انا جلست فترة ست شهور بدون شغالة على الرغم اني موظفة و الحمد لله مرت على خير ..لكن تعبت من احتكاك المفاصل بسبب صعود الدرج لان غسالة الملابس بالدور الثاني ..لكن مشيت اموري ولله الحمد ..اهم شي لاتخلين الشغل يتراكم عليك ..
وانا كنت اغسل الملابس قبل ما اروح للدوام بعد صلاة الفجر ..واذا رجعت اطبق واكوي ..طبعاُ مو كل يوم ....والطبخ اطبخ ليومين ..وكنت اسوي الكشنة لاسبوع بالفريزر .. وتنظيف البيت قبل ما أنام . حيث اني ما أنام الا البيت كله مرتب ...واصحى قبل الفجر واغسل دورات المياه أكرمكم الله ..واجهز فطور عيالي ..
واستخدمي اكواب وصحون بلاستك ..وعليك بوصية الرسول محمد صلى الله عليه وسلم لابنته فاطمه ..عندما جاءت تشكي أعباء المنزل وتطلب خادمة - أمرها أن تقول 33 مرة سبحان الله ، و33 مرة الحمد لله ، ومثلها الله أكبر ، وتتم المائة بـ " لا إله إلا الله وحده لا شريك له ، له الملك وله الحمد وهو على كل شيء قدير " فما تركته من يومها ذاك
ولك ِ فيهم أسوة حسنة فهو " لاينطق عن الهوى ، إن هو إلا وحي يوحى "

اول شي نامي بدري واصحي بدري اول ماتصحين شغل التلفزيون او الراديو ع اذاعة القران اهم شي يكون قران مشغل وانتي بتشتغلين ثم انطلقي بوضع جدول يعني انا جدولي
استخدم هالخلطة تخلي ريحة البيت روعة (مطهر داك برائحة البخور وكمفورات او داوني والعملاق الاخضر ) اخلطيها مع بعض لتغسيل السراميك والحمامات الله يكرمك والمغاسل
والخلطة الثانية لتمسيح المريا والاكسسوارت حقت البيت والثلاجة والطاولات (اخلطي فيري وكمفورات او داوني وملمع المريا بنفس علبة الملمع حق المريا)
السبت قومي حطي الملابس بالغسالة ويوم الغسالة تشتغل انتي كنسي غرفة الضيوف ونظفيها زين حتى الشبابيك مسحية بالخلطة الثانية وكملي الغسالة ونظفي حمام الحريم وبكذا بس عليكي اليوم بسب ضروفك
الاحد غرفة النوم مسحيها ونظفيها وكنسيها مع حماماها بس
الاثنين المطبخ قومي نظفية كله مع التمسيح والثلاجة والبوتقاز
الثلاثاء الصالة وغرفة عيالك نظفيها مع التمسيح والتكنيس
الاربعاء قسم الرجال نظفية ومسحية وكنسية
ونهاية يوم الاربعاء اكوي الملابس
وخميس وجمعة اجازة يصير بعدين بس شغل اليوم المعتاد وربي بعدين كلن من دخل البيت والا ريحة تجننننننن انا اسوي كذا اتمنى يعجبك جدولي

عزيزتي الله يكون في عونك هذي كم نصيحه ان شاء الله تساعدك بعد الله
اولا توكلي على الله واستعيني بالذكر والاستغفار والذكر الي ذكروه البنات قبل النوم
حاولي انك تشتري الاشياء الي تريح يعني مثلا غسالة اتوماتيك مكواة كبس غسالة اواني
نشافه تراها مره تساعد وتختصر لك ثلاثة ارباع الشغل
حاولي انك ماتراكمين الشغل يعني اول باول
ضعي في ورقه كل الشغل الي عندك وكل ماخلصتي شغله اشطبي عليها ترى يعطيك
دافع ويحسسك انك انجزتي
اهم شي حاولي تشتغلي وعيالك نايمين افضل واريح وخذي من خبرات ابنات في المنتدى
مره تفيد
اخيرا اتمنى لك التوفيق

انا مو ظفه وماعندي شغاله من كم سنه انضغط احيانا بس ربي ييسرها
اهم شي"
التنظيم
التعاون
والله يعينك وييسر امورك

موفقه وربي يعيني ويعينك