ياااارب ،، فرجاً من عِندك قريب ،،

السلام عليكم ورحمة الله وبركاته
" حسبي الله ونعم الوكيل "
يا رب برحمتك استغيث فاصلح لي شأني ولا تكلني إلى نفسي طرفة عين
باختصار ،، صار لي ثلاث شهور وداخله بالرابع زعلااانه عند اهلي
وانا ذكرت سبب زعلي بموضوع مستقل ممكن تشوفونه في ملفي الشخصي
المهم ،، الأمور من ذاك الوقت الى اليوم في تطور مستمر احداث متتاليه
يوم تطورات ايجابيه واغلب الايام سلبييييه " الحمد لله على كل حال "
اللي متاكدة منه حب زوجي لي بس فيه امور يسويها ناتجه عن عصبيته وعن شي خارج عن ارادته
جا كم مره وتعذر ولا فاد لان ابوي راااافضه وهو بعد ما قصر يتطاول بالكلام وبالافعال
يحرمني من ولدي بالايام ارسل لي طقم ذهب رضاوة
وبعدها بكم يوم جاني لباب االدوام وسوى لي فضيحه يبيني ارجع معه لشقتنا
امور كثيره كثيره
رغم ذلك ابي ارجع له !
اهلي وفرو لي غرفه في البيت واحتياجاتي القاها وراتبي معي ولي مطلق الحريه بالتصرف فيه

يعني حياتي في بيت اهلي حياة كريمة
بس ابي ارجع لزوجي وولدي
لما افاتح اهلي بهالموضوع يقولون كيفك ارجعي وتحملي والله ما ينصلح وابوي يعصب
باختصار اهلي يبون الطلاااااق وانا ابي الرجعه بس الامور تعقدت مرررره مررره
حوائيات ،، ابي دعواتكم لي بان ربي يلهمني الصواب واسوي الصح
اللي ابيه بعد تجاااارب من حياتكم لكم او لناس تعرفونهم
يعني حريم زعلن وتعقدت امورهن ووصلت لطرق مسدوده واهلم راااااافضين ازواجهم ورغم ذلك رجعن ومشت الحياة ونسو الماضي
ابي اتفائل ابي شي يعطيني أمل بعد الله سبحانه وتعالى



حفظكن الله ،،،