ياالله كأني بحلم مو مصدقة بس صحيت

السلام عليكم تدرون ياخواتي اني الليله عشت بااجمل واروع احساس وشعور بس لمده ساعة
والسالفة انا متاخره بالحمل لي سنين الله يعوضني عاجلا غير اجل واخذت هالشهر ابر منشطه مع ابره تفجيريه المهم لي اليوم 18يوم مانزلت الدوره واحس باالم الدوره من ثلاث ايام واليوم رحت لااهلي وكنت خايفه من التحليل لااسويه لاني اتعب نفسيا ومتعقده منه وتروح اختي للصيدليه وتجيب تحليل وتناديني وتغصبني الا اسويه وسويته وخليته بدوره المياه الله يعزكم واطلع بالمجلس بعد ثلاث دقايق سمعت صوت اختي تصارخ وتناديني وتطلع وهي ترتجف وتحضني وتقول طلع خطيييييييييييييييييين انا صارت الارض تدور بي هذا الكلام الساعه عشر وقلت لاتقولي لااحد انا بكره اروح للمستوصف واسوي تحليل دم قالت لا انا بجيب تحليل ثاني صناعه امريكي لانه ادق وتلزم الا اسويه بعدها بساعه بس شفت افرازات بنيه على الفوطه عرفت ان الدوره بتنزل وسويت التحليل وطلع ولله الحمد خط وااااااااحد واختي تضايقت وقعدت تلوم نفسها انها فززتني على لاشي
بس تصدقون يابنات على الرغم من اني مو مصدقه الا اني عشت بعالم اخر حسيت الدنيا غير واناظر لاامي واتخيل نفسي وانا ابشرها ليا رجعت من المستوصف وخططت ان اروح الصباح للتحليل وحسبت متى شهري واحترت وشلون اعلم زوجي يعني عشت باحلام يقظه
الحمد لله على كل حال رب لاتذرني فردا وانت خير الوارثين