السلام عليكم..
أخواتي في الله أحتااج دعائكم لي ..لأني في كربه لايعلم بها غير ربي.. تعرضت للسب والتحقير والظلم من عمتي..
الله يسامحها وينصرني..ويفرج همي...كل هذا لأني أردت الأرتباط بشاب متوسط الحال.. حتى أمي تغيرت علي..
كل هذا لأنه ياي يخطبني من الباب.....بدييت أشك ان أهلي يريدون يبيعوني لأي شاب غني مب يعطوني للريال اللي يستاهل...
والغريب انه اختي الأصغر مايقولون لها شي بالعكس امي مخليتها ع كييفها تخليها تبات عند صديقاتها عادي وتسافر بروحها مع صديقتها عااادي... مع انه غلط وحرام ومب من الأصول..كل هذا وابوي واخواني الشباب مايدرون امي تخبي على اختي.. ويوم أقول لها غلط حراام الله مايرضى وانتي انسانه تصلين ومنقبه وتخافين الله..
تقولي اختج حزيينه ونفسيتها تعبانه..أقول لها ما انتي عودتيها تاخذ اللي تبااه.. والله يابنات أحس ان امي وايد تفرق بيني وبين اختي الصغيره..لأن اذا اختي تسوي شي غلط امي تسكت وتخبي عليها أهم شي حبيبة قلبها واتظايج
وأنا لأني أريد ارتبط بشخص بالحلااااال..بالحلااااااااال..مارضت لأنه مب غني ومانعرفهم زين.. واخر شي تقول لي مب لازم تتزوجين الزوااج بلوه وهم.... يعني تخالف فطرة الله...اوكي الحين أسير بالحراام مثلا..
أفف استغفر الله..والله يابنات أنا من سنين أريد أفتك من هالعايله اللي أحبها بس فيها خلل بصراحه.. والحين جاني الرجل المناسب جدا جدا.. يصلي ملتزم أهله ناس طيبين وذوق..متعلم ..
مادري شقول لكم بس أنا الوحيده من اخواني اللي من صغري أصلي مادري ليش..كلهم ماكانو يصلون.. الحين يوم كبرو قامو يصلون ..بس أنا من طفولتي ارتاح للصلاه.. وللحين مهما تغريني الدنيا واريد اغضب ربي أخااف وااايد واايد
ولى لو ماكنت أخااف كنت لعبت منزماان.. والحين أبا انستر ويا هالانسان لأني ماعندي عقده من الزواج
بالعكس من صغري وانا أحلم أكون أسره..صح ان الزوااج مسؤوليه كبيره..بس أنا قد هالمسؤوليه.. واايد وااايد أحب أكون اسره.. ودايما افكاري تعجب الجميع سواء فالتربيه أو الأهتمام بالزوج.. عندي معلوماات كثيره ..في متزوجات ياخذون بنصايحي ويستانسون علي حتى..
بنات أمي رافضه هالشخص وأنا أريده...وعمتي بدل ماتكون لي عون صارت فرعووون.. أنواع السب والأهانات لي
بسم الله كأني ماكله حلالها..
ادعولي ان الله يفرج همي..حتى لو هالشخص مب لي .. ما أقول غير حسبي الله ونعم الوكيل...
أحس بضيااااااااااااع وهمممم وألم يعتصر جسمي... أريده أنا بس اذا حرموني منه ماعرف شسوي..
بيدمرون حلمي الجميييل... صعب تلاقين أنسان راقي وماله حلال ويصلي فروضه فالمسجد وبنفس الوقت مش متشدد ..انسان وسطي... ياارب ياارب تتيسر اموري قولو اميين..كل الأبواب مقفله جدامي.. بس الله فوق عالم بحالي..ادعوووه يعطيني لأن دعوة الاخ بظهر الغيب مستجاابه...
أنا ما أقول غير..وأفوض أمري لله والله خبير بالعباد... أوكلته امري..لأن لاحول لي ولا قوة الا به

gogitta @gogitta
محررة برونزية
يلزم عليك تسجيل الدخول أولًا لكتابة تعليق.


