ياااااويلي يالفشيله ....وين اودي وجهي من.......

سلام عليكم ورحمة الله وبركاته

بنات بدخل بالموضوع على طول البارحه طول اليل مانمت احس انه قلبي منتفخ بقالكم السالفه وقولولي شي يهديني ويخفف عني وياربي رحمتك
بنتي الله يخليها عمرها سنه ويوم كان عمرها 6اشهر شريت لها ملابس بالهبل تعرفون اول مولود وبنت وملابس البنات مغريه مااقومهم كبرت بنتي وصارو الملابس صغيره عليها واكثرها للحين مالابستها قلت اعطيهم حق احد محتاج نكسب اجر من وراهم وتذكرت انه خالي عنده بنت عمرها 6اشهر وحالته الماديه شوي ضعيفها قلت خلني اعطهم ايها وزوجة خالي تصير خالة زوجي وووقلت حق زوجي ومارفض قالي عطيهم ومن كم يوم رحت بيت خالتي وشفت خالي وخالاتي وقلت له متى بتسافر عشان اعطيك ملابس للبنوته قالي بعد بكره قلت يوه اجل نسيت اجيبهم معي قالتلي خالتي بكرى انا وزوجي نمرك وناخذهم قلت لها مافي مشكله وكنا انا وزوجي متزاعلين على سبب تافه كل عاده وثاني يوم مرت خالتي وعطيته شنطة الملابس وراحت وبعد نص ساعه جاني زوجي سالني وين شنطة الملابس قلت لها عطيتها حق خالتي قالي شنو؟؟؟؟ ومن قالك تعطين وليش ماستاذنتي مني قلت له انا قايلتلك من زمان قالي وليش لما اجت خالتك ماقلتيلي انا مابي ابره تطلع من بيتي بدون علمي الحين تدقين عليها وتقوليلها ترجع الشنطه قلت له لا يبن الحلال شنو ترجع الشنطه فشله وقعد يصارخ ويقولي دقي عليها ترجعها وانا اقول تكفى فشله لاتصغر نفسك قدامها عشان شي مايسوه وبعد اصرار دقيت :44:وانا يارض انشقي وابلعيني من الخجل والاحراج وقلت حق خالتي خاله تقدرين ترجعين الشنطه قالتي ايه اقدر ليش قلت لها زوجي موراضي وهو بكل قوات عين واقف ويتسمع قالت ابشري الحين نرجعها وبعد ماسكرت التلفون انفجرت من البكي ولصياح وماخليت كلمه وماقلتها له طلعت كل الي بخاطري وبعد ربع ساعه دق الجرس فتحت الباب ومالقيت اله الشنطه وارجع اصيح مره ثانيه وتهاوشنا انا ويه هوشه كبيره قلت له انت ماتستحي ماتقدر الناس ماتعرف الاصول ملتعرف العيب
والله يابنات انا الحين منحرج حيل من خوالي مادري شقول شلون ابرر المموقف مالي وجه اشوفهم وله ارفع السماعه واكلمهم امانه قولولي شي يريحني