الله بيعينك ياام جمان إذا عندك إراده واحتساب مافيه شي يسبب الانزعاج .. بالعكس بتحسين بطعم الخصوصيه في بيتك والراحه النفسيه والتدبير لأن الشغالات يقضون على معنى الانسجام الأسري والفرحه بالانجاز طول ماهم عندنا بس نخاف لا يزعلون وعسى ما تقول أبا سافر وعسى ما تنحاش وكل ماحبينا نضيف شغله جديده في البيت نقول بعدين عشان ما نضغط عليها وهم والله مع التدبير في البيت تقولين وشلون كنت صابره عليها .. وإليك بعض الطرق اللي بتنفعك بإذن الله :
* لاتنسين التسبيح والحمد والتكبير كل يوم .
* نبدأ بقبل النوم لاتنامين إلا اذا رتبتي البيت بشكل سريع وجمعتي كل النفايات .
* اذا صحيتي الفجر اذكري الله واستعيني به في قضاء أعمالك لأن في البدايه بعد التعود على الخادمه نشيل هم من روحتها ومع الوقت على العكس بتحسين بالراحه .
* اقرئي أذكارك وورد من القرآن يحسسك انك تبدئي يومك بدايه صحيحه تصحح جميع مساراتك الحياتيه وتمدك بالنشاط والثقه .
* إذا عندك مدارس ابدئي صحيهم وذكريهم بأنه يوم جديد نذكر الله فيه ونستعين به للآخره وكل حسب عمره .
* جهزي الفطور والملابس وحاولي غذا تبين تنجحين تحتبين الاجر من الله مهما صار من انتقادات وتحطيم بل ابتسمي واعلمي انك تجاهدين في بيتك لاولادك وزوجك والاستفاده من هذا الجسد اللي سخره الله لنا لنقوم بواجباتنا الدينيه والدنيويه ولا نريد جزاء من احد ،الجزاء يوم الجزاء فقط .
* ومن اختصار الوقت عند تجهيز الفطور التحضير من الليل للاشياء للي تحتاجينها (حمس كميه من البصل مع الطماطم وطحنها ووضعها في علب في الفريزر لوقت الحاجه )لعمل الشكشوكه أو فرشها على التيفال وكسر البيض فوقها كطبق بيض أو للفول أو العدس(يسلق ويطحن ويوزع في علب وتفريزه
واستخراج علبه من الليل ووضع كميه من كشنة البصل والطماطم عليها وغليها مع البهارات والفلفل والسمن حسب الرغبه .
* والملابس يتم تجهيزها قبل النوم وتفقد الحقائب وتمسيح الاحذيه .
* ومع السلامه للمدرسه ياأولاد .. ابدئي بالشغل اللي تحبين وعلى مزاجك سوي الجدول اذا بتنامين أو توجهين الشغل والنوم بعدها اللي يناسبك سويه ..عندك عدة أمور أساسيه (التنظيف _الغسيل _ الطبخ )
* المهم لاترهقين نفسك وبعدين تملين _خصصي وقت تستمتعين فيه باللي يعينك على الطاعه _ بوجود زوجك اتفقوا قبل ما يجي يتصل عشان تنظمين وتستعدين للجلوس معه ولا يحس انك حايسه بالشغل _ فهمي العيال أن الدين أرشدنا إلى التعاون وكل واحد يرتب أدواته ويساعد أمه _قبل أي مناسبه اكتبي اللي بتسوينه وتجهيز حاجاته بفتره وكذلك الطلعات جهزي بوقت عشان ما تنفعلين وقت الطلعه وتكونين رايقه وعيالك يتعلمون النظام .
* استفيدي وارجعي لأي موضوع في التنظيم والطبخ من موقع حواء فله دور كبير في حياة المرأه المسلمه جزى الله القائمين عليه والمشرفات والمشاركات كل خير فهو دليل شامل ومحفز قوي لمن تريد الاستغناء عن الخادمات والحقيقه نحن من صنع مقولة (ما أقدر استغني عنها ) وصدقناها وجاء الوقت اللي نفكر فيه بعقل ونقول (كيف ندخلها بيوتنا )عشان نصدق ونطبق المقوله .
* وأخيراص كل وحده تستعين بالله وتحول تفكر بالصح إذا ماكان عندها معوق أو كبار في السن أوعدة أطفال صغار ولا تدخل الخادمه فيهم بس شغل بيت وبس يمكن نقول في هذي الحالات انها مضطره والله يعينها عليها بعد .
* أنا طوووولت كثير عليكم سامحوني لعل الموضوع يجد آذان صاغيه ونجدد حياتنا ونحاول نرجع للفطره التي خلق الله الناس عليها ...بربااااااره وه بس ياحبيلكم أحس اني في محاضره ياويل اللي تعلق ..الموضوع غير قابل للتعليق خخخخ
الله بيعينك ياام جمان إذا عندك إراده واحتساب مافيه شي يسبب الانزعاج .. بالعكس بتحسين بطعم...
من ناحيتي انا واخواتي كنا متعوودين على الشغالااات من طلعنا على الدنيااا لكن من كثر ماشفنا مشاكل منهم وعدم راحه نفسيه استغنينا عنهم من 3 سنوات تقريبا
وكلنا طالبات وندرس انضغطنا بالاول وتعودنا هالفتره الحمدالله
اول شي سويته شريت غسالة ملابس اتوماتيك وانصحك بال جي
ثاني شي شريت مجفف الملابس ميتاج وقسم راحه ماتتخلينها يعني هم الملابس انسيه
تطلعينها شبه مكويه ماعدا الثياب يبي لها شوي كوي بس
ومن ناحية البيت تنظفينه قبل لاتنامين والكنس والمسح اول ماتصحيين والمطبخ اول باول وافكر اشتري غسالىة صحون اشوفها عند خالتي ومرتاحه منها الحمدالله
بكذا وفرتي على نفسك التعب النفسي من الشغالات وتعب البيت والله يووفقك ويعينك وكل مسلم