السلاااام عليكم
كيفكم بنات وش أخبارك؟؟
إن شاء الله تمام
بنات وربي مضايقه حييل ومالي أحد أشتكي إلا أنتم بعد الله
أبدا سالفتي بدون مقدمااات عشان ما تملون وتتمللون
اول شيء السالفه كلها من أبوي بصراحه بنات أبوي أحسه كارهني وكاره خواتي
والله يابنات مو يتهيألي أكثر من مررررا
لحد ما وصله لمره وقال متى الله يفكني منكم
تدرون وش الأمر في الموضوع إن ابوي لسانه طوووويل حيل على امي وياليته على كذا بلعكس يضربها
والله يابنات إن وصله يتكلم في عرضها
احنا نتكون من عائله كبيره جدا جدا
ابوي قبل لا يتزوج أمي كان متزوج ومعه بنت
المهم
أمي تصير بنت عمه
طبعاً عيب في عايلتنا وعادتهم القديمه
الي كانو يظلمون حيييل المراءه
وكانها كائن حي من دون مشاعر
تزوجها ابوي
على حسب كلامهم يقولون إن ابوي كان يحب امي وما عليه متقبله
صح تصير مشاكل
لان ابوي شخصيته متعجرف
يمكن لان امي جابت له اولاد
لان مرة ابوي لاولى ما جابت الا بنات
مرررة السنوات وامي جابت ولدين الله يخليهم لنا
أمي جتها عين << طبعا عرفنا من مصدر انو عين
لا حول ولا قوه الا بالله العظيم
المهم يا صبايا
اصاب امي فشل كلوي
بعيد الشر عن الي يقرون
وابوي صح شال امي
وساندها
بعدين تزوووج وحده برى العائله
والله يابنات
ان كل الثلاث زوجات مع اعيالهم الي انا منهم
نعيش في بيت واحد
والبيت ياليته وسيع الحمدلله على كل حال
المهم بنات بعد ما زوجة أبوي جابت اولاد ابوي كبر ارسه علينا
مع إن والله أمي مو عشان هي امي طبخها واهتمامها اححسن منها
والله يابنات إذ فتحت غرفتها ودك ترجعين من ريحتها وقبل كذا إنسانه ما تخاف ربي ماتصلي
ليومكم ذا
وتقول انا ماارتاح لو صليت
ولا ومع ذا كله سراقه
ما خلت شيء
الا ما خذته فلوس ملابس
صارت حياتنا
حتى بيت سالفه
اذ جينا نطلع لازم نغفل غرفنا بلمفتاح
ومع هذا ابوي ميت عليها مدري ليش؟؟
يعني ارجال صارو يحبون الوسخه والبارده
المهم ما علي منها
ياليت ابوي يحترم بس امي
والله اذ جاء ابوي يودينا السوق يابنات انواع الدعاء علينا انواع المسخره انواع الشتم فينا وفي امهاتنا
بلحسره يدفع
ويقول اصلا حررام اصرف عليكم
وانا ربي
حماني بحريم ومن ذا الكلام
انا عادي عن نفسي اتحمل مو مشكله
بس اقهرررر اذ اهان امي وامي لا حول ولا قوه
لدرجه يابنات
ابوي يعطي زوجته فلوس بدس واحنا باخل علينا لاولى الله ثم أمهاتنا انا وخواتي من ابوي كان الله يعلم بحالنا
ما نشتري الا في الاعايد
حتى ملابس البيت الا امهاتنا يشترون لنا
طبعا اذ خوالي عطو أمي شيء
امي ما تقصر علينا
وكانت امي لاجت تسأل ابوي وتقوله انت عطيت زوجتك يحلف ويقول لا
عندي أهون ولا يجاهر بها قدام أمي لان أمي المسكينه بسراعه يرفع ظغطها
واليوم يابنات
عشان مقررين بنسافر في ذا الاسبوع جت أمي وقالت عطنا فلوس ابي اغراض وكذا
قال لو تموتين ما تشوفين شيء
قالت وطيب ليش زوجتك قال فلانه تستاهل لو اعطيها الالاف وانتي ريال ما تستاهلينه
والله يابنات إن امي تقولي وخاطرها مكسور
طبعا زوجة ابوي الاولى
