كيفكم يالغاليات إن شاء الله تمام
اليوم بغينا نموت من الجوع أنا وبنتي وولدي تعرفوا آخر الشهر بدت الثلاجه والولاب يفضى ماسويت غدا مافيه لحم ولا دجاج وزوجي العزيز ما جاب غدا وصرت أشتهي أكلات مره مشوي
ومره هومبرجر 
ومره فواكه 
طبعا بنتي جاعت وسوت لها سندويتش وانا رحت أسويلي برضه ساندويتش 
وجت بنتي عندي قالت أنا باقي جيعانه وتقاسمنا السندويتش واكلنا 
لكن الله المستعان باقي جيعانين وصرت أفكر وأفكر وش اسوي كل مافكرت في حاجه تطلع الأغراض ناقصه والحمد لله جتني فكره وش أسوي من أكله على طول دخلت المطبخ مبسوطه
وبديت أجهز الطبخه اللي هي عباره عن شوربة الفطر مع البطاطس جدا سهله ولذيذه وسريعه في الطهي كلها ربع ساعه وانتي مخلصه ماتوقعتها تطلع بهالطعم والحين نبدأ بالمقادير
بصله متوسطه تقطع قطعاً صغيره
فصين ثوم مبشور أو مدقوق
حبتين بطاطس كبيره مقطعه مكعبات صغيره
قرن فلفل حار حسب الرغبه
ربع ملعقه صغيره فلفل أسود
نصف ملعقه صغيره بهارات مشكله
ملعقه بقدونس مفروم
شوربة الفطر
نبدأ بالطريقه
1 \ نضع قليل من الزيت في القدر ثم يقلب البصل ونضع الثوم ويقلب ثم نضع البطاطس المقطعه والبهارات والفلفل والملح ونضع حوالي أربع أو خمس كاسات ماء فوق البطاطس ثم نضع شوربة الفطر ويقلب ونتركه على النار حتى تستوي البطاطس , وإذا طفيتي النار ضعي البقدونس المفروم ويقلب وضعيها في الصحن المعد واشربوها بالهنا والعافيه
بس الجوع حطيتها في طاسه أكبر واحده لي , وحده لبنتي , وحده لولدي الصغير
إن شاء الله تعجبكم
معليش يبنات ماعرفت أرتب الصور حاولت ما قدرت اللي تعرف كيف انزل الصور تعلمني كيف الله يعطيكم العافيه