كوبونات الراقية تسجيل الدخول

تعبت لآجل شخص

يااارب امتب هالموضوع واطلع بحل تعبت لآجل شخص ..~

الأسرة والمجتمع •

السـلام عليكم ..

شخباركم ان شاء الله ان الكل بخير وبرضآء الرحمن ..

حابه اكتب هالقصه بالتفصيل وابي منكم الرآي وتسآعدووني

يابناااااااااااااات والله والله والله العظيم ان حالتي يرثى لها وصعبه بالحــــيل ..

(( تعبت لآجل شخص ))

ابكتب لكم القصه والله الشاهد عليه بكل حرف ولا رآح ازود ولا آنقص


بنت خالتي كانت بالصدفه بمنتدى ومرت الايام ولاحظت على ولد تصـرفات اطفال يعني سولفت معه بالخاص من باب انها تشوف وش اللي مخلي هالطفل يدخل المنتدى مرت الايام وآضآفته ومع الشهور قالها انتي اختي صح قالت اي اعتبرني اختك امك اللي تبي ويريحك

ورآحت الايام على ان روان اخته روان هذي بنت خالتي

وجت عندي يوم وقالت ضيفي عندك ولد محتآج انو يكون آحد معه وانا لاكنت مو موجوده تكونين انتي قلت لها شلون مو فاهمه عليك قالت اقبلي اللحين الاضافه قلت لها اوكي قبلت الاضافه وعآدي معه سلام اخبارك وش مسوي علومك فجآه الولد صآر يكلمني بإسلووووب باين عليه التعب النفسي مهما كقلت لكم يابنااااااااااات والله يشهد عليه على كل كلمه

بديت استدرجه انا كم عمرك وش تدرس ووين سآكن قال ساكن بكذا واسمي كذا وعمري كذآ قلت الله يوفقك يارب

قال نوف قلت له هلا قال عندك اخوان قلت له اي عندي قال تحبينهم قلت له وانا ما ادري وش اللي فيييييييييييه واللي عايشه

قلت ومافيه آحد مايحب آخوه قال طيب انا اهلي مايحبوووني <-- انواع الانهيآآآآآآآآآآآآآر انا بالدموع

قلت له شلون مايحبونك لا اكيد يحبونك قال لا والله مايحبوني وانا اللحي قاعد ابكي وانهرت معاااااااااه يابنااااااااااااات موقف بحياتي وعمري ماتوقعت اني بمر فيه واعيشه

قلت له ليه تبكي وش فيك انت علمني

وكان بعض الاحياااان يجلس ايام مدراس لساعه 12 والولد توه 3 متوسط قالي انا بالبيت قلت وليش صاحي للحين ماورااك مدرسه تنام قال اناااااا تعبان وقاعد ابكي انا تقطططططططططططع قلبي عليه تمنيت اني عنده واحضنه بين يديني واضمه واحسسه باللي فاقده قلت له ليش تبكي وتعبان من وشو قال يانوف امي مطلقه وانا احب امي وابوي وابيهم مع بعض واعيش معهم مو بالبيت لحالي

بديت اجمع قواي لآتدارك الموقف واعرف ارد عليه

قلت له حبيبي وانا كمان امي مطلقه وعادي وكذا الحياه قال طيب امك مطلقه عايشه مع من اللحين قلت مع ابوي قال خلاص هنيك ابوك معك واخوانك انا لحالي بالبيت لا ام ولا اب ولا اخ ولا اخو عايش معي ولا قريب واقف معي ويكلمني

<-- انهرت بالبكى للمره المليوووووووووون

قلت انا معك اي شي تبيه او تحتاجه انا عندك قال شلون قلت انا مثل اختك الكبيره اذا تبي شي على طول ادخل مسن وعلمني وانا ان شاء الله بقدر اساعدك

قال نوف قلت له يالبيه قال تحبيني قلت ايه احبك واشوفك مثل اخوي الصغير قال وليه امي ماتحبني مثلك قلت امك تحبك اكيد قال لا لو تحبني ماتاخذ اخواتي معها وانا ابكي عند رجولها ورافضه اجلس معها

<-- تعبت نفسيييييييييييييييييييييييياااااااااا يابنااااااااااااااات

صاير يقارن كلامي وحياتي بآهله وحياته يابنات الولد حااالته صعبه بشكل انتوا ماراح تتوقعونه

