زمان نزلت موضوع استفسر فيه عن شي مجرب ينفع للبشره الرجاليه وكالعاده مافيه تجاوب
طبعا انا اخوي كان لونه حنطي وبعد العمل الولد وجهه سمر بقوه راح شوكلاته غير اثار بوجهه من الحلاقه وحبوب وكان كل مايجينا زياره نقوله يااخي سنع خشتك ويقول عادي انا رجال مب مره عشان احط خلطات وكان يقهرني:44:
يااخي عمر الاهتمام الغير مبالغ فيه يمس الرجوله لو لونك هذا اللي خلقك فيه ربي كان مايخالف لكن هذا من الشموس والدجه وحياة العزوبيه المهم قلت مافيه بسوي وبعطيه وكنت بعطيه كريمات بس طبعا بيكون دايم بالشمس وهالشي بيعطيه نتيجه عكسيه وبيسمر زياده
قلت مافيه الا اجرب الطبيعي بحيث انه ماراح يغيره بقوه بيساعده بس يرجع لونه الاصلي وخصوصا انه على وجه زواج
المهم رحت شريت من العطار مر+لبان ذكر+مكسرات بالعسل تبع وادي النحل+ماي ورد+قطن +اسكينول بالليمون+نشا+صابونة البابايا +فيراندلفي الرجالي
نقعت لبان الذكر والمر بماي الورد كل وحده بقاروره
ولما جاء اليوم الثاني رجيتهم وخلطتهم كلهم بعلبه وحده بس خذيت المحلول وحطيت عليهم نشا
المهم لما جاء يروح عطيته المحلول وباقي العده وجمعت الاغراض بالكيس وحطيت وياهم عسل وشوفان و5 قوارير ماي ورد وعطيته صبار خام وحطيته له في برطمان وقلت اذا جيت هناك حطها بالمكعبات مال ثلاجتك وحطها بالفريزر والباقي خله بالثلاجه طبعا كل مايجي اسويه جديد وكميه
وقلتله اغسل وجهك اول ماتصحى بالصباح بالصابونه ثم ثم حط الواقي على خشتك ولاجيت من عملك امسح خشتك بالاسكينول ثم امسحها بمكعب ثلج الصبار
واذا جاء اليل وجيت تنام الله لايهينك اغسل خشتك مره ثانيه بالصابونه وبلل القطنه بهالمحلول وامسح فيها خشتك وسم بالله وقول اذكارك ونام وانا اختك:27:
وطبعا كان يوميا يشرب على الريق ماي دافي ويحليه بالعسل وماي الورد يخلطه مع غرشة الماي العادي ويشربه يوميا ويااكل مكسرات بالعسل
وكنت اتصل عليه دايم اقول هاه استخدمتها والا وكان يعل قلبي عزالله اللي قال ان الرجل طفل كبير ماكذب :arb:
وبين فتره وفتره اقول حط على خشتك قناع زبادي وعسل وشوفان ونشا
المهم الحمد لله الحين له شهرين فتح لونه وبدا يرجع لونه الاول والاثار خفت وصار ت خشته وش زينها كله ملح وقبله بسم الله عليه ===>> القرد بعين امه غزال
طبعا انا ابيه يخلص المحلول هالمره وخلاص بخليه يجلس ع الفير ااند لفي لين يعرس ان شاء الله وتستلم العهده زوجته عاد بكيفها هي وياه
ملاحظاتي على هالخلطه:
1_لونه الحمد لله رجع والاثار اللي بوجهه خفت لكن ماراحت نهائي
2_تسوين جدول عنايه لخمسين بنت وتتابعين وياهم اسهل باالف مره من رجال واحد:09:
3_وزنه زاد حبتين من مكسرات العسل لكن مو مره يعني يمكن 3 كيلو طبعا هو معصصصصصقل
4_ساعد بتحسنه بسرعه اهتمامه الداخلي اللي بالمشروب واهتمامه الخارجي بالمحلول والاسكينول وغيره
هذي صورة لبان الذكر للي ماتعرفه
https://d2s63a22uzwg40.cloudfront.net/hw-uploadcenter/up/sites/up.hawaaworld.com/files/links/a04cc49c2c36561ef73de6a41c06dffc.jpegهذي صورة المر
Myrrh
طبعا المقدار حطي ثلاث ملاعق والا اربع
150320111434
هني الصبار لما اجي اطلع عصارته
وهذي صورة للاله مال المكعبات تحصلينها بمحلات ابو ريالين كذالك موجوده بكل ثلاجه
cool-jewels-ice-cube-tray
سبحان الله والحمد لله ولا اله الا الله والله اكبر :27:
سبحانك اللهم وبحمدك لا اله الا انت استغفرك واتوب اليك
سمراءOK @smraaaok
محررة
يلزم عليك تسجيل الدخول أولًا لكتابة تعليق.
مس كينج
•
ماشاء الله ياويختي شدي حيلك فية ترا الزين للبنت والرجال مو بس المراة الي تاكلها والنظافة زينة
غلا26
•
الله يسعدك ويخليلك اخوكالله يسعدك ويخليلك اخوك
تسلمين فديتج
بسألج :
انا بشرتي دهنية ولوني سماري بس من بدا الجو يتغير الصراحة اسمريت :44:وظهرت لي حبووب صغيرة
مب عارفه هل محلول المرة واللبان ينفع للحبوب؟ وخاطري مرة اشوف بشرتي عاديه بدون لمعان..
طبعا استخدمت الروكتان من سنه تقريبا وكنت مستانسه ببشرتي بس الحين ردت حليمة لعادتها القديمة :(
ابي حل حتى لو مؤقت ويكون طبيعي
بسألج :
انا بشرتي دهنية ولوني سماري بس من بدا الجو يتغير الصراحة اسمريت :44:وظهرت لي حبووب صغيرة
مب عارفه هل محلول المرة واللبان ينفع للحبوب؟ وخاطري مرة اشوف بشرتي عاديه بدون لمعان..
طبعا استخدمت الروكتان من سنه تقريبا وكنت مستانسه ببشرتي بس الحين ردت حليمة لعادتها القديمة :(
ابي حل حتى لو مؤقت ويكون طبيعي
الصفحة الأخيرة
ماشالله مهتمه باخوتس
احنا يالله نهتم بانفسنا ماشالله عليك بالك طويل