يابتوع التشققات والخطوط البيضاء .... تعالو هنا

كيفكم يالربايع (( ربايع تعني مجموعة نساء )) اخس يالتعبير
عالعموم اسمعن يابنات الحلال
والله احتسنا وتصفقت عيوننا وحنا ندور بالمواضيع على حل للخطوط البيضاء في الجسم
وقرينا موضوع الاخت miss february والاخت ( كيفي حلوه ) واللي ذكرو فيها كريمات فادتهم .... وتعبت عيونا وحنا نقلب بالصفحات
ونبي اللي جربو هالكريمات يذكرون وش اخر المستجدات في الاراضي المتزلزله عندهم <<<< فهمتو قصدي اكيد ... يعني نبي نتايج هالتجارب والكريمات تتسجل هنا .............
واللي استخدمو كريمات وش صار معهم .... يالله نبي نتحرك نبي نقلب الموضوع لشبكه اخباريه خاصه بالزلازل << قصدي الخطوط البيضاء :23:... ونبي نعين كل وحده مراسله من بيتها تفيدنا بآخر المستجدات عنها :time:.... والمذيعين انا وبمبه المفترسه واشواق حنان و و و ووووووو الجميع يعني كلاً يستلم دوره
تكفون خلونا نتجمع هنا بتجاربنا وحلولنا .... انا عارفه ان هذري واجد .. لاكن معليش تحملوني
ولا تلوموني والله مالي حيله باللي اقوله .. قسم بالله ان الخطوط عندي تقول ارض صايبتها زلزال بقوة 6,00 على مقياس ريختر:44:
وليتها مثل الارض لتزلزلت عالاقل نزفلتها ونمشي حالنا
مير ابتلشنا حيث لازفلته ولا صبغه تغطي زلازل جلودنا <<< ابوك يالتعبير
الشكوى لله والحمد لله على كل حال
........ يالله انا خلصت النشره الافتتاحيه للشبكه الاخباريه الخاصه بالخطوط البيضاء
والذي سيكون شعارها (معاً ضد الزلازل الجلديه ) :23: وسنعلن الانتفاضه << متأثره بالاخبار:23::23:
فاصل اعلاني ونعود مع مراسل من الاراضي المتشققه والمتزلزله :23: .. بااااااي