الولد بهالحاله صاير وداخل بمزآآجه انو انا اختتتتته خلاااص وتعلق فيني بالمره

مرت الايآم واختفى الولد من المسن لمدة اسبوعين بهالاسبوعين ابو هالولد دخل المسن على بالي انا انه محمد <-- اسم الولد

قلت هلااااااااا محمد حبيبي وغلا وين غيبتك تروح كذا وتقلقني عليك

قال هلا قلت شخبارك وغريبه داخل مسن بهالوقت ضحك وقال لا عادي الحمد الله انتي شخبارك قلت له انا تمام من شفتك

قلت شلونك انت وكيف دروسك وياك ضحك وقال ماشيه قلت انت مو محمد صح قال اي قلت ابوه قال اي

وقمت اتحسب عليه واعطيه من هالكلام قال يابنت الاوادم انتي وش تبين مني تتحسبين اللي فيني كافيني قلت بنفسي امشي معه بالهدوء وشوفي وش السالفه بالضبط

قلت آسفه وحقك علي بس لاني عايشه وضع محمد وواقفه معه اللي انت ابوه وامه مو معه ولا داريين عنه قالي وبكل آلم وبكل جرح بقلبه وبكل معاناه وهو يبكككككككككييييييييييييييييييييي

قال انتي من متى مع محمد قلت له من زمان قال شكله فاك لك السالفه قلت له ولاتلووومه حق منو تبيه يشكي له ولا يفض فض له اذا محد قريب منه

قال كم عمرك عشان اعرف اتكلم معك قلت له 23 قال ماشاء الله

اللحين اقدر اتلكم معك ومن كلامك باين انك فاهمه عاقله ومن اللحين وصيتي لك انتبهي لمحمد وخليك معه وقت غيااابي

قلت وش فيكم ووش صاير لكم كذااا ابي افهم تكفى علمني

قام يشرح لي ويقولي ويااااااااااااااااليتك يانوف ماسآلتي ولا عرفتي بشي آآآآآآآآآآآآآآآه ياااا قالبي بنآت تعبانه
قال انا من اشوف محمد اطيح فيه ضرررررب ولا اشيل يدي منه الا لمن اشوف الدم يطلع منه وافكه فك قلت انا وبكل تعب شلووووووون تفكه فك ومن وين الدم يطلع منه من اي مكان بجسمه
قال يطلع من خشمه من فمه من اي مكان قلت له اي ووشلون تفكه فك قال يعني اكسسسسسره ياناس وش هالاب علموووووووني

مره من المرات اختفى محمد وقالي صار علي حادث وانا ماكنت اعرف بإن ابوه كذاااا ..
مرت الاياام ولمن قالي ابوه ان يضربه قال نوف تذكرين مره محمد قالكم انه صار عليه حادث قلت انا ايه
قال ياليته صار له حادث ولا اللي صار له مني انا
قلت كيف قال انا اللي ضاااربه ومطلع الدم منه ومكسر عظامه قلت آآآآآآآآآآآآآآآآآآآآآآآآآآآآآآآآآه خلاص لاتكمل اووووووووووووووووص

شي غير طبيعي كلامه تعبني بشكل غير طبيعي جلست اسبووووووووووووووووع ما اكل ولا اشرب وافكر بهالمحمد الضعيف وشلون عايش واتذكر كلامه معي

قال واغمى عليه ورحت اتصل على اخووويه قلت تعال ذبحت محمد ومات وجاء اخوي البيت ووداني لبيته وعلى ان محمد مات لانه كان مغمى عليه والدم مليانه بالارض مني


اعدم شخصية محمد اعدم ثقته بنفسه يابنات لدرجة كلامه صاااير مثل الاطفاااال يابنات مو عايش سنه مشيت معه وانا ابكييييييييييييي ابكيييييييي تفهمون وش يعني ابكيييييييييي ومن قلب قلبي
قلت بكمل واشوف وش بعد
قلت وليه ذا كله تسويه بمحمد قال كذاا لازم لا شفته اضربه ولا اشيل يدي منه قلت ولللللللليه ابي افهم لييييييييييييييييه
قال انا ربي باليني قلت انت تعبان صح قال اي قلت ولا حاولت تتعالج قال حاولت ماقدرت وبدآ يفتح لي قلبه ويقول اللي فيه ويشكي ويفض فض
يقول انا ربي باليني وعنده ام غبيه وقلبها قاسي آآآآآآآآآه وينك عن ولدك
تخيلي يانوف بإمكان يكون الحل عندهآآآ وتريح محمد مني بس تبغى تنشبه فيني وماتدري ان هالشي فيه عذاب لمحمد بس قلبها قاسي على ولده قلت انتو مو كفو تكونون ام واب لها الولد قال صح كلامك

