أخواتي الكريمات -
السلام عليكم ورحمة الله وبركاته -
ابعرض لكم برنامجي بالنفاس ان شاء الله - لان بعد اسبوعين بدخل التاسع (( الله يهون علي الجميع )) -
في العشرين الاولى - ان شاء الله
أ = (( كوب حلبه + نص كوب سويدا + فنجان شمر _الحبه الحلوه -+ ملعقه كبيره قرنفل )) >>> هذي مع الحليب الصبح والمساء
س 1 / خاطري اخلط معها ماش وش رايكم ؟؟
س 2 / ماأبي الهمه ثم أشرب الحليب ابحط منها في الترمس حق الحليب عادي والا لازم لهوم ؟؟
ب = م ك عنزروت + م ص مره + شوي محلب في كوب ماء
>>> المنقوعه هذي ابشرب منها مقدار فنجال تقريبا يوميا او كاسه
ج = ملعقه من الكمون والنونخه اضع عليهم قشر قهوه مغلي
>> هذي تكون قهوتي
د = تمره معبوطه بسمن مع سويدا وشمر
ه = شاي الاعشاب >> ماقررت وش تكون الاعشاب
س 3/ هل يوجد شاي اعشاب مخلط جاهز اشتريه من سوبرماركت او عطار ؟؟
العشرين الاخيره - ان شاء الله
أ / ((كوب سويدا + م ك قرنفل + م ك دارسين + م ك فلفل اسود + م ص محلب + فنجال كمون + م ك نونخه + فنجال صغير حبه حلوه - الشمر )) >>> هذي بستخدمها بدال الحلبه بس ماااراح احطها مع الحليب احس طعمها :31: >> ابي الهم منها والحليب احط معه زنجبيل
ب / منقوعة العنزروت والمره والمحلب ابضيف لها شوي صبره
ج / الخمس فناجيل
الله يسعدكم ياأخواتي وش رايكم كذا حلو والا لا - لان ماااا أبي كثرة ادويه - أبي شي قليل ويأدي الغرض -
اللهم صل وسلم على نبينا محمد -
يلزم عليك تسجيل الدخول أولًا لكتابة تعليق.
أول شي الله يوفقك ويسهل ولادتك أنا ترى مو ذيك الخبره بس من الي تعلمني أمي الله يحفظها بقول لك الي أعرفه أهم شي سفوف الايام الاولى والاخيره وترى تاكلينه سفوف أحسن من تخلطينه مع الحليب لانه لو أخذتيه سفوف وشربتي وراه مويه دافيه سبحان الله ينظف الرحم لكن لو خلطتيه مع الحليب يصير كأنه تغذيه بس للجسم فهمتي قلبي يعني فايدته انك تسفينه والكلام ذا قالته لي عجوز كبيره رحت أتعالج عندها للحمل طيب وثاني شي المره والغطرفان والعنزروت لاتفارقك المره والعنزروت سويها منقوع والغطرفان (اسمه كذا تاخذينه من العطار قوليله وهو يعرف وبكل مكان ترى موجود ) هذا الله يسلمك عن الشمم له طريقه ما أعرفها أسأل أمي وأرد لك إن شاء الله هذا تحطينه عندك وإذا جاتك وحده كابه العطور كب بعض الحريم الله يهديها ماتفهم تحطين منه مسحه تحت خشمك باصبعك طيب وخليه عليك لين تروح الي معها العطر علشان ماتمرضين وتتعبين و وووش بعد إيوه قهوتك حلوه بس أنصحك بقهوة الدوره والنفاس تنظفك تنظييييييف مب صاحي أكتبي بالنت وتطلع وإذا مالقيتيها قولي لي أكتبها لك والفلفل الاسود داييييييما أي أكل تاكلينه حطي عليه فلفل وووووش بعد قفل مخي إذا تذكرت شي أرجع إن شاء الله دعواتك لي بالذريه الصالحه والوظيييييفه مليت وأنا أنتظرها .ل
الصفحة الأخيرة
سبحان الله العظيم