ياامهات افيدونا بالادويه اللي ماتستغنون عنها بالبيت

شراب تمبرا مسكّن للألم وخافض الحرارة
جهاز بخار
بخامات فونتلين اللون السماوي والأورونج
بخاخ مويه وملح للأنف عند الزكام

علاج الكحه يحذرون منه الاطباء
خصوصا من تحت عمر 6 سنين
وانا افضل الاعشاب
قبل مايبدا المرض معهم ويشتد
اعطيهم منها ولاحظته يفيد
ولا احتاج علاجات طبيه
عندك الفكس ادهن رجولهم والبسهم شرابات
مع الصدر والظهر
وزيت الزيتون اشربهم قد 3 ملاعق
والمره مع مويه مرررره مفيده
المشروبات الدافيه مثل اليانسون
والزنجبيل والقرفه
وعصير الليمون والعسل
جربيها من اول مايبدا وتطلع عليه اعراض المرض
3 ايام وهو متعافي ولا بعد ماراح تضره كلها تقوي وتعزز مناعته
الاسعفات الاوليه
لزقه جروح
شاش
معقم
كريم الحروق ميبو

شراااب نيوروفين..
روووعه ل الالم الاسنان. والحراره. والتهاب الحلق . وجع.الاذن. و الصداع. و إلتواء المفصل...و الالام البسيطه. ..بصراحه مااتسغني عنه..ابددد.

فيفادول
شراب حساسيه زي (زيرتك ، هستوفين ، .... الخ من طقتهم)
بس انا هالشرابين عندي
هستوفين حلو للي عمرهم سنه الدكاتره يصرفونه لعيالي بهالعمر ٢،٥ ملي
الزيرتك للي اعمارهم ٣ سنين ومافوق ٤ملي او ٥ ملي
هذولي اذا زكم الطفل لازم يكون عندك شراب الحساسيه
ومعه لازم بخاخ للانف ملحي


((((مرررره ))) مهمه مهمه مهمه


اسطوانة البخار مع الفتولين والمحلول الملحي
الفنتولين جلوسه شهر وتحد بالثلاجه من فتحه يعني تذا فتحتي قزازة الفنتولين لازم تدونين عليها تاريخ الفتح وتحسبين شهر كذا الدكتور قاله جلوسه شهر بس مفتوح وبعدين يخلص مفعوله


عسل اصلي للكحه
للاطفال من عمر سنتين لمافوق ملعقة عسل مع ماء دافي لاززززم دافي على الريق الصبح اول مايصحى بعد نص ساعه تعطينه اكله
شراب الكحه ابعدين عنه الدكاتره اللي اروح لهم مايصرفونه ابد






هذا اللي اقدر عليه
بس اذا الانفلونزه معها حراررره لازم اوديه للدكتور عشان اكيد معه اللتهاب بالحلق ويحتاج مضاد
او المخاط تكرمين اخضر لازم مضاد ولا راح ينزل الباكتيريا على الحلق والبطن
هالنقطتين الدكتوره قالته اذا صار المخاط اخضر لازم تجيبينه ونصرف له مضاد او حراره معناته اللتهاب بالحلق ويحتاج مضاد بس هالحالتين

ماشاءالله عليكم ماقصرتو الله يسعدكم ..


ننتظر باقي الامهات