انا قصيت شعر بناتي الاثنين و هم صغار و بعدين ما امد ايدي على شعرهم اخليه يطول الى ان يكبرون و هم يقررون يقصون شعرهم او لا لاني احب الشعر الطويل
الله يخليلك بنتك

بنتي شعرها ناعم بس ملفلف من تحت ..
كنت كل ماطال ششوي قصيته ,,
والحين بديت أطوله يمكن آخر مره قصيته شهر 2 والحين الحمدلله مع الربطات والشباصات مرره تحسن وصار شكلها أرتب ماشاء الله

انا بنتي الكبيرة كنت اقصه باستمرار وكان يتفلفل مع الحر او اذا لعبت وركضت....وكنت انقهر...وكل من شافها قال قصيي شعرها باستمرار بس ما شفت تغير ويوم دخلت المدرسة طولته...والحمدلله صار اوكي مع الرفع والبكل...وبنتي الثانية عمرها سنتين نفس اختها وما حبيت اكرر تجربتي مع اختها....فقررت اطوله والحمدلله احس افضل للي نفس شعرها التطويل لان مهما تلعب وتركض ما يحتاس شكلها لانو مربوط الشعر...فنصيحة مني لا تقصيه ابد...لان مهما كانت القصة حلوة ومستشورة اذا بس لعبت في هالاجواء الحارة تعالي شوفي كيف يكوووووووون...

لا لا للقص انا جالسه اطول شوشت بنتي وتعالي شوفي الحرب اذا جيت احط حناء ولا زيت تقولين ابذبحها ويحصلي دائماً اصابات بس الله يعوض صبري خير وتطول الشوشه
انا مرة شعري خصلتين قليل وامي الله يخليها لنا ماعمرها اهتمت ولا اذكر حطت حناء لنا الامرة او مرتين بحياتنا ودايم الومها على عدم تطويل شعري وتقول والله اخاف عليكم من العين انتن تعبنات من غير شعر وشلون الشعور اعذروني بناتي الله يعطيها طولة العمر

انا بنتي شعرها خفيف ....وطال بس قصيته ...لانة بالاستشوار يطير والتجعيد شكله مو حلو والتربيط حلو ومرتب بس هبلت فيني عشان الروضة تاخير وتوصل اني اضربها عشان اخلص بدري فقلت وشوله استاثم فية اقصة والله يعوض..وهذا انا بعد عجبتني الفكرة وابقصة زود ..ومع المدرسة السنة الجاية يبداالرحلة الى التطويل باذن الله