يقولي بالحرف الواحد
محمد بالصيف آخرتها يبكي عند رجولها وتطرده وتخلي البنات عندها
يقول انا تعبان ومااقدر ونفسي اليوم قبل بكره ربي يموتني ويريح محمد مني لانه ولدي الوحييييييييد ولا اشوف غيره بهالدنيا ولو صار له شي انا بموت من بعده
قلت لا ان شاء الله مايصير له شي وقعدت اهدي فيه وانا ادور من يهدي فيني ولجآت للخالق سبحانه
قال انتي ماتعرفين شلون انا معذب محمد قلت وكيف عايش هو علمني كنت شايله هم محمد ولا افكر الا بهالطفل الصغير الضايع يتيم الاب والام وهم آحيآآآآآآآآآء حسبي الله على من كان السبب
قال محمد عايش حيااته ولاتخافين عليه وربي كاتب له قدره كذا يعيشه قلت شلووووووووون بديت اعصب انا عليه يعني تقعد تضربه وقت ماتشوفه اللين يصير شي لمحمد
قال وهذا انا اللي مقطع قلبي وابكي عليه لا ضربته وهرب من البيت ..
تتخيلوون طفل عمره 15 سنه يهرب من البيت لييييييييييييييه ويابنااااااااات الولد مهما قلت لكم شلوووون صغيررررررررر عن عمره ماتصدقون من كلامه ومن الي جاه وشافه
اوكي يهرب وين يرووووووووووووووووووووووح وييييييييييييين هذا اللي مجنني
المهم اكمل لكم محمد وحياته ووشلون عايش


قال محمد عايش بالبيت لحاااااله وامه مطلقه وبمدينه ثانيه وانا متزوج وحده 2 ومو راضيه تخلي محمد يعيش معنا قلت حسبي الله عليها ونعم الوكيل ما اقسى قلبها مهما كان قلبها
تشوف حياة محمد وتوقف معه
قلت وشلون يآكل ويصحى ومنو ينتبه له
قال لابغى مني فلوس يدق علي ووالله يانوف اني ارميها له بوجهه واروح عشان لا اضربه ولا آذيه بشي اقوله يقابلني بمقهى بكفي بآي مكان واعطيه الفلوس واروح وعلى هالحال
وانا من اشووووف عيووونه ابكييييييي وابي اضمه واحسسه اني احبه بس مااااااا آقدددددددرررررر يانوف ما اقدرررررررررر انا هنا اغمى عليه وصحيت مره ثانيه
مو مستووووووووووووووعبه شي من اللي قال وانكتب هذي اول مره اشوف فيها والد محمد وقالي على الحقيقه وانهرت وتخيلت شكل محمد وعورني قلبي عليه
والمصيبه كمان قالي
محمد يعالجه دكتور نفسي لانه تعبان مره وحالته حاله لايكلم آحد ولا يطلع من البيت ولا داوم المدرسه قلت له انا وش يدريك قال السواق يقووولي هنا انا بكيت
وين عماانه خواله ياناس لها الدرجه الولد ضاااااااايع لا اله الا الله يابنات شي مايلعم فيه الا ربي
قلت انا وليه دكتور نفسي وبهالسن تدري وش علاجه انننننننننت علاجه والله العظيم انه انت قال داري بس مابيدي شي والله انا تعبت اكثر من محمد
قلت له اي وش يعطيه قال يعطيه حبوب تنومه يومين 3 آآآآآآآآآآآآآآآآآآآآآآآآآآآآآآآآآآآآه ياقلبك يانوف .. حبوب نفسيه تهديه وتنومه باليومين والثـلاثه عشان ينسى اللي يصير له لييييييييييييييييييييه كذآآآآآآآآ

آكمل لكم وقت ثآآني .. تعبت خلاااااااااااااااااص

يشهد الله عليه بكل كلمه وحرف انها الحقيقه والله اللي خالقني وخالقكم انها مختصره بشكل ماتتصورون واكتب لكم وانا ابكي بس وبكملكم نهايتها الحزينه عشان اللي عنده حل يسآعدني واكون داعيه له ..

