بسم الله الرحمن الرحيم
والصلاة والسلام على رسول الله0
أخواتي العزيزات عضوات منتداي الغالي000
**شهر مبارك علينا جميعا بإذن الله**
**************
أخواتي:
صحيح إن المفروض الوحده منا الأفضل لها
إنها تخفي صدقتها اللي تتصدق فيها
بس لأنكن ماتعرفوني شخصيا
ولإني أحب لكن ما أحبه لنفسي
حبيت انقل لكن تجربتي مع الصدقه في رمضان
لعلي أكون وإياكن من اللي يقول الله سبحانه وتعالى فيهم
{والعصر إن الإنسان لفي خسر 00 إلا الذين آمنوا وعملو الصالحات
وتواصوا بالحق وتواصوا بالصبر}
عزيزاتي00
كلكن تعرفن فضل الصدقه عموما
فما بالكن بالصدقه في رمضان ؟!!!
اللي تتضاعف فيه الحسنات؟!!!
روي أن رسول الله صلى الله صلى الله عليه وسلم
كان أجود بالخير من الريح المرسله وكان أجود مايكون في رمضان00
*****************
واحنا معشر النساء أحوج من غيرنا للصدقه
كما قال صلى الله عليه وسلم للنساء
: تصدقن فإني رأيتكن أكثر أهل النار 00
أكيد كلنا نحب نتصدق
بس الشيطان دايما ينسينا فعل الخير
تلاقونا كل يوم نقول بكره 00 بعده 00بعده
(تسوييييف)
حتى شهر رمضان اللي تتضاعف فيه الحسنات
ما نسوي فيه شي إلا الصيام وبس 00
ففكرت في طريقه أتصدق فيها باللي أقدر عليه 00
وفي كل يوم من أيام الشهر المبارك
عشان مايفوتني أجر الصدقه في رمضان
وهداني الله سبحانه وتعالى لهذي لطريقه
وهذي الطريقه بديت فيها من رمضان اللي فات وهي :
اخلي زوجي يشتري تنكة تمر 000
ويصرف لي 150ريال خمسات
فيه تمر غالي وفيه تمر رخيص
وفيه تمر وسط
أنا أخذت التنكه ب 90 ريال
واعبي التمر في 30 كيس واحطهم بكرتون
وكل ما بغا زوجي يخرج للشغل أعطيه كيس تمر وخمسه ريال
وأي سائل يشوفه بطريقه يعطيه كيس التمر والخمس ريالات
صحيح ماهو شي كبير بس اللي أقدر عليه00
المهم ما يفوتني أجر الصدقه 00
واللي تقدر تسوي أكثر من كذا لاتبخل
على نفسها بالأجر العظيم من عند الله سبحانه وتعالى
يالله يا بنات الحقوا تصدقوا وتراكم لساعكم باول الشهر يعني لاحقين
وفقني الله وإياكم لما يحبه ويرضاه آآآمييين
والسلام عليكم ورحمة الله وبركاته
يلزم عليك تسجيل الدخول أولًا لكتابة تعليق.
انا اطلب من البقالة كرتون ماي واخليه يوصله للمسجد حق الحاره الصدقة بجد شي حل عظيم ومايكلف
انا اطلب من البقالة كرتون ماي واخليه يوصله للمسجد حق الحاره الصدقة بجد شي حل عظيم ومايكلفانا اطلب من البقالة كرتون ماي واخليه يوصله للمسجد حق الحاره الصدقة بجد شي حل عظيم ومايكلف
بارك الله فيك
الصفحة الأخيرة
والله اني دائمآ حيرانه كيف اتصدق؟ ووين؟
وعلى قولتك كل يوم بكرا
الله يعينا واياكم على فعل الخير