احس اخر همها ابوي صح تغار ومن ذا الكلام
بس عندها فلوس لان بنتها الكبيره نتزوجه الي هي اختي وتعطييها وبنت اختها واختها وما عندها الا بنات واحنا مو من النوع الي نطلع
وموب امي اذ جمعت لها قرشين جو أخذوه الاولاد يعني هم الرجال المفروض يعوضون امي لا يزيدونها
مكيف سياره خربان
ومن ذا الكلام
طبعا اخواني مو كبار توهم ما تعدوا 21 سنه
لاكن اخوي الصغير الي عمره 19 سنه بهذل امي
دايم في السجن ومضاربات
وامي عاد ما تتحمل
يكفي مرضه واذ سمعت بخبر على طووول يغمى عليها
وابوي من كثر كررها لامي اول ما تصير سالفه بدل ما يهديها ويداريها لان امي طبعا مو طبيعيه زيينا تتحمل اي شيء
عاد امي تموت في اخواني الاثنين هم حياتها
يجي ويفجعها يقولها
ولدك راعي مخدرات ومن ذا الكلام ويزود مائه كذبه وهي كلها مضاربات شباب
والله يابنات تعبت تعبت من تصرفات ابوي
والله ما يقدرنا اخواني الي من زوجته 3 هم الي يلبسون ويعطيهم فلوس ويناديهم باسمئهم
تخيلو لدرجه ان احيانا ينادينا باسماء يدري انها ضايقنا
واكثر من مررا اجيه بكلام حلو
واقبل يده
والله يابنات مطنشني
يمكن بس بنته ومحسوب عيه
لا والاردى
للحين الله مارزقنا بزواج
يعني شوي نقل الحمل على الغاليه
تخيلو خطبني ولد عمي قبل شهرين
ولد عمي من يوم انا صغيره وهم يقولون فلان للفلانه
وانا اقول لا غن شاء الله
جاء الوقت وجاء خطبني
والانسان ذا لا وظيفه ولاهم يحزنزن اخلاقه عاديه محد قال ذاك الشيء فيه
بس صعبه اخذ إنسان ماله وظيفه وانا ماودي ارمي نفسي واستعجل
مع إن أنا ادرس بلجامعه باقي سنه واخلص واتخرج وادور لي وظيفه
وامي تقولي خذيه
ماراح ايجيك احسن منه والنصيب مررا وحده
وعلما إني أكثر من مررا اصلي الاستخاااره وما احس باي شيء إتجاها
طبعا انا بنت زي اي بنت احلم بمهر يكون يسد حاجتي ما طلبت ملايين
وابي زواج محترم
وابي بيت محترم
وهذا الشخص مستحيل يوفر كل الي ابيه
لان مابي اكون أقل من اي بنت في عايلتنا
تكفون بنات أدعو لامي ان الله يقر عينها بعيالها الاثنين وفينا احنا البنات
ويهدي أبوي لانه حيييل ظلمنا
مسكين ما عرف ولاحس بظلمه القبر وعقابه على باله الاولاد هم الكل والبنات ولا شيء طيب انا وخواتي وش ذنبنا احنا بنات الله خلقنا كذا
وادعو لي ان كان فيه خيير يسهل هذي الزواجه وإن كان فيها شر الله يصرفه عني ويصرفني عنه
وأعتذر عن الإطاله
سبحانك اللهم وبحمدك اشهد إن لا إله الا الله وان محمد رسول الله..
هيفاء الجهني @hyfaaa_alghny
عضوة جديدة
يلزم عليك تسجيل الدخول أولًا لكتابة تعليق.
agym
•
الله يفرج همكم يارب
والله مدري وش اقول بسس الله يفرج همكم ويرزقكم من كل ضيق مخرجوالله مدري وش اقول بسس الله يفرج همكم ويرزقكم من كل ضيق مخرج
شوفي حبيبتي الحل بيدك استغفري كثير وصلي وادعي يعني اصلحي مابينك وبين الله وبري بوالدينكك مهما كان وخلي املك بالله كبير والاستغفتـــــــــــــــــــــــــــــــــــــــــــــــــــــــــار باذن الله هو الحل والله يصلح شانكم
الصفحة الأخيرة