لاحول ولاقوة الا بالله
انت وش قاعدة تقولين الله يهديك .. انا ادري انك ماتقصدينه بالمعنى بس ذا تعبير ..
بس ولو كان مات تقولين هالكلام القوي لأنه به اعتراض على حكم الله اللي رزقك بالضنى ..
لا تعيدينها .. تبغين تفقدين عيالك لا سمح الله مرة وحده ومن ثم بعدها ماتنجبين وذاك الساع تقولين وين عيالي ..؟؟؟؟؟
انتبهي الله يهديك ..
غيرك يتمنى النعمة اللي انتي فيها :)
وهذا خوف طبيعي .. انا حتى اذا اخذوا عيالي تطعيماتهم كل شوي وانا حولهم لا يسخنون ولا يقولون ماما وجعان ..
والحمدلله على كل حال وانتي بس عليك بالواجب تجاههم وتحصينهم الله يحفظك والباقي في وداعة الله سبحانه :)
بالتوفيق لك والله يشفيلك اياهم

كلمة قوووية لا تعدينها اشكر ربك ع النعمة الله يخلهم لك يارب وتشوفينهم عرسان
شوفيني انا اتعالجت 14 سنة يوم حملت صارت ولادة مبكرة في شهر السادس واتوفو اجنتي الحمدلله اشكر ربك انتي في نعمة ربي يحفظهم لك يااااااااااااااااااااااااااارب وهذا الشيطان ممكن يوسوس لك ويخوفك

بسم الله عليك

ياختي هذا الكلام يقوله اللي ايمانه ضعيف احتسبيه عند الله ولاتكدرين صفو حياتك

كلنا نخاف على عيالنا ونسهر ونتعب هذا شيء طبيعي لكن ماتوصل اني اتمنى انحرم منهم هذي نعمه من الله ولازم نحافظ علها

ونصبر ونحمده على كل حال
اذا تشنج ولدك امسكي اعصابك واذكري الله وتذكري انه فوقك رب ارحم به منك حاولي تتعودين عالوضع
ترى فيه ناس عندهم اطفال معاقين الله يحفظ عيالنا من كل مكروه يعني حالهم اسوا لكن مع هذا تلاقيهم صابرين محتسين
عيشي حياتك وكثري استغفار والدعاء لهم

حراااااااااااااااااااام عيك هالكلمه الله يهديك استغفري ربك واشكريه على نعمه غيرك يحفر الصخر يدورها والحنان والحب والخوف عادي والله اني ماابي الهواء يمر على عيالي وعيال اختي وامي وابوي واستودعيهم كل صباح ومساء واقري عليهم وماعليكم شر وكلشئ مقدر ومكتوب

يا اختي احمدي ربك واشكريه انو مافيهم هذاك الشي الكل يتعب ويمرض كل هالاشياء موجوده وعند كل الناس واكيد كل ام تخاف على عيالها بس مو لها الدرجه حرام هذا اعتراض ممكن مايكون قصدك بس فيه ناس ماراح تستوعب انو مو قصدك اعتراض هذا اختبار لك ولصبرك من رب العالمين وترى الوحده اذا خافت خوف بزياده ممكن ربي يبتليها باكبر من كذا امي الله يمسيها بالخير جابت 4 فيهم امراض بنت عندها استسقاء مشلوله لاتحرك ساكنا بكماء عمياء بس تسمع وجلست 14 سنه وعمري ماشفت امي ساخطه كتب الله اجرها حتى لمى توفت حسيت بالم قلبها ودمعت بس ماناحت ولا صاحت ليتني اخذت منها شوي وحده من خواتي منغوليه واللحين عمرها 20 تقريبا وتداريها مداراه وبعد كذا جابت بنت برضه كان فيه مويه براسها وسوت عمليات ودنيا واللحين الحمد لله طيبه وبعد كذا جابت ولد وكان زي الامل بالنسبه لنا لان ماعدنا الا اخ واحد وسبحان الله كان الدماغ رخو وماطلعوه من المستشفى ومات بعد 3 شهور على ما اظن وطبعا ياكثر الامراض بها الزمن احمدي ربك انا لمى يمرض ولدي كنت كذا بس لمى افكر بامي وبالامراض اللي مامنها مفر ياعمليه او موت او يجلس بالمستشفى احمد ربي واقول حالي افضل من كثير واللحين الحمد لله صرت اقسى على قلبي شوي معليش عطيتك قصة حياتي والله يبعد عن عيالك الشر بس حطي نفسك مكان وحده من المبتليات وقولي وقتها ايش اهون زكام وسخونه ولا الله لايقدر عليهم شر وترى الشيطان يستغل ضعفنا ويوسوس لنا ولا كل شي قد انكتب علينا من قبل لانخلق