ياااارب ينهد لان حيلي انهد من ال قهر والبكي..فضفضه

السلام عليكم ورحمة الله وبركاته

اتمنى الاقي زوجي يوافقني رائيي..بقول قصتي..

تزوجت وحملت بابني البكر..وقاللي زوجي *****الله تولدين في مستشفى عبد العزيز التخصصي بالطائف..لان احنا من اهل الطايف...
يابنات ذا المستشفى........

مقرف ولادات كانها مجزره ...خياطات ملوثه وملتهبه...مايعترفون بالبنج ابدا الا للبكر...يعني دمااااار

طبعا ربي وقف معايا وطننننشت قلت لما ادخل التاسع بتناقش معاه واولد في خاص لان مافي حكومي غيره الله يهده:mad:

للاسف ولدت قبل التاسع ورحت ذاك المستشفى بدون وعيي مع الخوف من الولاده لاني كنت بكريه..

ولدت ولاده لاباس بها..كل الممرضات تفرجوا عليا...خياطه ما وسعتني وبس لها زوائد لحميه تقرف..نظافه يعني مشي حالها......

انا من هبالتي ما قلت لزوجي ولاشي ولا حتى عالخياطه ما ابغى افتح عينه على شي يكرهه وهوه ما حس بشي..

وبنت خالتي ولدت فيه بعدي ولاده زي الزفت رغم انها كانت بكر وخايطتها كانت مشقققققهه وملتهبه سوت بعدها عمليتين تجميل وتعذبت عذاب..والحين قبل اسبوع رخت زرت مرة اخوي تقول والله طلعت بنتي ولا سولي توسعه وهيه شقت براسها شقين وخيطوني زي الزفت ولها 3اسابيع وتئلمها...واختي تولد فيه عصبا عنها زوجها بالقوه وتككككره ذا المستشفى...



والحين الصاعقه .......انيحامل وزوجي يقول ما تولدين الا فيه..انا بس اببببكي وماعايا حاله اكتئاب احاول اقنعه مو راضي:44: يقول انتي جربتي فيه وماصار لك شي وقلت له عالخياطه قال انتي بس تدورين سبب وانا منهاااره..يقول لاتصدقين الحريم هما يهولون..يقول انا ماهمني فلوس الخاص بس هما نصابين يفتحون بطنك علشان يبغون فلوس اكثر......:06:


تعبت

تعبت

تعبت

وانا افكر وابكي....قلت لامي الله يسامحها ما اعطتني وجه قرتني وزادت قهري وقلت لاختي قالت توكلي على الله ولاتخافين وصبرتني ....بس انا للان خااايفه اولج فيه..اكرهه..اخاف مايبنجونيوقت خروج الراس...اخاف ما يخيطوني زين...اخاف... واخاف


ساعدوني والله نفسيتي زي الزفت:44::44:

وبس فضفضت علشان ارتاااح اتمنى تواسوني وخصوصا بنات الطايف...

مع السلامه