gogitta
•
ام كوشه...يارووحي كلااامج أثلج صدري...ان شاء الله يكون احتبار وانجح فيه... عسى الله يوفقج ويرزقج من خير الدنيا ووالاخره

gogitta
•
طيبه على نياتها.... مشكووره ياروحي..ان شاء الله ملازمه الاستغفار... الله كرييم بس.. يارب يعطيج من خير الدنيا والاخره

reme
•
اختي اهم شيء استخيري وصدقيني اذا لج نصيب فية بتااااااااااااااااخذينه حتي لو كلهم رفضوا لا تحاتين اذا نصيبج بتاخذينة لو شو ما صار
وثاني شيء قريت تجربة لوحدة فحبيت انقلها لج علشان تستفيدين منها تفضلي:
بنات أنا جربت الاستغفار في أشياء وااااااااااايدة
بخبركم عن أهم شي و هو عن زواجي
خلصت الكلية واتوظفت و بعدين خلاص حسيت اني أبي أعرس عشان أستقر وأييب عيال
واضبت ع قيام الليل لمدة أسبوع كاااامل( من السبت لين الخميس )
صليت ركعتين قيام الليل و بعدين كنت أدعي دعاء ( سيد الاستغفار ) أكثر عن 500 مرة و عقب الاستغفار صليت ركعتين و دعيت بكل خشوع و تذليل لله عزوجل لمدة أسبوع كامل وكنت ع يقين بأن الله سيستجيب لي دعائي نهاية الأسبوع ...
والله والله يا بنات نهاية الأسبوع يوم الخميس (3) اتقدمولي ، و طبعا صليت الاستخارة و عرست على ريلي
نصيحة نصيحة يا بنات جربو طريقتي قيام الليل مع دعاء سيد الاستغفار ... والله والله شي عجييييب .. ع فكرة أختي الي أصغر مني سوت الي قلتلها و ألحين الله يحفظها و ماشاءالله عليها عرست و حامل في الشهر الأول أدعولها
يا سبحان الله يا سبحان الله يا سبحان الله الأستغفار كنز من كنوز الدنيا العجيبة ..
أحبكم في الله يا خواتي
منقول
سيد الاستغفار أن تقول
{ اللهم أنت ربي لا إله إلا أنت خلقتني وأنا عبدك وأنا على عهدك ووعدك ما استطعت أعوذ بك من شر ما صنعت أبوء لك بنعمتك علي وأبوء لك بذنبي فاغفر لي فإنه لا يغفر الذنوب إلا أنت}
عاد اختي ما اوصيج ادعيلي معاج بالزوج الصالح الي يعزني ويسعدني :(
شوفي اقري موضوعي الي في توقيعي بتنبهرين من تجارب البنات مع الاستغفار
والله ييسرلج امورج يارب ونفرح فيج قريب
وثاني شيء قريت تجربة لوحدة فحبيت انقلها لج علشان تستفيدين منها تفضلي:
بنات أنا جربت الاستغفار في أشياء وااااااااااايدة
بخبركم عن أهم شي و هو عن زواجي
خلصت الكلية واتوظفت و بعدين خلاص حسيت اني أبي أعرس عشان أستقر وأييب عيال
واضبت ع قيام الليل لمدة أسبوع كاااامل( من السبت لين الخميس )
صليت ركعتين قيام الليل و بعدين كنت أدعي دعاء ( سيد الاستغفار ) أكثر عن 500 مرة و عقب الاستغفار صليت ركعتين و دعيت بكل خشوع و تذليل لله عزوجل لمدة أسبوع كامل وكنت ع يقين بأن الله سيستجيب لي دعائي نهاية الأسبوع ...
والله والله يا بنات نهاية الأسبوع يوم الخميس (3) اتقدمولي ، و طبعا صليت الاستخارة و عرست على ريلي
نصيحة نصيحة يا بنات جربو طريقتي قيام الليل مع دعاء سيد الاستغفار ... والله والله شي عجييييب .. ع فكرة أختي الي أصغر مني سوت الي قلتلها و ألحين الله يحفظها و ماشاءالله عليها عرست و حامل في الشهر الأول أدعولها
يا سبحان الله يا سبحان الله يا سبحان الله الأستغفار كنز من كنوز الدنيا العجيبة ..
أحبكم في الله يا خواتي
منقول
سيد الاستغفار أن تقول
{ اللهم أنت ربي لا إله إلا أنت خلقتني وأنا عبدك وأنا على عهدك ووعدك ما استطعت أعوذ بك من شر ما صنعت أبوء لك بنعمتك علي وأبوء لك بذنبي فاغفر لي فإنه لا يغفر الذنوب إلا أنت}
عاد اختي ما اوصيج ادعيلي معاج بالزوج الصالح الي يعزني ويسعدني :(
شوفي اقري موضوعي الي في توقيعي بتنبهرين من تجارب البنات مع الاستغفار
والله ييسرلج امورج يارب ونفرح فيج قريب
الصفحة الأخيرة
ادعي الله والزمي الاستغفار وقومي الليل يحقق لك الله ما تطلبين
واعلمي ان هذا الامر ابتلاء لك والله يوفقك ويسخر لك قلب امك