ياااااارب اجد عندكم الحل

بنات هذا الموضوع مرعبني كثير وماني عارفه كيف اتصرف
وبحكم اللي هنا متزوجات فقلت ممكن يارب توجهوني
انا عمري فوق 35 ماتزوجت من وصل عمري ل35 بطلت احسب عمري خلاص
والله العظيم ماني عارفه عمري بالضبط ومايجي سيره العمر الا يصيبني رعب
صارت لي مشكله وانا صغيره تقريبا بعمر 7 سنوات تحرش ومتأكده اني خلاص ماانا بنت
لاتسألوني الله يخليكم كيف بس اهمال الام والاب وكنت شارده بالشوارع وطفله مااعرف الحرام والصح والغلط
واي طفله بمكاني وعاشت بظرفي بيصير لها اللي صار لي اصلا احمد ربي والله انه ماصار لي اكبر من كذا
بتذكر وقتها انه طلع دم وارعبت وظليت ابكي ونسيت الموضوع خلاص لين وصل عمري ل18 تقريبا
وحبيت افحص نفسي بطريقه اكيد عارفينها قرأتها بكتاب قبل النت ماابغى اذكرها عشان الموضوع مايصير مخالف وتأكدت خلاص
المهم اني ماتزوجت الى الان لان في مرض روحي بعاني منه من يوم اني صغيره اصلا المرض منتشر بالعائله كلها
وتركت الرقيه لانها اتعبتني وماقدرت اتحملها ولما اسمع القران بتجيني ضيقه شديده وماارتاح الا اذا تركته
انخطبت كثير والى الان وحلمت اني وكأني مخطوبه وقت الخطبه لابسه بنطلون وكأني انظر لرجليني ورجليني متفرقه
وانا بالاصل ابدا ماالبس البنطلونات دائما لبسي فساتين طويله ونهايه الخطبه كأني رفضت واخوي الكبير غاضب مني
سمعت وحده حلمت نفس حلمي انها توها متزوجه دخلت على زوجها وهي لابسه بنطلون وفجأه تحول الى تنوره
وفسرها لها المفسر ان البنطلون فرقه والتنوره تحسن الامور والقرب بينك وبين زوجك
انخطبت كثير يمكن فوق الست مرات بس مايتم انا اللي ارفض غير نظرات الشفقه والشماته حتى من اقرب الناس لي
شاغلني هذا الموضوع من يوم اني صغير واذكر قبل سنوات راسلت الدكتور المصريه هبه قطب
وردت علي برد مااذكره بس ماحلت المشكله ابدا ولا حتى وجهتني
كنت ابكتبه على موقع اسلام ويب ممكن القى من يوجهني بس الموقع محجوب وابغى توجيه منكم انتم يالمتزوجات
بحس اكثر شىء ممكن انكم بتفيدوني
السبب اللي خلاني اكتب هذا الموضوع انخطبت قبل فتره ورفضت لااسباب ومن بينهن هذا السبب وصمم الخاطب
وظل بتردد وصارت بيني مع اخواني مشاكل لانهم كانوا بعقدون وانا ماني موافقه
واستغربت من اصراره واضح يبغى بكر غير متزوجه
لان له قريبات مطلقات واصغر مني وقمممه بالجمال وموظفات ليه رافضهن ويبغاني وانا اقل من عاديه
وراح خطب قريبتي اكبر مني بكثير ماسبق لها الزواج
بنات بحكم انكم متزوجات تنصحوني اروح لدكتوره للكشف ام لا
المشكله ذابحني الخجل الخجل احس اني مااقدر مااقدر ومااتجرأ قبل كم سنه رحت لدكتوره نساء لفحص فيتامين د
حولني عليها المختبر لان دكتور الباطنيه مو موجود وكنت راح اسألها عن الموضوع بس ماتجرأت ابدااااا حتى عن السؤال
واذا قالت لي غير بكر وبعدين مالحل ؟؟؟؟
لاتقولون لي خبر امك اصلا علاقتي فيها سيئه مااراح تهتم بالموضوع ابداا وماتخبي شىء عن اختي يعني راح تفشي سري
وماراح تفيدني
لاتقولون لي انتي مكبره الموضوع لو حصل وتزوجت بإذن الله وسألني وش راح اقوله الحقيقه مستحيل
تعبت بهالدنيا من المشاكل والمرض والهم اذا تزوجت يارب ابغى حياتي بدون مشاكل وشك
بنات الله يخليكم وجهوني والله العظيم صليت صلاة الاستخاره قبل لااطرح هذا الموضوع ودعيت اني القى حل عندكم
ماابغى سب وشتم بالموضوع اللي عندها رد تفيدني واللي ماعندها تدعي لي بالستر ولها بالمثل يارب اقسم بالله اني دعيت
لبنات كثير بالمنتدى وانا مااعرفهن ولا عمري رديت عليهن