المرأة هى النبع الذى ينهل منه الرجل دوما .. هى الرحم .. هى الحضن الذى يحتويه صغيرا..هى الحبيبة .. هى الزوجة وهى السكن .. لماذا اصبحت اكثر حدة .. او لماذا صار الرجل و المرأة يتصيدون لبعضهم الاخطاء .. لماذا الحرب؟ والفائز ماذا سيجنى بفوزه ؟
طيب تعالوا هوريكوا حاجة .. واحكموا انتو براحتكو
زلابيا .. زوجة تحاول ان تفتح باب للحوار مع زوجها .. فدار بينهما التالى :
زلابيا فى صوت ارق من تغريد البلابل : برهوته
برهوتاااااااااااااا برهوتتى
برهوته ولا كانه هنا قاعد بيقرا فى الجرنال بقاله تلات ايام فى نفس الصفحة
زلابيا امرأة صاحبة عزم وارادة حديدية
تذهب فى خطوات رشيقة خلف الكرسى الذى يجلس عليه برهوته وتضع يديها على عينيه (بتلاعبه يعنى ) : انا ميييين برهوته ينتفض كمن لدغه ثعبان .. واخيرا يتكلم : ايه يا وليه يا مهروشه ده .. خضتينى .. وبعدين انتى مش شايفه انى قاعد بقرأ الجرنال
زلابيا تضحك فى غل وتصمت قليلا ثم تقول وهى بتجز على سنانها وهتكسرها من الغيظ : .. بهزر معاك يا حياتى ايه مالك قافش كده
برهوته: طب خلاص اعمليلى شاى بئه عقبال ما اخلص الجرنال
زلابيا : هعمل كوبايتين ونقعد نتسلى سوا .. دنا وحشنى كلامك اوى
برهوته : ايه ده احناهنعملها مصطبه والا ايه.. والا فاكرة نفسك عشان مراتى خلاص بقى هتصاحبينى
زلابيا تبدأ تثور : الله وفيها ايه لما نبقى اصحاب يعنى
برهوته : وهو انا خلاص مش كفايه عليا متجوزك .. كمان هصاحبك
زلابيا يصبح وجهها فى حمار البطيخ الشيليان : وهو انت تطول تصاحبنى اصلا الله يرحم ايام ما كنت هتموت بس عشان ارد عليك والا ابصلك
برهوته : كنت حمار
بعترف انى كنت حمار .. ما كنت اخلينى فى حالى بدل اللى انا فيه ده زلابيا صوتها جايب الطريق الدائرى : ماله اللى انت فيه.. بيتك زى الفل .. اكلك لبسك شربك .. طلباتك كلها اوامر وماشيه على رقبة اللى خلفونى
برهوته صوته مسمع حلف الاطلنطى : اكل ايه وشرب ايه يا هانم .. هو انابغل وبتعلفيه .. فين اهتمامك بيه
زلابيا بترقع بالصوت الحيانى : يادهوتىىىىىىىىىى .. بعد دا كله بيقول مش مهتمه بيه .. عاوز يجبلى سكته قلبية ..
برهوته : *************** كلمات يعاقب عليها القانون .. وربما تصل عقوبتها الى حد الاعدام رميا بالبلغ )
زلابيا : لااااااااااااااااااااااااااااااااااااااااااا انا خلاص معدتش قادرة .. انا فى بيت بابا اما تعرف قيمتى ابقى تعالالى هناك
برهوته والعفاريت الزرق بتلعب باسكت بول قصاد وشه : فى ستين الف سلامة الباب يفوت جنينة حيوانات
والا اقولك
انا اللى ماشى .. طراااااااااااااااااخ
يخرج ويرزع الباب وراه .. وزلابيا تنهار باكية على اقرب كرسى
اد ايه رومانسى
قولولى رايكم
تحياتى وتقديرى
وياريت كل وحده تخلي جوزها يقرا الموضوع ده معاها