يااارب حببني فيه أو عوضني خيرا 💔

السلام عليكم ورحمة الله وبركاته
اللهم صلي وسلم على سيدنا محمد عليه الصلاة والسلام _

بنات بدخل الموضوع على طول متزوجه من خمس سنوات وعندي ولدين بقولكم ايجابيات زوجي عشان ما اظلمه مايقصر في طلبات عياله ، محافظ على الصلاة ، رجل يُعتمد عليه في أمور الحياة ، يحبني ويقول لو اني ما احبك ماكان خليتك عندي واذا ابي نطلع نتمشى ما يرفض والحمدلله السفر نسافر بس مانطول حدنا خمس ايام وماقد تعدينا دول الخليج ☺
نجي عند المشكله هي اكثر من شي بس بركز على شيئين اول شي عصبيته المفرطه حتى على اتفه الامور
وثاااني شي اااااااااااه يا ثاني شي
إني مااااااااااااا أحبه اي والله ياااا بنات ما احبه خمس سنين وانا ادعي وابي افرض هالشي على نفسي وما قدرت
نجي عند عصبيته على اي شي مثل اتأخرت اعطيه قلاص الماي يعصب ويقول عزكم الله يااحماره او الله ياخذك اخلصي او اذا ناداني يبي اي شي يبيني اجيه ركض وما اتأخر ثواني او حصلت اي مشكله بينا قام يلعن ويلعن اهلي ووصل اللعان لأمي واذا رديت عليه لا تلعن يعصب زياده واخاااف ويقول اني باااارده يعني بطيئه انا يمكن طبعي عاادي بس ماني بااارده زي ما يقول
الظاهر يبي له وحده تطير 😢
وثالث شي حريص جدا جدا مثل لما اكون بالمطبخ اطبخ الفطور في الرمضان او غيره يجي يقول لي باقي ربع سااعه ويجي مره ثانيه باقي خمس دقايق او اطبخي كذا وكذا ولا تحطين الشي هذا او هذا او خففي الملح ووصلت فيه لدرجة يقول اطبخي في القدر هذا ولا تطبخين في ذا والله العظيم يا بنات اني صادقه الله يهديه آمييييين
صرت ياابنات طول ما انا في شقتي احس بقلق طول الوقت على اعصابي لا يشوف شي طايح بالارض او المكان مو مرتب او يجي وانا مو محضره شي ياكله وهو دقيق الملاحظه حتى حبة الرز اذا طايحه بالارض يقعد يتكلم ويهاوش وانتي ما تنظفين الله يعين بس .
بنات انا كرهت عصبيته واحس مافيه اي احترام لي وهذا الشي خوفني منه وخلاني اكرهه وما اتقبله والله يا اخواتي تعبت امثل عليه اني احبه حتى بالعلاقه الخاصه ما احس بأااااي شي كله تمثيل وحتى لما يلمني او يحضني ابي احس بأي شعور اتجاهه بس والله ولاشي مع اني رومانسيه واحب الحركات هذي واعيش اجواء حلوه لما اتخيلها بس لما تزوجت زوجي وتوقعت بعيشها بس ما انكتب لي هالشي ابي احس بشي بشعور حلو بدفئ الحضن لكن ما يتحرك فيني شعره اااااااه 💔
ورحت لدكتورة نساء معروفه عندنا وقلت لها اني ما اشعر بشي مع زوجي في العلاقه الخاصه فسألتني اسأله كثير وكنت اجاوبها عليها وآخر سؤال سألتني اياه كان انتي تحبين زوجك ؟؟ فجاوبتها للأسف لا . ردت يمكن هذا السبب حاولي تحبينه حاولي تتقبلينه وتتغاضين عن سلبياته .
داايم حياتي معه هواش زهقت مو مرتاحه طول وجودي معه ومع ذلك يمنعني من بيوت عمامي ما اجيهم ومؤخرا قام يسمح لي بس الحفلات والزواجات وجمعات الحريم وحتى زواجات عيال عمامي وبناتهم ماحضرتهم لانه مانعني وزعلوا علي وجهازي التلفون يمنعني لا تكلمين فلانه ولا تراسلين فلانه وامسحي رقم فلانه ومانعني من حتى برامج الايفون مثل الانستغرام والتويتر والقروبات في الواتس اب مانعني منها ، ومن ضمن الممنوعين من اني اخالطهم خواته ما يبيني اقعد معهم او اسولف معهم او اتواصل معهم بالتلفون متزاعل معهم لأنهم يسوقون الله يهديه يارب ،
بنات انا مو مرتاحه معه احس بضيق استغفرالله طول ما انا معه في الشقه والمشكله مايطلع كثير ،،
داااايم افكر انفصل عنه
داايم ادعي ان الله يهديه ويفكه من هالعصبيه مع ان خواته يقولون انه تغير كثير بعد الزواج تغير للأحسن مع اني اقول في خاطري وين للأحسن .
خواتي تكفون دلوني وش اسوي انا حاطه في خاطري الانفصال ياليت تحسون فيني مااني مرتاحه عايشه بقلق 😥
وآخر موقف بيني وبينه ان جدي الله يرحمه ويغفر له توفى يوم السبت اللي طاف قام الاخ دز واتس عظم الله اجركم ما يبي يكلمني لأنه زعلان ما كلف على نفسه يتصل وخليته مارديت عليه وبعد فتره اتصل وارد عليه وانا منهاره ابكي وقال عظم الله اجركم وقام يسأل بكل برود عن امي واخواني عشان يبي يعزيهم ماهان عليه يواسيني او يقول كلمه يخفف عني مادرا عني اصلا قهرررني .
ادري طولت عليكم حبيباتي اعذروني
ووجهوني لأني ما عدت اتحمل 💔
وهو الحين مسافر ولا قال لي لأني عند اهلي

سبحانك اللهم وبحمدك اشهد ان لا إله إلا أنت استغفرك واتوب إليك .