ياارب رحمتك / خواتي ارشدوني وربي ضايقه فيني

السلام عليكم ورحمة الله وبركاته
بنات اللي فيكم حكيمه وعندها راي سديد ترشدني او دلوني على مستشار او مستشاره تكفون
على وشك الانفصال وعندي اطفال
مع يقيني ان حياتي انا واطفالي ستتحسن بعد الانفصال لكن مجرد الفكره تتعبني
ظني بربي كبير
حتى اهلي ما يدرون بشي
الحياه بيني وبين زوجي شبه معدومه لنا فوق السنه وكل واحد عايش حياته لوحده انا تعبت مع محاولاتي بنسيان المه لي وبدء صفحه جديده الا انه في كل مره يجرح ويهين ويحسسني اني راميه نفسي عليه وان ماعندي قلب
يااارب رحمتك المشكله اطفالي بداو يحسون وذا الشي اللي كنت خايفه منه
يااارب رحمتك
اهلي ماعندهم علم باي شي لي ما يقارب التسع سنوات متزوجه وعمري ما رفعت صوتي عليه او سبيته وطبعا عكس هالشي اشوفه منه
افتقد للاحترام والتقدير منه سواء لحالنا او قدام الناس وقسوته يحاول جاهدا انه يظهرها حتى امام الناس والامر تعداني الى اطفاله
مدري اي رجوله يشوفونها بهالتصرف
وفي الفتره الاخيره بدا يضيق علي اكثر واكثر حتى اشياىي الشخصيه صار ما يلبيها
بنات ارشدوني دوبي داخله 26 وربي تعبانه ومشتته وماني عارفه اتصرف
كيف اواجه اهلي لاني شايله همهم صعب يتقبلون هالامر
محتاجه من يساندني ويوقف جنبي
الامر اللي راح اقدم عليه صعب
ساعدوني بعد الله


يااااااارب رحمتك