الرحيم
تدرون شنو اكتشفت إن كل مواد التجميل لها مدة معينة والقهر إن هالشي مكتوب
على العلب بس ما انتبهت ،
لأنه على بالي إن مواد التجميل مثل المواد الطبية يكتبون تاريخ الإنتاج والصلاحية !
بس لاحظوا وهذا للشباب المتزوجين علشان يقولون حق زوجاتهم او خواتهم !
إن إنتهاء مواد التجميل يختلف عن إنتهاء المواد الطبية والدوائية ،
شلووون ؟ !!
المواد التجميلية تنتهي بمدة معينة من تاريخ فتح العلبة يعني مو من تاريخ الصنع
أما المواد الطبية والدوائية تنتهي بمدة معينة من تاريخ الصنع حتى لو كانت جديدة ،
القهر يا بنات إن البياعات لما تسإلينهم عن كريم أو منتج معين ما يكونون صريحين معاك ،
وما يقولون إن المنتجات لها تاريخ صلاحية معينة ،
طبعاً أنا صورت كم منتج من عندي ومن ماركات مختلفة حتى أوضح لكم ،،
هذا الكونسيلر من ماك ، نهايته ستة أشهر من تاريخ الفتح ، راح تلاحظون شكل علبة مفتوحة
وحاطين يعني 6 m ستة أشهر من تاريخ فتح العلبة ،
![](https://d2s63a22uzwg40.cloudfront.net/PE/2009/09/14/10/GetAttachmentaspxhm__qsfile3db2cec56cc1f-1.jpg)
وهذا الكونسيلر من فور إيفر ، ومدته 12 شهر ،
![](https://d2s63a22uzwg40.cloudfront.net/PE/2009/09/14/10/GetAttachmentaspxhm__qsfile3dbdb8d51ecee-1.jpg)
الماسكرا نهايتها 6 أشهر ، وهذه المعلومة كنت أدري عنها بدون ما أشوف العلبة وأتأكد ،
هذه ماسكرا سان لوران ،
![](https://d2s63a22uzwg40.cloudfront.net/PE/2009/09/14/10/GetAttachmentaspxhm__qsfile3d861d0b73801-1.jpg)
هذا كريم العين ، مدته بعد 6 شهور ،
![](https://d2s63a22uzwg40.cloudfront.net/PE/2009/09/14/10/GetAttachmentaspxhm__qsfile3de1cd8674796-1.jpg)
وساعات ما يكتبون على العلبة ، يكتبون على الكرتونة فانتبهوا بنات ! ،
![](https://d2s63a22uzwg40.cloudfront.net/PE/2009/09/14/10/GetAttachmentaspxhm__qsfile3dc0ee598d9b3-1.jpg)
حتى الشادووووو له نهاية تصوروا !! ،،
والغالب نهايته تكون من 12 إلى 24 شهر ،
هذا شادو نارس نهايته 24 شهر من تاريخ الفتح ،
![](https://d2s63a22uzwg40.cloudfront.net/PE/2009/09/14/10/GetAttachmentaspxhm__qsfile3db06c5e3895a-1.jpg)
وهذا شادو فور إيفر ونهايته 12 شهر من تاريخ الفتح ،
![](https://d2s63a22uzwg40.cloudfront.net/postexternals/notFoundFromSource.jpg)
حتى منظف العين له نهاية ! ، هذا منظف العين من كانيبو نهايته 6 شهور ! ،
![](https://d2s63a22uzwg40.cloudfront.net/PE/2009/09/14/10/GetAttachmentaspxhm__qsfile3dc18c607956b-1.jpg)
--~--~---------~--~----~------------~-------~--~----~
على التنبيه