يااهل الذوق ايهما افضل كنب كلاسيك ام امريكي

الاخت حنين الملاك ..اولا الله يسهلك امورك وتولدي بالسلامة
ثانيا انا افضل الخشب اكثر والقماش اللي تختاريه يتوقف على حسب المكان الي تحطي الكنب فيه .فاذا كان للعيشة اختاري قماش ثقيل وبجودة عالية حتى لو كان غالي وخليه غامق .وبعد كدا تختاري الستارة بحيث يكون لونها ماشي مع لون قماش الكنب وافضل ما تكون من نفس القماش يعني لو كان الكنب شانيل خلي الستارة تافته وشيفون او مخمل وشيفون وكلما كان تصميمها بسيط كل ما كانت اجمل ولي عودة لارفق بعض الصور ان شاء الله تفيدك وبالتوفيق ان شاء الله

تسلمي يام عبد الرحمن
ودي اسالك هل عندك فكره عن القماش الشانيل وهل في احلا منه
لانه ماعندي فكره عن الاقمشه

الكنب الكلاسيكي اروع وافخم


اما اقمشه الستائر الافضل تختارين تفتا او نفس قماش الكنب او قطيفه لانها تعطي فخامه


واذا انتي بالدمام ان شاء الله اساعدك

حبيبتي معاني الحزن
تسلمين انا من جده
ورحت شفت الكنب بس لسه ماقررت
قماش الشانيل فخم وله ثلاث انواع واحد ساده لضهر الكنب ولو ابغا للستاره
واحد مقلم للمخدات وكراسي الخدمه
واحد مشجر للجلسه تبع الكنب
فهل تنصحيني اخذالساده لضهر الكنب والستاره زي ماقال صاحب المعرض
او الستاره تفته او مخمل
ومناديل الطاوله وايش احلا شيفون او نفس القماش المقلم
انا عاجبني الشيفون
والله محتاجه نصايحكم

عدت ...
وبامكانك تخلي الصوفا واللوف سيت بقماش بلون معين مثلا لون واحد وبدون خشب ... وكنبتين زي الكراسي الملكية بلون اخر مشجر او مقلم مثلا واختاري لون الستارة من احد القماشين اللي اخترتيها .