يابختي لو تساعدوني ( السيراميك )

السلام عليكم ورحمة الله وبركاتة


بنات حواء الذويقات تكفون ابي فزعتكم ,بنات انا جاهلة كثير
في امور البيت والزينات , وبصراحة من يوم تزوجت ماقد جربت
اغير في شكل بيتي , رغم اني احب البيوت الحلوة والذوق ,
بس مدري وش مخليني ساكتة عن بيتي ومنظرة طول الوقت هذا ,
والحين جات الفرصة بغير فية , وقلت بحكم جهلي مالي غيركم ,
ترا حتى المصطلحات في الاثاث والزينات مااعرف فيها ,
<< مدري ليش احس اني الا شوي شكلي بغيت اجي ولد ...
المهم اظن حتى الرياجيل عندهم خبرة وذوق احسن مني ...
نرجع لموضوعنا : انا بسوي مداخل بيتي والمداخل صغيرة مرة
طبعا ببدأ في المداخل من الصفر , يعيني ابيكم تساعدوني
وش اراعي لما اروح محلات السراميك , يعني من ناحية الانواع ,
ووش افضل الالوان , وبعدين انا عندي سراميك مطبخي من النوع
اللي يجي كذا لامع مررة ماشاء الله اللي يشوفة يحسب اني آلمعة
كل دقيقة , طبعا انا ماابي مثلة للمداخل , ابي نوع يجي مطفي ,
ومايبين فية الغبار , ووش افضل السراميك ولا الباركية << للمعلومية اختكم في **** ماتعرف يعني ايش باركية بس توها دخلت موضوع وشافت الاخوات يتكلمون فية ههههههههه


واهم شي لاتضحكون علي تقولون ماتعرف شي << كافي امي واختي دايم يضحكون علي ويحاولون يعلموني
الذوق والسنع في البيوت بس عمكم في الله اصمخ , اتجاهل كل الاحاديث في البيوت والاثاث , اكرة اي جلسة
يتكلمون فيها الحريم عن البيوت والاثاث والزينات , والحين عاد بثقف نفسي وبزبط بيتي مابخلي احد يضحك علي ,
وببداء معاكم من الاول وماراح اترك القسم هذا الا لما اصير مصممة ديكورات ههههههههه

يلااااا انطلقووووووا واتحفووووووني وسااااعدووووني ولاتضكوووووون خلق الله عليييييييي <<ههههههه اغنية صارت
وترا ان ماساعدتوني بكيفكم عاد بقعد مثل ما انا كما خلقتني ربي هبلة خخخخخ