يااا حكيمات الحقوني معاد بيدي حيلة

السلام عليكم ..
مدري من وين ابدا… انا متابعة هالمنتدى من فترة وسجلت بس عشان اعرض مشكلتي العويصة .. الحمدلله بس .. والله مالي خلق اكتب النفسية ماااش .. 
.. مشكلتي باختصار انا تزوجت رجل طيب وخلوق وجدا حنون وكريم ومحد يخلا من العيوب طبعا بس ايجابياته تغطي على سيئاته .. صح ماديتنا شوي بس مايقصر علي بشي الحمدلله…  طيب تقولون فين المشكلة اجل .. 
المشكلة ياعرب ماااا حبيته مدري لييييش…  استغفرالله ماني قادرة اصير مرة صاحية تحب وتحترم زوجها مدري ليييش .. الحمدلله بيتي قايمة فيه من كل النواحي .. لكن مهملة زوجي ما اتكشخ له ولا افرح فيه ولا اشتاق ولا افتخر فيه . وانا هذا حالي من وقت الخطوبة ما كنت فرحانة ومرتاحة بس وافقت كذا لاني كنت اقول ليش ارفض رجال كويس ومين بيخطبني بالله خصوصا احنا ناس محد يبغانا عشان ظروفنا ومشاكلنا وغسيلنا المنشور الحمدلله ..
طبعا انا تطلقت منه ومعي بنت واهلي يبغوني ارجع واهله وكل العالم و تعبت نفسيتي اول ما تطلقت ورحت عند شيوخ يقولون فيني حسد وكذا .
حاليا انا محتارة ارجع ولا لا خصوصا هو مرة متمسك فيني بس انا ما احس بناحيته الا النفور .. وهالحيرة قسمتني من النص تعبت تعبت معاد ابي افكر .. كل ما اتذكر وضعي قبل الطلاق اقول ويش يرجعني الحمدلله ..
طبعا انا اعاني من مشكلات عويصة في الشخصية وشخصيتي مررة مهزوزة وماعندي ثقة بنفسي ولا احب اتكشخ ولا اخرج نفسيتي متدمرة صرت باردة وجهي شاحب ولاعاد لي رأي ما احب اصير مرة تنحب ولا اخجل من مدح زوجي لي ولا احس بشي مثل الحريم ما غير النفور والحقران مدري وش ذي العلة .. الحمدلله يااارب ..
ارشدوني اسألوني خففوا عني .. ادري كلامي ملخبط وفيه اشياء عديتها بس لا تلوموني انا نفسي ماعدت اميز بين الصح والخطاااا 
يااارب تفرجها من عندك