يااللي راحو لمصر

بنات ارجوكم رجا ان تردو لا تضيقون صدري وسؤال اخير وش الاشياء الاساسيه اللي لازم اخذها معي

بنات وينكم مافيه احد راح مصر

السهاد .. ممكن تحطين موضوعك في قسم ساعدوني .. و إن شاء الله ماراح يقصروا هناك .. :26:

اهلين اختي السهاد

ان شاء الله افيدك بما اني جلست في مصر تقريبا سبع شهور

والله مصر ونيسه وتوسع الصدر

الاماكن عندك كازينو قصر النيل اسبوعيا نروح له تفرجين على النيل وتشربين قهوه او شاهي

عندك الاسواق جنينه مول والسراج مول دائما هناك حنا

وخان الخليلي فيه الفضيات

وملابس الاطفال انصحك بمحل في جنينه مول في الدول الثاني يجنننننن للاطفال ورخييييييص بس نسيت اسمه والله

وفيه القريه الفرعونيه حلوه بعد

ووسط البلد روحو تمشو في شارع فؤاد

وكانك بتروحين بعد ايام خذي معك ملابس شتويه كثيييره تراه برررررد هناك

والمواعين انصحك بالتوحيد والنور

بس انا يومي هناك ماكان عندي الا بنت وحده وصغيره يعني خفيفين

وانصح زوجك يشحن سيارتكم لمصر اسهل للتنقل بكثيييير من التكاسي والسيارات هناك غااااااليه مايقدر يشتري الا وحده مدردعه
وخذي معك جبن ابيض ترى جبنهم ما عجبني وزيتون اليسا ماعندهم زيتون مثلنا

وخذو معكم رز بسمتي كانكم بتعزمون واجد ترى البسمتي هناك غالي:17:

وانصحكم تسكنون في مدينه نصر ترى الشقق هناك حلللوه وجديده

ونصيييييحه اذا قال لكم صاحب الشقه عطوني تامين لاتعطونه عشانه مهوب مرجعها ولاتحلمون يرجعونها

واستاجرون شقه احد سعودي هناك اريح لكم من وجع الراس مع المصريين

ارجو اني افدتك

واي سؤال انا حاضره ارسلي لي رساله خاصه

:27: :27:

مرحبا اختي شوفي هذا الرابط وان شا الله تلاقي كل اللي تحبي تعرفيه عن مصر
http://www.travel4arab.com/vb/forumdisplay.php?f=12:26: :26:


الرحلة لمصر ممتعة اذا عرفتي كيف تستمتعي فيها..........اتمنى لك رحلة موفقة سعيدة

هلا اختي السهاد
انا رحت مصر من قبل بس كانت سياحة لمدة شهر بس 00 هي بلد حلوة بس صراحة مو نظيفة مره لاني حصل لي مغص واستفراغ يعني تقريبا تسمم لاني اكلت من مطعم اسمه جاد وبغيت اموت هناك ومن زيادة الحظ التعيس اني مالقيت مستشفى اروح لها ورحت مستشفى الزمالك ومالقيت فيها الا طبيبة وحدة بس وكانت قاعدة في مكان اشبه بالكراج للسيارات اكثر مما هو مستشفى لا وازيدك من الشعر بيت 00 لما كشفت علي هذي الدكتورة لاحظت اني احتاج ابرة عشان الاستفراغ والاسهال ( الله يكرمكم ) تخيلوا اخذت الابره فين ؟؟!!
اخذتها في الممر على الواقف !!
المهم انها حلوة ومو حلوة
ونصيحة خذي شقة سعودي لانها تكون نظيفة ومرتبة وعلى نفس النظام في بلدنا
والله يعينك وييسر لك رحلتك