يااارب كن معي

ــــــــــــــــــــــــــــــــــــــــــــــــــــــــــــــــــــــــــــــــــــــــــــــ

رآح آكمل القصه هنآآآآآآآآ

مرت ايام ومحمد يدخل مسن ويسولف عادي بعدين سآلني قالي نوف ابوي كلمك صح قلت وش عرفك قال هو قالي وضربني ويقول ومابقيت بنت الا ومعلمها بكل شي وهاوشني وش قالك هو .. محمد مايبيني اعرف انه ينضرب من ابوه ويهرب ويطلع برا البيت وان حياااته كذااا ياقلبي عليه

قلت لا ماقالي شي بس يسولف معي قال ووشلون يقول ماااخليت بنت الا وعلمتها السالفه قلت لا هو لمن دخل احسبه انت على طول قلت له محمد كيفك ووين غيبتك خفت عليك ومنها هو عرف اني انا معك بس

سآلته قلت وين كنت غايب هالفتره قال مسافر قلت ومع منو قال مع ولد جيرانا قلت وشلون وليش تروح بدون مايعرف ابوك ولا تعطيه خبر جالس قلقان عليك قال وبكل آلم

رحت ابي اشوف امي ولو قلت لابوي مابيخليني اشوفها قلت ومدرستك قال غبت اسبوع قلت ومن رجعك قال خااالي قلت عند امك غيرت جو وشفتها الله يخليها لك قال لا ما استانست عادي

آآآآآآآآآحس فيه هموووم الكون

مادققت معه واجد مابيه يتعمق اكثر ويتعب قلت يلا كلها شهر وتخلص اختبارات وتروح لامك قال اي ***** الله
الولد صاير يسهر لـ 12 وو 1 واشوفه بالصبح على الساعه 10 استغرب ان ماوراه دوام

سالته قلت شلون المدرسه معك قال لاتساليني عنها اتضايق لمن احد يسالني عنها انا هنا شكيت انه مو مكمل
لان اول لمن اساله يقولي ايه ذاكرت وافتكيت هالمره يتضايق

سكت انا وقلت مصيري بعرف
مر يوميييين بس الا وابوه داخل المسن طبعا بتقولوا لي وتتفلسفوون شلون ابوه يدخل المسن هو نفس الشخصيه انا اقولكم ياليت تلقطوني بسكاتكم

دخل ابو محمد قلت هلا محمد قال هلا انتي نوف صح قلت انت مو محمد صح قال اي قلت اها سكت انا لانو انا خلاص صرت اعرف لمن يدخل ابو محمد اعرف انو محمد مو بالبيت وانو ضربه وهرب برا البيت

قال نوف قلت نعم قالن انا تعبااااان ومرهق بالحيل قلت سلامتك وش فيك قال انا تعبااااان سكت عرفت انو ضارب محمد وهو بهالفتره اللي يكملني فيها بفترة ندم وتفكير سكت انا

قلت له سؤال
وشلووون محمد بالدراسه قال تركهاااا

توقعت من رده علي

المممهم

رجعت قلت له ضربت محمد
قال اي ضربته وطردته من البيت قلت وليه تسوي كذا معه قال انا اللحين تعبااااااااان شوي وبرجع اكلمك قلت له اوكي


جلس يمكن ساعه بالكثير ورجع لي قال نوف قلت نعم

قال انا تعبت واللي خلقني وخلقك انارجال عمري 46 سنه قاعد ابكي اللحين مثل عمر محمد ولدي 16 سنه
قلت له عادي واذا رجال يعني مايبكي قال انا تعبت وعذبت محمد معي الله يموتني واريح محمد مني

قلت له العن الشيطان واذكر الله واهدآ كلمني شوي شوي خلني افهم وش فيك

قال طيب انا هادي انا انسان مريض انا قلت له انت بإختصااااااااااار مسحووور

قال اي انا مسحور ولا اقدر اجامع زوجتي الــ 2 ولاجامعتها اشوف محمد قدام عيوني واقوم اطلع من الشقه واروح للبيت واضرب محمد عشان ارتاح ولا اقدر ارجع عند زوجتي
وزوجتي ماتبي الا ولد مني وبعدين اطلقهااااا قلت زوجتك انااااااانيه مع احترااااااامي لك شف هي وين تفكر وانت وولدك شلون عايشين

قال انا تعبت وابي احد يساعدني قلت له وين اخوانك قالي اخواني كلن لاهي بحاله ويقولوا لي انت بتدفع ثمن حياتك :(:(

طبعااااا الامر صعب عليه بالمره كون الرجل مسحووووور ومن ناحية ولده محمد الله بشفيه وينظر في حالهم
واللي تقولي بالرد وحده من البنات مسويه تعبت نفسيااااا وآآه ومدري وشو استغفري ربك لا يبلاك ربي بمرض وتعرفين الاستهزاء وشلون ..


