اول شئ
معكرونه القواقع
الطريقه
المقادير :
كرتون مكرونه القواقع الكبار ( للحشي )
جبنة شيدار ( عادي اي نوع بس تكون شيدار )
نبشر الجبنة : تقريبا 50 جرام ,,, ونتركها بالثلاجه عشان ما تذوب
نصف كيلو لحم مفروم
نضع اللحم المفروم على التاوه ( الطابي ) ونحمره بدون اي شي على نار متوسطه
حتى نتخلص من ماء اللحم والزفرة ,, ونتركه على جنب
في تاوه ثانيه (طابي ثاني ) بصل مفروم ناعم 2 حجم متوسط + 1فص ثوم مدقوق
نضع قليل من الزيت ونضع البصل والثوم على نار متوسطه .. حتى يذبل ويحمر
ثم نضع البهارات التاليه :
بهارت مشكله ملعقة صغيرة + فلفل اسودقليل +فلفل ابيض + ماجي مكعب1 + كمون قليل
ونحرك ,و ثم نفرم طمامه 2 ,,
ونضعها على البصل ,, ولمده دقيقتين ثم نضع اللحم المفروم ,,
ونضع 5 ملاعق من صلصة البيتزا ,, ونتركه على نار هادئه لمدة 10 دقائق ,,
ونضع كوب واحد من الماء عليه ,,
ثم ضع كوب من البازيلا الخضراء ,,
ونتركه يطبخ لمده 3 دقائق ونطفئ النار ,,
ملاحظه : انا دخلت المكرونه الفرن من غير ما اطبخها يعني انا فضلت انها تنطبخ
بالفرن ,, لكن لو حبيتوا تسلقونها بس لمده دقيقتين على ماء مغلي في زيت وملح
كيفكم ,, بس اذا سلقتوا المكرونه ,, اتركوها تبرد بعدين احشوها ودخلوها الفرن ,, يعني
اذا بتسلقينها ما راح تحتاجين ماي كثير فيها ,, لكن اذا ما سلقتيها بتزيدين الماي في اللحم ,,
اتمنى يكون كلامي واضح ,,,
هذا شكل المكرونه في الطبق الي بندخله الفرن ,,
نبدا نحشي المكرونه باللحم ,,
الحين نأخذ صلصه اللحم ونضع في قاع الطبق الي بنطبخ فيه ,, ثم نضع القواقع المحشيه
وفي النهايه قبل ادخالها الفرن ,, نضع اخر اللمسات ,, جبن الشيدار المبشور ,,
ونغطيها بالقصدير وعلى حرارة 300 درجه*
طبعا الفرن بيكون شغال قبل لا تضعون الطبق فيه ,,
نتركه يطبخ بس لا تحطونه في اخر الفرن ولا تحطونه فوق ,, لا اتركوه في الوسط ,,
وكل 10 دقايق شوفوا ايش صار فيه يمكن يحتاج ماي ,, بس للافضل ,, اسلقوا المكرونه قبل
عشان ما تتأخر في الفرن ,, وانا اخذت معاي في الفرن 20 دقيقه ,, بس تذكروا ان المكرونه ماكانت مسلوقه ,,
وهذا شكل الطبق ,, انا كفت عندي المقادير نفس هذا الطبق مرتين يعني صار عندي 3 اطباق
وصحتين وهنا ,, ان شاء الله يكون عجبكم يا رب ,,
(وماتاخذ وقت وحلوووه واشكر من قلبي الغاليه مهاري على الطبق الحلو )
ثانيا
الدجاج مع الباذنجان والجبن
المقادير
دجاج مفروم
بطاطس شرائح ومقليه
باذنجام شرائح ومقلي
مشروم شرايح
فلفل اخضر بارد
جزر مبشور
بصلتان
ثوم مدقوق
طماطم
صلصه طماطم
علبه قشطه نستله
جبن كرفت مبشور
ملح-فلف اسود- دارسين مطحون-هيل مطحون-بزار- اي نوع من البهارات انا حطيت كل شئ
الطريقه
نحمس البصل مع الثوم ثم يضاف عليها الفلف البارد والمشرم والجزر والطماطم والدجاج المفروم والبهارات ونقلبها حتى تذبل الخضروات
ثم نضاف عليها صلصه الطماطم
ونخليها على النار قليلا
