ياااااربي رحماك حبي او امومتي؟!!!!!!/استوفي الردود

السلام عليكم
أخواتي الغاليات باستشيركم في موضوعي تزوجت من حوالي 7 سنوات بعد 6 اشهر فقط عرفت ان زوجي عقييييييييم زوجي انسان يخاف الله عزوجل حبيته حب جنوني ولاازال عوضني اشياء كثيرة كانت ناقصتني وع انه كان راتبه ضعيف جدا عمره ماقال عطيني من راتبك او طلبته شي وقال عطيني اشتري لك محافظ ع الصلوات ولله الحمدوالمنه ترك التدخين مباشرة بعد زواجي منه لان هذا كان شرط لقبولي به يحبني ولايزال بجنون انسان بار بامه وواصل لاهله ع الرغم من قلة ذات يده بعد اكتشافنالعقمه وداني لاهلي وقال لامي الموضوع كيت وكيت وخلوها تفكر تكمل معاي او اسرحها ومن حقها الذرية
امي وابوي واهلي كلللللهم يحبونه بلااستثناء امي ماتركت لي فرصة للتفكير وطلبت مني الرجوع في نفس اليوم طبعا رجعت
اجريت بعد كذا 7 محاولات حقن مجهري داخل وخارج المملكة في الحكومة والخاص كلفتها الكثير سواء مني او منه أخذ قروض للعلاج وانا اي جمعية تطلع كلللها نحطها بالعلاج
الله يجزاه خير كان يسبغ علي الهدايا ع فقره وضعف راتبه في العيد يعايدني احيانا بطقم ذهب لمن جانا الراتبين اشترى لي ساعة ماركة جيفنتشي وغيره وغيره
المهم في احد مواعيدنا في المستشفى دخلنا ع الدكتوروقال لي بصريح العبارة تبين عيال الحل الوحيد تنفصلين عن زوجك ....... يارب شلون انفصل عن روحي... كيف أنام بدونه وانا تعودت اني ماانام الافي حضنه ......رحمااااك يااارب
المهم انا لم أتزوج صغيرة وعمري الان في الاربعين وتزوجت وعمري 34 خرجت قبل 5 ايام من سابع عملية فاشلة وانا اجر أذيال الهم والغم والحزن ماصارتلقيح للبيويضات التي سحبت مني بسبب عينة زوجي السيئه ارى بنات العائلة اللي اكبر مني واللي اصغرمني عندهم عيال وهذي تحمل وتلك تولد وانا مثل الشجرة الواقفة اللي ماتثمر تعبببببببنتتت تعطل مخي عن التفكير ماني عارفة شاسوي لاتقولون لي احتضني يتيم حاولت ورحت قالوالي الاحتضان موقف حاليا من قبل الوزارة شاسوي شوروا علي اتطلق وأخسر حبي وقلبي وروحي والمميزات اللي أعطاني إياها زوجي من الحب والمعزة والإكرام ام اصبر وادوس ع عاطفة الأمومة اللي من حقي
مع العلم لو اتطلق مااظن أتزوج غيره لان مافيه غيره راح يملى عيني
جزاااااااكم الله خير واللي ماعندها نصيحة بس ترفع لي الموضوع وتدعي لي ان يوفقني الله لاحد الأمرين