ارجع لحديثي

قلت له حسبي الله على من كان السبب ماتعرف منو سحرك ولا شاك بآحد ولا عندك آعداء
قال لا انا من طبعي محبوووب وهادي ومسالم ومحمد نفس طبعي بالضبط >> اللحين بيجوني البنات بيقولون شفتي شلووون عشان لاتشكين بينهم فآقولكم من اللحين وفروا هالرد لآنفسكم للي بتقوله لي

تحسبت للمره المليون وانا اللي مقطع قلبي زياده ان هالمحمد يدقع ثمن حياة هو ماله ذنب فيهاااا لييييش .!!!!!!!

وتدرون المصيبه منو اللس سآآآآآآآآآآآحره آآآآآه يالقهر ليتها عندي وبس

خدامة آهله
يقولي فجآه وبدون وعي آحصل نفسي عندهآ بإندونيسيآآ وببيتهم كمااااااااان
ياااااااااارب سترك وعفوك لا اله الا انت ..

يقول وارجع واقول لآخواني وآصدقائي اللي بالعمل كنت عند سارنيم < اسم الخدامه

يقولون يضحكون ولايصدقونه ..

هذي كل السالفه وآختصرتها بشكل كبير عشان خاطر عيون اللي يبوني آكمل

اللهم يارب يامن آمره بين كآف ونون انك تنظر بحالهم وتبدل حياتهم ووضعهم للآفضل انك على كل شي قدييييييييييييييييييييييييييييير

آآآآآآآآآآآآآمين ..
71
6K

يلزم عليك تسجيل الدخول أولًا لكتابة تعليق.

تسجيل دخول

قويه في الحق
قويه في الحق •

اختي و شلون تصدقين اشخاص مثل كذا مجهولين بالنسبه لك.. يتلفون اعصابك و تصير مشاعرك لعبه بإيدينهم

ليش ما يكون محمد هو نفسه ابو محمد؟؟!!

و استغرب كيف تضيفين بإيميلك اشخاص ما تعرفينهم ..

انسي السالفه تكفين لا تكونين طايحه بيد ناس ما تخاف الله و يضرونك

هذي نصيحتي لك ..إما اقبليها ولا خليها.
أم علاggي
أم علاggي •
سبحان الله في أحد عايش كذا ولا قصة في الخيال....

كملي متابعتك للنهاية...
غادة الرياض
غادة الرياض •
نصيحه
لاتصدقين كل الي ينقال لك

انا مريت بحالات اكثر من كذا
وبالاخير طلعو كذابين :)

تراي اعرف النت من عام 2000
وشفت مصايب ماتتخيلينها
سمعت انو فيه
سمعت انو فيه •
أم علاggي أم علاggي :
سبحان الله في أحد عايش كذا ولا قصة في الخيال.... كملي متابعتك للنهاية...
سبحان الله في أحد عايش كذا ولا قصة في الخيال.... كملي متابعتك للنهاية...
ما ادري بس لا تضمنينه انتبـــــــــــــــــــــــهي ترى الرجا ل كذا يلعبون عليك بكم كلمه الما تطيحيين بشباكهم ومحمد ذا ما ابي اضلمه بس جالس يتمسكن حتى يتمكن فا احذررررررررررري منهم وقد اعذر من انذر وبعديين ما شا الله وش ذا الاب اللي مشاعره حساسه وومن اول ما كلمك قالك كل السالفه اقوول شكله يتــــــــــــــــــــــــــــــــابع افلام هنديه واجــــــــــــــــــــــد :biggrin::biggrin:..
لماااار2008
لماااار2008 •
يا اختي الموضوع باين هذا واحد يلعب عليك كذاب والدليل اننه قال لك ان ولده قالك انه سوى حادث هو ايش دراه ان الولد قاال سوى حادث امكن اننه علمك الحقيقهه
الله يهديك امسحي ايميله ولا تصدقينه
مابتكوني احن عليه من امه وابوه لو انه صادق