وبعدين نجيب باريركس ونصف طيقه من شرايح الباذنجان وطبقه من شرايح البطاطس ونصب عليهم خليط الدجاج
وعقب نحط بعد طبقه من شرايح الباذنجان والبطاطس المقليه
اخر شئ نعمل الخلطه من القشطه والجبن المبشور ونحطه على الوجه وندخله الفرن
وبالعافيه
واشكر اختنا السفيره على هالطبق اروعه ماشاء الله ماتم منه شئ
وانا سويت معاه عيش ابيض
ومثل ماتشوفون نصه عليه جبن ونص لاء
للي مايحبون الجبن مثل ابوي ويدتي الغاليين
ثالثا
معكرونه لذيذه
المقادير
معكرونه مسلوقه
دجاج مفروم
جبن مبشور موزاريلا
خضار منوعه اللي تبينه
بقدونس مفروم
جبن كرافت السائل حجم 240
علبتين قشطه
3 ملاعق مايونيز
الطريقه
عقب ماسلقنا المعكرونه بشويه ملح
نحط المعكرونه بصينيه الفرن ونخلط معاها نص بياله شاي زيت وملعقه صغيره كموون ونرشها بشويه جبن مبشور ونخلطهم ونخليهم على حنب
نقطع الخضار الى احجاج صغيره او شرايح اللي تبينه انا اقطعهم صغار
وعقب نحمسهم بشويه زيت على النار لين مالخضار تذوب
نوزعها على المعكرونه
نجي للدجاج
نفرم بصل وثوم مدقوق ونحمسهم بشويه زيت ونحط عقب الدجاج المفروم وملح وبهارات وكمون
ولين مايتلطون عدل نضيفهم فوق المعكرونه والخضار
ونساوي السطح
وعقب نخلط الجبن والقشطه والمايونيز والبقدونس وشويه جبن مبشور مع بعض ونضيف عليهم البقدونس واقل من فنجان ماي
ونصب الخليط على وجه الصينيه ونرشها بشويه جبن مبشور وندخلها الفرن
وبالعافيه لايفوتكم
رابعا
اصابع دجاج بالخبز
المقادير
خبز لبناني
جزر مبشور
بصل مفروم
جبن
دجاج مفروم
الطريقه
نحمر البصل ونحط عليه الدجاج وبعدين الجزر والملح والفلفل الاسود
نجيب الخبز ونقطعه اربع قطع
بيصير لنا مثل شكل المثلث ناخ القطعه ونفتحها وندهنها من الداخل بالجبن السائل ونحشيها خلطه الدجاج ونسكر الخبز ونلفها
وحاولي انج تسكرين الخبز بالجبن علشان مايفتح
وعقب تقلي الخبز على النار او الفرن
وبالعافيه
خفيفه وحلوه
خامسا
سلطه المعكرونه بالفاصوليا
المقاادير
اولا مقادير السلطه
ملفوف
فلفل بارد
جزر
علبه فاصوليا حمراء
علبه ذره
كيس معكرونه
ثانيامقادير الصوص
علبتين روب
ملعقتين مايونيز
عصير ليمونه
ملعقه خل
شويه زيت زيتون
ملح
ملعقه صغيره فلفل اسود
للزينه
سماق
زيتون اخضر حلقات
الطريقه
نسلق المعكرونه ونفصيها من الماي
نقطع الملفوف بشكل طولي والفلفل البارد مربعات صغيره ونبشر الجزر ونخلطهم
نغسل الفاصوليا والذره ونصفيهم
ونخلطهم مع الخضار
وبعدها
نخلط المعكرونه والخضره والفاصوليا والذره كلها مع بعض
وعمل خلطه الصوص ونخلطهم عدل
ونضيف الصوص على المقادير
ونخلطهم حتى يتجانسون
وحطي عقب ملح وفلفل اسود
وحطي السلطه في صحن التقديم ورشيها بالسماق وحلقان الزيتون الاخضر
يمي يمي عجيييييييييبه وخفيفه جربوها
وهاي كل اكلاتنا وكللللللللها حلوووووه ماشاء الله ماتم منهم شئ
جربوهم
وعطونا رايكم
وان شاء الله نحط لكم اكلاتنا في رمضان
